ខេត្តកំពង់ស្ពឺ ៖ អំណោយនិងថវិការរបស់សប្បុរសជននានា តាមរយ:អ្នកយកព័ត៌មានបាននាំយកជូនដល់លោកយាយ ដើម្បីទុកដោះស្រាយបញ្ហាជីវភាពប្រចាំថ្ងៃ ។ អ្វីដែលធ្វើឱ្យលោកយាយសប្បាយចិត្តបំផុត គឺគាត់បានហូបធុរេនដូចបំណងប្រាថ្នា ដែលពីមុនមកមិនដែលបានហូបទាល់តែសោះ នៅរសៀលថ្ងៃទី២៩ មិថុនា ២០២១ ។
អំណោយរបស់សប្បុរសជន រួមមានអង្ករ៣០គីឡូមី១កេះ ទឹកត្រី ទឹកសុីអុី១យួរ សាប៊ូលុច២ដុំ ម៉ាស១ប្រអប់ និងថវិកា១០០០០០រៀល ជារបស់លោកហុក ម៉ារាឌី អភិបាលក្រុងច្បារមន ។ ថវិកា១០០០០០រៀលរបស់លោកស្រី ទៀន រី សម្រស់ធម្មជាតិផ្សារឈូកមាសថវិកា២០$ របស់លោកស្រីលីអៀង រស់នៅភ្នំពេញ និងថវិកា៨$ពីលោកស្រីហាន ភិរុណ រស់នៅភ្នំពេញ រួមទាំងថវិកាចំនួន១១០០០០រៀល ជាជំនួយរបស់ធីមបងប្អូនល្អខេត្តកំពង់ស្ពឺ ។
ក្រោយទទួលអំណោយលោកយាយបានសម្តែងនូវចិត្តត្រេកអរឥតឧបមា ជាពិសេសនៅពេលដែលលោកយាយបានដឹងថា អ្វីដែលលោកយាយរំពឹងគិតបានដូចបំណង គឺបានហូបផ្លែធុរេន។ នាឱកាសនេះដែរ លោកយាយក៏បានថ្លែងអំណរគុណដល់សប្បុរសជនគ្រប់រូបដែលបានលះបង់ថវិកាផ្ទាល់ខ្លួនចែករំលែកដល់លោកយាយ ដែលកំពុងខ្វះខាតនាពេលនេះ។ ថ្វីដ្បិតតែអំណោយទាំងនេះតិចតួចក្តី តែអាចជួយសំរួលដល់ជីវភាពខ្វះខាតរបស់លោកយាយបានមួយកំរឹតដែរ។ លោកយាយក៏សូមជូនពរដល់ម្ចាស់ទានទាំងអស់សូមជួបប្រទះតែសេចក្តីសុខនិងពុទ្ឋពរទាំង៤ប្រការគឺអាយុវណ្ណ:សុខ:ពល:កុំបីឃ្លៀងឃ្លាតឡើយ។
សូមរំលឹកថា ដោយសារតែភាពខ្វះខាតធ្វើអោយដូនចាស់មួយរូបបានបង្ខំចិត្តធ្វើដំណើរពីផ្ទះមកចុះទឹកប្រឡាយនៅជិតតុលាការបេះត្រកួននិងកញ្ឆែតដើម្បីលក់យកលុយទិញម្ហូបនិងអង្កររស់កំដរថ្ងៃដែលមច្ចុរាជមកយកជីវិតគាត់។ ជួបជាមួយអយកអ្នកយកពត៌មានយើងលោកយាយប្រាប់ទាំងរញីរញ័រថា គាត់ឈ្មោះរឿនអាយុ ជាង៨០ឆ្នាំ រស់នៅភូមិព្រៃក្តីសង្កាត់ស្វាយក្រវាន់ ក្រុងច្បារមន ខេត្តកំពង់ស្ពឺ។ រាល់ថ្ងៃនេះ លោកយាយឃ្លានគ្រប់មុខ តែមិនមានលទ្ធភាពទិញយកមកហូបនោះទេ ។
ចែករំលែកព័តមាននេះ