កោះសន្តិភាពសូមបង្ហាញជូនអាវក្នុងនារីចំនួន ១១ ដែលមានតម្លៃខ្ពស់កប់ពពកក្នុងលោកយោងតាមគេហទំព័រ The Richest៖
១-អាវក្នុងនាង Molly Sims ២០លានដុល្លារ
ក្នុងឆ្នាំ២០០៦ អាវក្នុងដែលមានតម្លៃថ្លៃជាងគេលើលោក គឺមានតម្លៃដល់ទៅ២០លានដុល្លារឯណោះ រចនាឡើងដោយអ្នកស្រីស៊ូសាន រ៉ូសេន ដែលប្រើប្រាស់ត្បូងពេជ្រប្រភេទ Steinmetz ។ អាវក្នុងនេះធ្វើពីពេជ្រចំនួន២៥៤ការាត់ និងប្រើប្លាទីនលម្អជាមួយដែរ ។
នាង Molly Sims ដែលជាអ្នកពាក់អាវក្នុងនេះនិយាយថា «នាងខ្ញុំមានអារម្មណ៍ពិសេសដូចជាទេពអប្សរដែលគ្រងអាវក្នុង និងខោតម្លៃសរុប៣០លានដុល្លារ» ។
២-អាវក្នុងពណ៌ក្រហមតម្លៃ១៥លានដុល្លារ
អាវក្នុងពណ៌ក្រហមតម្លៃ១៥លានដុល្លារ ពាក់ដោយនាង Gesele Bunchen ។ វាមានពណ៌ក្រហមឆ្អៅ និងបានបំបែកកំណត់ត្រាជាអាវក្នុងតម្លៃថ្លៃជាងគេអាចនឹងស្នងតំណែងរបស់អាវក្នុងនាង Molly Sims បានកាលពីឆ្នាំ ២០០៦ ។ វាលម្អដោយត្បូងមានតម្លៃចំនួន ១៣០០ គ្រាប់ រួមបញ្ចូលទាំងត្បូងពណ៌ក្រហមចំនួន ៣០០ការាត់ ។
៣-អាវក្នុងទេពអប្សរនៅឋានសួគ៌១២,៥លានដុល្លារ
អាវក្នុងទេពអប្សរនៅឋានសួគ៌ គឺជាអាវក្នុងថ្លៃជាងគេក្នុងឆ្នាំ២០០១ និងបានបំបែកកំណត់ត្រាផងដែរ ។ វាបង្កើតឡើងដោយក្រុមហ៊ុន Victoria’s Secret និងបានពាក់ដោយនាង Heidi Klum ។ អាវក្នុងនេះរួមមានត្បូងកណ្តៀងរបស់ស្រីលង្កាចំនួន១២០០គ្រាប់ និងត្បូងពេជ្រចំនួន៩០ការាត់ ។
៤-អាវក្នុងល្អឆើតឆាយ១២,៥លានដុល្លារ
ក្នុងឆ្នាំ២០០៥ នាង Gesele Bunchen បានពាក់អាវក្នុងល្អឆើតឆាយទី២ ដែលមានស្លាកដាក់ថា Sexy Bra មានន័យថា អាវក្នុងសិចស៊ី។ អាវក្នុងនេះធ្វើពីត្បូងពេជ្រចំនួន ២៩០០គ្រាប់ និងត្បូងក្រហមចំនួន២២គ្រាប់។ អ្នកច្នៃអាវក្នុងនេះបានចំណាយពេលដល់ទៅ ៣០០ម៉ោងដើម្បីទទួលបានអាវក្នុងលំដាប់ថ្នាក់អន្តរជាតិ ។
៥-អាវក្នុងសិចស៊ី ១១លានដុល្លារ
អាវក្នុងសិចស៊ីនេះបង្ហាញដោយនាង Heidi Klum កាលពីឆ្នាំ២០០៣ រំលេចត្បូងពេជ្រចំនួន២.៩០០គ្រាប់ និងត្បូងក្រហមចំនួន២២គ្រាប់ និងចំណាយពេលដល់ទៅ៣៧០ ម៉ោងដើម្បីច្នៃវាឡើង ។
៦-អាវក្នុងរាជវង្ស១០លានដុល្លារ
តើនេះជាអាវទ្រានាប់របស់ម្ចាស់ក្សត្រីPeach មែនទេ ? វាបង្កើតឡើងដោយក្រុមហ៊ុន Mouawad ដែលមានត្បូងក្រហមចំនួន៥២ការាត់ ។ ក្រៅពីនេះវាធ្វើពីមាស គ្រឿងអលង្ការមានតម្លៃ ត្បូងកណ្តៀងពណ៌ខៀវ និងពណ៌លឿង ។
៧-អាវក្នុងតារាប្រចាំក្រុមហ៊ុន Victoria ១០លានដុល្លារ
អាវក្នុងនេះរចនាដំបូងគេក្នុងឆ្នាំ ១៩៩៦ និងបានបង្ហាញដោយនាង Claudia Schiffer រំលេចត្បូងក្រហមចំនួន១.១៥០គ្រាប់ និងត្បូងមរកតចំនួន១.៦០០គ្រាប់ ។
៨-អាវក្នុង«ឋានសួគ៌៧០»តម្លៃ១០លានដុល្លារ
អាវក្នុង«ឋានសួគ៌៧០»ត្រូវបានបង្កើតឡើងដោយក្រុមហ៊ុន Mouawad មានតម្លៃ១០លានដុល្លារ ហើយត្រូវបានបង្ហាញដោយនាង Tyra Banks ក្នុងឆ្នាំ២០០៤ ។ អាវនេះមានត្បូងពេជ្រចំនួន ២.៩០០គ្រាប់ ។
៩-អាវក្នុងត្បូងពេជ្រ ៦,៥លានដុល្លារ
ក្នុងឆ្នាំ២០០៦ នាង Karolina Kurkova បានបង្ហាញអាវទ្រនាប់ត្បូងពេជ្រឈ្មោះថា «Hearts On Fire Diamond Fantasy Bra» ច្នៃឡើងពីត្បូងពេជ្រប្រទេសប៉ូឡូញ និងចំណាយពេលដល់ទៅ៣០០ម៉ោង ។
១០-អាវក្នុងត្បូងខ្មៅតម្លៃ៥លានដុល្លារ
នាង Adriana Lima បានបង្ហាញអាវ ទ្រនាប់ក្នុងតម្លៃ៥លានដុល្លារកាលពីឆ្នាំ២០០៨ រំលេចដោយត្បូងខ្មៅចំនួន ៣,៥៧៥ គ្រាប់ និងមានត្បូងក្រហមចំនួន៣៤គ្រាប់ផងដែរ ។ អាវនេះច្នៃឡើងដោយក្រុមហ៊ុន Martin Katz ហើយបានបង្ហាញក្នុងព្រឹត្តិការណ៍ Emmy Awards ទៀតផង ។
១១-អាវក្នុងសម្បកគ្រាប់បែក២លានដុល្លារ
ក្រុមហ៊ុន Victoria’s Secret បានសហការជាមួយក្រុមហ៊ុន Damiani បង្កើតអាវទ្រនាប់មានឈ្មោះថា «Bombshell Fantasy Bra» កាលពីឆ្នាំ២០១០ ។ វាមានត្បូងកណ្តៀង និងត្បូងពេជ្រ ហើយបានបង្ហាញដោយនាង Adriana Lima នៅពិធីបង្ហាញម៉ូដកាលពីខែវិច្ឆិកា ២០១០ ៕
ចែករំលែកព័តមាននេះ