ក្រុមហ៊ុនចែកចាយផលិតផលណេសត្លេ ដែលជាក្រុមហ៊ុនផ្គត់ផ្គង់ផលិតផលឧបភោគ បរិភោគធំជាងគេនៅលើពិភពលោក បានរៀបចំព្រឹត្តិការណ៍ពិសេសមួយ តាមរយៈការចែកជូនណេសកាហ្វកំប៉ុងដល់អតិថិជនបានភ្លក្សរសជាតិដ៏ឈ្ងុយឆ្ងាញ់ដោយឥតគិតថ្លៃអមដោយការប្រគុំតន្ត្រីកំដរអារម្មរណ៍។ ព្រឹត្តិការណ៍ដ៏ពិសេសនេះ បានធ្វើឡើងកាលពីរសៀលថ្ងៃទី១៣ វិច្ឆិកា ២០១៥ នៅឡាយលីផ្លាហ្សាជាន់ផ្ទាល់ដី នៃផ្សារទំនើបអីុអនម៉ល រាជធានីភ្នំពេញ។
កម្មវិធីនេះ មានការចូលរួមយ៉ាងច្រើនកុះករពីអតិថិជន អ្នកសារព័ត៌មាន និងបណ្តាញផ្សព្វផ្សាយនានា ពិសេសយុវវ័យប្រុស ស្រីជាច្រើននាក់ ដែលជាអ្នកគាំទ្រផលិតផលណេសកាហ្វេ ក៏ដូចជាអ្នកគាំទ្រតារាចម្រៀងពន្លកថ្មី លោកម៉ៅ ហាជី និងលោកសៅ ឧត្តម ជាអតីតបេក្ខជន Cambodian Idol ក្នុងវគ្គជម្រុះផ្តាច់ព្រ័ត្រ ដែលទើបតែបានបញ្ចប់នាពេលថ្មីៗនេះ។ ប្រិយមិត្តដែលបានចូលរួមទាំងអស់មានឱកាសបានភ្លក្សរសជាតិណេសកាហ្វេកំប៉ុងដ៏ឈ្ងុយឆ្ងាញ់ ដោយឥតគិតថ្លៃ ដែលធ្វើការផ្តល់ជូនចាប់ពីម៉ោង១០ព្រឹក រហូតដល់ម៉ោង៨យប់។ ក្រៅពីនេះ អតិថិជនក៏មានឱកាសឈ្នះរង្វាន់ពីការលេងហ្គេមកម្សាន្ត ការលក់បញ្ចុះតម្លៃ និងប្រូម៉ូសិនពិសេសផ្សេងៗទៀតផងដែរ។ សូមបញ្ជាក់ថា ណេសកាហ្វេកំប៉ុង កាន់តែត្រជាក់ កាន់តែមានរសជាតិឈ្ងុយឆ្ងាញ់ ដោយមានបីរសជាតិផ្សេងៗគ្នា តាមចំណង់ចំណូលចិត្តរបស់អតិថិជន គឺណេសកាហ្វេអេសស្ព្រសរ៉ូស សម្រាប់អ្នកដែលចូលចិត្តកាហ្វេរសជាតិដើមឈ្ងុយឆ្ងាញ់ ណេសកាហ្វេឡាតេ សម្រាប់អ្នកចូលចិត្តកាហ្វេទឹកដោះគោច្រើន និងណេសកាហ្វេដារ៉ូស សម្រាប់អ្នកដែលចូលចិត្តកាហ្វេចាស់។
គួររំលឹកថា កម្មវិធីចែកជូនផលិតផលណេសកាហ្វេនេះ ចាប់ផ្តើមពីថ្ងៃទី១៣ វិច្ឆិកា ២០១៥ រហូតដល់ថ្ងៃទី ៣១ ធ្នូ ២០១៥ នៅតាមទីផ្សារ សាលារៀន និងកន្លែងកម្សាន្តនានា នៅទីក្រុងភ្នំពេញ ក៏ដូចជាតាមបណ្តាខេត្ត-ក្រុងសំខាន់ៗដទៃទៀតផងដែរ។ ពិធីសម្ភោធបើកកម្មវិធីនៅផ្សារទំនើបអ៊ីអនម៉ល កាលពីពេលកន្លងទៅនេះ បានបញ្ចប់ទៅក្រោមស្នាមញញឹម និងទឹកមុខសប្បាយរីករាយបំផុត។
ចែករំលែកព័តមាននេះ