បើកឡានមិនស្គាល់ភូមិសាស្ត្រ បុ.កឡានគ្រូពេទ្យខ្ទេច
- កំពត
ខេត្តកំពត ៖ រថយន្តម៉ាកព្រូសមួយគ្រឿងសង្ស័យបើកបរក្នុងល្បឿនលឿន ហើយមិនស្គាល់ភូមិសាស្ត្រ ក៏ជ្រុលទៅបុករថយន្តមួយ
ខេត្តកំពត ៖ រថយន្តម៉ាកព្រូសមួយគ្រឿងសង្ស័យបើកបរក្នុងល្បឿនលឿន ហើយមិនស្គាល់ភូមិសាស្ត្រ ក៏ជ្រុលទៅបុករថយន្តមួយ
ខេត្តកំពត ៖ រថយន្តម៉ាកព្រូសមួយគ្រឿងសង្ស័យបើកបរក្នុងល្បឿនលឿន ហើយមិនស្គាល់ភូមិសាស្ត្រ ក៏ជ្រុលទៅបុករថយន្តមួយគ្រឿងទៀតម៉ាករ៉េហ្វ័រដែលឈប់ស្ងៀម និងបានរុញរថយន្តនោះទៅបុកខ្ទេចខឿនសួនច្បារនៅខាងមុខផ្ទះប្រជាពលរដ្ឋមួយគ្រួសារ បណ្តាលឱ្យរថយន្តម៉ាករ៉េហ្វ័ររងការខូចខាតផ្នែកខាងមុខ ប៉ុន្តែមិនបណ្តាលឱ្យមនុស្សណាម្នាក់រងគ្រោះថ្នាក់នោះទេ ។
ហេតុការណ៍ខាងលើនេះបានកើតឡើងកាលពីវេលាម៉ោង9និង30នាទីយប់ថ្ងៃទី29 ខែមិថុនា ឆាំ្ន2021 នៅចំណុចផ្លូវបំបែកជាបី ស្ថិតក្នុងភូមិបឹងធំ ឃុំអង្គសូរភី ស្រុកកំពង់ត្រាច ខេត្តកំពត។
រថយន្តបង្កមួយគ្រឿងខាងលើម៉ាកព្រូស ពាក់ស្លាក់លេខ ភ្នំពេញ 2BD-9158 អ្នកបើកបរមិនស្គាល់អត្តសញ្ញាណ ។ ចំណែករថយន្តម៉ាករ៉េហ្វ័រ មានម្ចាស់ឈ្មោះពេទ្យឌី ជាគ្រូពេទ្យនៅមណ្ឌលសុខភាពអង្គសូរភី ។
តាមប្រភពព័ត៌មានបានឱ្យដឹងថា មុនពេលកើតហេតុ រថយន្តម៉ាកព្រូស បើកបរតាមបណ្ដោយផ្លូវជាតិលេខ31 ក្នុងទិសដៅពីជើងទៅត្បូង និងមានល្បឿនលឿន ហើយក៏ត្រូវបត់ចូលទៅផ្លូវលេខ33វិញ ប៉ុន្តែមិនបានបត់ទេ បើកទាល់តែផុតផ្លូវក៏ជ្រុលទៅបុករថយន្តមួយគ្រឿងទៀតម៉ាក់រេហ្វរ័ ខណៈម្ចាស់កំពុងចតនៅមុខតៀមកាហ្វេ ហើយដើរចូលទៅផឹកកាហ្វេ ។ បន្ទាប់មករថយន្តម៉ាកព្រូសក៏បុកហើយរុញរថយន្តម៉ាករ៉េហ្វ័រទៅបុកខឿនសួនច្បារនៅខាងមុខផ្ទះប្រជាពលរដ្ឋ បណ្តាលឱ្យរថយន្តម៉ាករ៉េហ្វ័ររងការខូចខាតផ្នែកខាងមុខ និងខ្ទេចសួនច្បារមុខផ្ទះប្រជាពលរដ្ឋមួយគ្រួសារ ប៉ុន្តែមិនបណ្តាលឱ្យមនុស្សណាម្នាក់រងគ្រោះថ្នាក់នោះទេ។
បើតាមការអោយដឹងពីប៉ូលិសសណ្ដាប់ធ្នាប់និងចរាចរស្រុកកំពង់ត្រាចបានឱ្យដឹងកាលពីព្រឹកថ្ងៃទី30 មិថុនា ថា រថយន្តម៉ាកព្រូសដែលមានម្ចាស់ជាអ្នកនៅភ្នំពេញបើករថយន្តក្នុងល្បឿនលឿន មិនស្គាល់ភូមិសាស្ត្រ លុះបើកលឿនពេលផុតផ្លូវមិនបត់ទៅទិសខាងលិចទេ បែរជាបើកទៅទិសខាងត្បូងត្រង់ ទើបជ្រុលទៅបុករថយន្តមួយគ្រឿងទៀតម៉ាករ៉េហ្វ័រ ខណៈម្ចាស់ឈប់ចត ហើយដើរចូលទៅផឹកកាហ្វេ បណ្តាលឱ្យរងការខូតខាតតែម្តង។
ប៉ូលិសបានឱ្យដឹងបន្តថា ក្រោយពេលកើតហេតុ ម្ចាស់រថយន្តទាំងពីរនាក់បានសម្របសម្រួលគ្នា ដោយម្ចាស់រថយន្តម៉ាកព្រូសចេញសងសំណងរថយន្តម៉ាករ៉េហ្វ័រជាង2ពាន់ដុល្លារ និងសងថ្លៃខូចខាតដល់ម្ចាស់ផ្ទះមួយគ្រួសារផងដែរ ៕
ចែករំលែកព័តមាននេះ