រាជធានីភ្នំពេញ ៖ បុរសម្នាក់បានបែកថ្នាំដោយបានប្រើប្រាស់ថ្នាំញៀនច្រើនហួសកំរិត បង្កអោយមានសតិមិនប្រក្រតីម្នាក់ត្រូវបានកម្លាំងមានសមត្ថកិច្ចនគរបាលប៉ុស្តិ៍ផ្សារដើមថ្កូវ ចាប់ឃាត់ខ្លួនបានហើយ ក្រោយពីរូបគេបានដុតរោងដែលធ្វើអំពីឈើប្រកស័ង្កសី ជារបស់អ្នកលក់លៀសហាល អស់ចំនួន ៦រោង ខ្ទេចអស់គ្មានសល់ កាលពីល្ងាចមិច ហើយរត់គេចខ្លួនចូលទៅក្នុងព្រៃបាត់មួយយប់ លុះព្រឹកឡើងៗមកវិញ ដោយមានកាន់ដាវ១ដើម ជាប់ដៃ ។
ការចាប់ឃាត់ខ្លួននេះដែរ បានធ្វើឡើង កាលពីវេលាម៉ោង៩ព្រឹក ថ្ងៃទី១ ខែកក្កដា ឆ្នាំ២០២១ នៅចំណុចកន្លែងរោងដែលត្រូវបានភ្លើងឆេះក្នុងតំបន់បឹងត្របែក សង្កាត់ផ្សារដើមថ្កូវ ខណ្ឌចំការមន ។
តាមប្រភពព័ត៌មានបានប្រាប់ឱ្យដឹងថា បុរសបែកថ្នាំជាជនដៃដល់ដែលកម្លាំងមានសមត្ថកិច្ចចាប់ឃាត់ខ្លួននេះ មានឈ្មោះ ខ្មៅ អាយុជាង២០ឆ្នាំ មានមុខរបរ និងទីលំនៅមិនពិតប្រកដ ។
មុនពេលកើតហេតុ អ្នករស់នៅក្បែរខាងបានប្រទះឃើញបុរសដែលគេគ្រប់គ្នាបានស្គាល់ និងដឹងថា ជាមនុស្សបែកថ្នាំម្នាក់ ដែលបានបំផ្លាញរោងរបស់គេអស់ជាច្រើនខ្នង កាលពីល្ងាចមិញនោះ បានចេញពីព្រៃឡើងមកកន្លែងភ្លើងឆេះវិញ ដោយក្នុងដៃមានកាន់ដាវវែង១ដើម មកជាមួយផងដែរ ។
តាមប្រភពដដែលបានប្រាប់បន្តទៀតថា ពេលដែលឃើញប្រុសម្នាក់ខាងលើមានកាន់ដាវ ១ក្នុងដៃឡើងមកកន្លែងឆេះផ្ទះម្សិលមិញនោះមិនមានអ្នកណម្នាក់ហ៊ានទៅចូលក្បែរទេក៏រាយការណ៍ប្រាប់មកកម្លាំងមានសមត្ថកិច្ចអោយចុះមកចាប់តែម្តង ។កា
លពីល្ងាចថ្ងៃទី៣០ ខែមិថុនា ឆ្នាំ២០២១ ម្សិលមិញនេះ បុរសបែកថ្នាំម្នាក់ខាងលើបានខឹងដេញកាប់គេមិនបានក៏ដុតរោងធ្វើអំពីឈើប្រកស័ង្កសីជាកន្លែងស្នាក់នៅរបស់អ្នកលក់លៀសហាលឆេះអស់ចំនួន ៦ខ្នង រួចរត់ចូលព្រៃក្នុងបឹងត្របែកគេចខ្លួនបាត់មួយយប់សមត្ថកិច្ចតាមចាប់ភ្លាមៗដែរ តែរកមិនឃើញ លុះព្រឹកឡើងក៏ស្រាប់តែបានឃើញឡើងមកវិញ និងកាន់ដាវ ១មកផងក៏ត្រូវបានកម្លាំងមានសមត្ថកិច្ចនាំគ្នាឡោមទ័ព្ធចាប់បានតែម្តង ។
ក្រោយពេលកើតហេតុ បុរសបែកថ្នាំម្នាក់ខាងលើ ដែលបានដុតរោងរបស់គេឆេះអស់ជាច្រើនខ្នងម្នាក់ខាងលើ និងខាវដាង១ដើមដែលដកបាននោះ នាំទៅធ្វើការសួរនាំនៅប៉ុស្តិ៍នគរបាលផ្សារដើមថ្កូវ ធ្វើការសាកសួរ និងបញ្ជូនដ្លួនទៅកាន់អធិការដ្ឋានខណ្ឌចំការមន ចាត់ការតាមផ្លូវច្បាប់ជាបន្តទៅទៀត ៕
ចែករំលែកព័តមាននេះ