បើករថយន្ត មកពីភ្នំពេញ មិនស្គាល់ភូមិសាស្ត្រ បើកផុតផ្លូវ ទៅបុករថយន្ត ដែលគេចតផឹកកាហ្វេ
- កំពត
កំពត៖ រថយន្តមួយគ្រឿង ម៉ាក់ព្រូស ពាក់ស្លាកលេខភ្នំពេញ 2BD 9158 បើកតាមបណ្ដោយផ្លូវជាតិលេខ៣១ ពីជើង ទៅត្បូង ពេលដែលបើកមានល្បឿនលឿននោះ…
កំពត៖ រថយន្តមួយគ្រឿង ម៉ាក់ព្រូស ពាក់ស្លាកលេខភ្នំពេញ 2BD 9158 បើកតាមបណ្ដោយផ្លូវជាតិលេខ៣១ ពីជើង ទៅត្បូង ពេលដែលបើកមានល្បឿនលឿននោះ…
កំពត៖ រថយន្តមួយគ្រឿង ម៉ាក់ព្រូស ពាក់ស្លាកលេខភ្នំពេញ 2BD 9158 បើកតាមបណ្ដោយផ្លូវជាតិលេខ៣១ ពីជើង ទៅត្បូង ពេលដែលបើកមានល្បឿនលឿននោះ ត្រូវបានបត់ចូលទៅផ្លូវលេខ៣៣វិញ តែរថយន្តព្រូសនោះ មិនបានបត់ទេ តែបើកទាល់តែផុតផ្លូវ ទៅបុករថយន្តគេមួយគ្រឿងទៀត ម៉ាក់ រេហ្វ័រ ដែលមានម្ចាស់ ឈ្មោះ ពេទ្យ ឌី ដែលកំពុងចតរថយន្ត នៅមុខទៀមកាហ្វេ ហើយម្ចាស់រថយន្ត បានដើរចូលទៅផឹកកាហ្វេ។
រថយន្តរបស់គ្រូពេទ្យ ធ្វើការនៅមណ្ឌលសុខភាពអង្គសូរភីនោះ ត្រូវបានរថយន្តម៉ាក់ព្រូស មកពីភ្នំពេញបុក ហើយរុញទៅក្នុងផ្ទះពលរដ្ឋ ប៉ុន្តែម្ចាស់ផ្ទះ មិនបានរងគ្រោះទេ។ ហេតុការណ៍គ្រោះថ្នាក់ចរាចរណ៍រថយន្តម៉ាក់ព្រូសទៅបុករថយន្តឈប់ស្ងៀមនេះ បានកើតឡើងនៅវេលាម៉ោង ៩ និង ៣០នាទី យប់ថ្ងៃទី២៩ ខែមិថុនា ឆ្នាំ២០២១ នៅចំណុចផ្លូវថ្នល់បំបែក ជាបី ក្នុងភូមិបឹងធំ ឃុំអង្គសូរភី ស្រុកកំពង់ត្រាច ខេត្តកំពត។
ប៉ូលិសសណ្ដាប់ធ្នាប់ និងចរាចរណ៍ ស្រុកកំពង់ត្រាច បានឲ្យដឹងថា រថយន្តម៉ាក់ព្រូស ដែលមានម្ចាស់ នៅភ្នំពេញ គាត់បើករថយន្ត មានល្បឿនលឿន ហើយមិនដឹងភូមិសាស្ត្របើកលឿនពេលផុតផ្លូវ គាត់មិនបត់ទៅលិចទេ គាត់បើកទៅត្បូងត្រង់ ទើបទៅបុករថយន្តមួយគ្រឿងទៀត ដែលម្ចាស់រថយន្ត ជាបុគ្គលិកពេទ្យ ឈប់ផឹកកាហ្វេ។
ប៉ូលិស បន្តថា ម្ចាស់រថយន្តទាំងពីរនាក់ បានព្រមព្រៀងគ្នា ដោយម្ចាស់រថយន្តព្រូស ជួយសងសំណងរថយន្តគ្រូពេទ្យ ជាង ២ពាន់ដុល្លារ និងសងថ្លៃផ្ទះប្រជាពលរដ្ឋមួយគ្រួសារ រងការខូចខាត៕ កែវ ឆាត
ចែករំលែកព័តមាននេះ