១-ប្រកួតប្រជែងល្បឿន
វិទ្យាស្ថានបច្ចេកវិទ្យា «ម៉ាសាឈូសេត» (MIT) របស់អាមេរិកបានយករថយន្តប្រើពន្លឺព្រះអាទិត្យចូលរួមប្រកួតរថយន្ត «World Solar Challenge» នៅក្រុងដាវិន ប្រទេសអូស្ត្រាលី
១-ប្រកួតប្រជែងល្បឿន
វិទ្យាស្ថានបច្ចេកវិទ្យា «ម៉ាសាឈូសេត» (MIT) របស់អាមេរិកបានយករថយន្តប្រើពន្លឺព្រះអាទិត្យចូលរួមប្រកួតរថយន្ត «World Solar Challenge» នៅក្រុងដាវិន ប្រទេសអូស្ត្រាលី ដោយមានតំណាងចូលរួមប្រកួតចំនួន២៥ប្រទេសនៅលើពិភពលោក ។
២-នៅចម្ងាយ៧០លានឆ្នាំពន្លឺ
អង្គការអវកាសអាមេរិកបានបង្ហាញសមិទ្ធផលថ្មីរបស់យានអវកាស «ហាប់ប៊ើល» ដែល ថតរូបភាព «ហ្គាឡាក់ស៊ី» រាងដូចគូទខ្យង ស្ថិតនៅឆ្ងាយពីផែនដីជាង៧០លានឆ្នាំពន្លឺ ។ ភព«ហ្គាឡាក់ស៊ី» នោះជាផ្នែកមួយនៃហ្គាឡាក់ស៊ីនានា នៅលើលំហអវកាស ។
៣-កន្លែងងូតទឹកសាធារណៈ
កាលពីឆ្នាំ១៩៦០ មានកន្លែងងូតទឹកសាធារណៈក្នុងក្រុងតូក្យូដល់ទៅ២៦០០កន្លែង ប៉ុន្តែបច្ចុប្បន្ននៅសល់តែ៧០០កន្លែង ព្រោះលំនៅឋានបច្ចុប្បន្នរមែងមានបន្ទប់ទឹកសម្រាប់ប្រើប្រាស់់ផ្ទាល់ខ្លួន ។
៤-អភិរក្សសត្វ
ក្រុមអភិរក្សសត្វនៅក្រុងមុមបៃ ប្រទេសឥណ្ឌា បានដេកលើចង្ក្រានអាំងសាច់សិប្បនិមិត្ត នៅក្នុងទិវាអាហារបួសពិភពលោក និងជាផ្នែកនៃការអភិរក្សសត្វ និងកុំឱ្យមានការធ្វើទារុណកម្មលើសត្វ ។ ក្រុមអភិរក្សដែលមានសមាជិកជាង៣លាននាក់ ភាគច្រើនជាអ្នកទទួលបានអាហារបួស ។
៥-រថភ្លើងឆ្លងទ្វីប
រថភ្លើងដឹកទំនិញឆ្លងទ្វីបមួយខ្សែស្ថិតនៅក្រុងលីនម៉ី ខេត្តឆានទុង ភាគខាងកើតប្រទេសចិន ចេញដំណើរទៅទ្វីបអឺរ៉ុប ដោយមានស្ថានីយ ធំៗ នៅក្រុងមេនជូលី ប្រទេសម៉ុងហ្គោលី ក្រោយមកទៅចតនៅមូស្គូ ប្រទេសរុស្ស៊ី និងឆ្ពោះទៅគោលដៅនៅក្រុងហាមប៊ើក ប្រទេសអាល្លឺម៉ង់ ។ មួយជើងៗត្រូវចំណាយាពេល១៨ថ្ងៃ ។
៦-វត្ថុបុរាណ
លោកគ្រីស្ទៀន អេកម៉ាន និងលោកស្រីខាត់ថាយ៉ា ប្រ៊ូសឆាត អ្នកឯកទេសផ្នែកសម្អាតវត្ថុបុរាណជនជាតិអាល្លឺម៉ង់ ពិនិត្យមើលស្រោមមុខមាសរបស់ព្រះអង្គទូតានខាមុន ហ្វារ៉ូ មនុស្ស ល្បីល្បាញក្នុងប្រវត្តិសាស្ត្រអេហ្ស៊ីបបុរាណនៅសារមន្ទីរក្រុងគែរ ។ បច្ចុប្បន្នអេហ្ស៊ីបអភិរក្សវត្ថុបុរាណនោះ ដោយចាប់ផ្តើមសម្អាតជាតិស្នឹមនានា ។
៧-វប្បធម៌នៃការបោះតង់
តង់ជាច្រើនលើកតម្រៀបគ្នាក្នុងពិធីបុណ្យវប្បធម៌បោះតង់ នៅក្រុងហ៊ឺប៉ើយ ខេត្តអានហ៊ុយ ភាគខាងកើតប្រទេសចិន ។ ឆ្នាំនេះមានអ្នកទេសចរប្រហែល១.០០០នាក់ ចូលរួមបោះតង់៥០០កន្លែង ។
៨-គ្រោះធម្មជាតិ
រថយន្តជាច្រើនគ្រឿងធ្លាក់ពីផ្លូវល្បឿនលឿន នៅក្រុងម៉ូហាវី រដ្ឋកាលីហ្វ៊័រនីញ៉ា ក្រោយពីមានព្យុះបោកបក់ខ្លាំងតម្រូវឱ្យម្ចាស់យានយន្តផ្អាកបើកបរដើម្បីសុវត្ថិភាព ៕
ចែករំលែកព័តមាននេះ