ខេត្តបាត់ដំបង ៖ ក្រុមប្រព្រឹត្តបទល្មើសគ្រឿងញៀនចំនួន០៥នាក់ រួមទាំងវត្ថុតាងផង ត្រូវបានមន្ត្រីការិយាល័យប្រឆាំងគ្រឿងញៀន នៃស្នងការខេត្ត កសាងសំណុំរឿងបញ្ជូនទៅសាលាដំបូងខេត្ត នៅព្រឹកថ្ងៃទី៣០ មិថុនា ក្រោយពីបញ្ចប់នីតិវិធីសួរនាំ ។ លោក សុខ និមល ប្រធាការិ យាល័យប្រឆាំងគ្រឿងញៀន បានឲ្យដឹងថា ជនសង្ស័យទាំង០៥នាក់នោះ ១-ឈ្មោះ សម្បត្តិ វេហា ហៅ ជី អាយុ២២ឆ្នាំ ២-ឈ្មោះ វុន ម៉ានិត ហៅ ស្មី អាយុ១៩ឆ្នាំ ៣-ឈ្មោះ គឺ វ៉ាន់ ហៅ ខ្វាន់ អាយុ២០ឆ្នាំ ទាំង៣នាក់នេះនៅភូមិតាគ្រក់ ឃុំត្រែង ស្រុករតនមណ្ឌល ។ ៤-ឈ្មោះ ព្រហ្ម បូរ៉ា ហៅ មួន អាយុ១៩ឆ្នាំ និង៥-ឈ្មោះ វ៉ា រវឿត អាយុ១៨ឆ្នាំ ទាំង២នាក់នេះនៅភូមិជីសាង ឃុំត្រែង ស្រុករតនមណ្ឌល ។
លោក សុខ និមល បានបញ្ជាក់ថា ពួកគ្រឿងញៀនមួយក្រុមនេះ ត្រូវបានកម្លាំងនគរបាល អធិការស្រុករតនមណ្ឌល បង្ក្រាបបាន កាលពីល្ងាចថ្ងៃទី២៨ មិថុនា នៅពេលពួកគេកំពុងប្រមូលផ្ដុំគ្នា ប្រព្រឹត្តបទល្មើសជាក់ស្ដែង នៅក្នុងភូមិតាគ្រក់ ឃុំត្រែង ស្រុករតនមណ្ឌល។ បើតាមសមត្ថកិច្ចបានឲ្យដឹងថា ជនសង្ស័យទាំង០៥នាក់នេះ មានប្រវត្តិប្រព្រឹត្តបទល្មើសគ្រឿងញៀនយ៉ាងសកម្មភាពនៅក្នុងមូលដ្ឋាន ដែលកម្លាំងជំនាញធ្លាប់តាមដានសកម្មភាពពួកគេជាបន្តបន្ទាប់។
ប៉ុន្តែពេលនេះ ត្រូវកម្លាំងជំនាញបង្ក្រាប់បានហើយពេល កំពុងប្រមូលផ្ដុំគ្នាប្រប្រព្រឹត្តបទល្មើស។ ជាមួយនឹងការឃាត់ខ្លួននេះ សមត្ថកិច្ចដក ហូតបាននូវត្ថុតាងមួយចំនួន ដូចជា ថ្នាំញៀនប្រភេទមេតំហ្វេតាមីន ICE (ម៉ាទឹកកក) ចំនួន០២ថង់ មានទម្ងន់២,៨៩ក្រាម ថង់សម្រាប់វេចខ្ចប់ថ្នាំញៀន និង សម្ភារៈប្រើប្រាសថ្នាំញៀនមួយចំនួនទៀត។ ពេលនេះត្រូវមន្ត្រីការិយាល័យជំនាញ កសាងសំណុំរឿងបញ្ជូនពួកគេទៅតុលាការហើយ៕
ចែករំលែកព័តមាននេះ