សោកនាដកម្ម! ឆេះផ្ទះ២ល្វែង ឆក់យកជីវិតបុគ្គលិកផលិតសាច់ប៉ាតេ៤នាក់ក្នុងភ្នក់ភ្លើង
- ភ្នំពេញ
រាជធានីភ្នំពេញ ៖ អគ្គិភ័យឆាបឆេះផ្ទះជាន់ផ្ទាល់ដីចំនួន២ល្វែង ធ្វើឲ្យបុគ្គលិកផលិតសាច់ប៉ាតេចំនួន៤នាក់រត់ចេញអត់រួច
រាជធានីភ្នំពេញ ៖ អគ្គិភ័យឆាបឆេះផ្ទះជាន់ផ្ទាល់ដីចំនួន២ល្វែង ធ្វើឲ្យបុគ្គលិកផលិតសាច់ប៉ាតេចំនួន៤នាក់រត់ចេញអត់រួច
រាជធានីភ្នំពេញ ៖ អគ្គិភ័យឆាបឆេះផ្ទះជាន់ផ្ទាល់ដីចំនួន២ល្វែង ធ្វើឲ្យបុគ្គលិកផលិតសាច់ប៉ាតេចំនួន៤នាក់រត់ចេញអត់រួច បណ្តាលឱ្យភ្លើងឆេះរហូតបាត់បង់ជីវិតទាំង៤នាក់ និងរបួសស្រាល១នាក់ ព្រមទាំងខូចខាតរថយន្តចំនួន២គ្រឿង និងម៉ូតូចំនួន៦គ្រឿង ព្រមទាំងសម្ភារៈក្នុងផ្ទះត្រូវភ្លើងឆេះខូចខាតអស់ទាំងស្រុង ។
ហេតុការណ៍ខាងលើនេះបានកើតឡើងកាលពីវេលាម៉ោង4និង30ទៀបភ្លឺថ្ងៃទី២៩ ខែមិថុនា ឆ្នាំ2021 នៅចំណុចផ្ទះលេខ44និង46 ផ្លូវលេខ200 ក្រុម2 ភូមិ1 សង្កាត់បឹងរាំង ខណ្ឌដូនពេញ រាជធានីភ្នំពេញ។
ម្ចាស់ផ្ទះកើតហេតុខាងលើឈ្មោះ ហុង ពេជ្រហោះ ភេទប្រុស អាយុ71ឆាំ្ន មុខរបរនៅផ្ទះ ។ ចំណែកបុរសរងគ្រោះដែលបាត់បង់ជីវិតទាំង៤នាក់ខាងលើ មិនស្គាល់អត្តសញ្ញាណនោះទេ គ្រាន់តែដឹងថា ជាបុគ្គលិកផលិតសាច់ប៉ាតេ ស្នាក់នៅផ្ទះកើតហេតុខាងលើ។ រីឯអ្នករងរបួសស្រាលម្នាក់ឈ្មោះ ម៉ូច សីហា ភេទប្រុស អាយុ24ឆ្នាំ ជាមន្ត្រីកិច្ចសន្យាអគ្គិភ័យ ។
យោងតាមប្រភពព័ត៌មាននៅជុំវិញកន្លែងកើតហេតុបានអោយដឹងថា មុនពេលកើតហេតុ គេឃើញមានផ្សែងហុយឃ្មួលឃ្មាញ់បង្កជាអណ្តាតភ្លើងចេញពីផ្ទះជាន់ផ្ទាល់ដី២ល្វែងជាប់គ្នា មានកម្ពស់៣ជាន់ ដែលគេដឹងថា ជាកន្លែងសិប្បកម្មផលិតសាច់ បាត់តេ មានបុគ្គលិកស្នាក់នៅក្នុងផ្ទះនោះ ទើបប្រជាពលរដ្ឋជាអ្នកជិតខាងបានរាយការណ៍ទៅសមត្ថកិច្ចចុះមកជួយអន្តរាគមន៍ដោយហៅរថយន្តពន្លត់អគ្គីភ័យមកដល់បានគាស់ទ្វារផ្ទះបាញ់ទឹកពន្លត់ជិត១ម៉ោង ទើបរលត់ ។
តាមប្រភពព័ត៌មានដដែលបានឲ្យដឹងទៀតថា ខណៈពេលមានផ្សែងហុយឆេះជាអណ្តាតភ្លើងនោះបុគ្គលិកចំនួន៤នាក់ដែលរត់ចេញមិនទាន់ត្រូវបានអណ្តាតភ្លើងឆាបឆេះរហូតខ្លោ.ចបាត់បង់ជីវិតក្នុងភ្នក់ភ្លើង ក្នុងនោះមាន២នាក់ដេកឱបគ្នានៅក្នុងបន្ទប់ឡៅតឿ ដោយឡែកម្នាក់ក្នុងបន្ទប់ទឹកឡៅតឿ និងម្នាក់ទៀតបាត់បង់ជីវិតនៅមុខរថយន្តនៅជាន់ផ្ទាល់ដី ។
ហេតុការណ៍អគ្គីភ័យខាងលើបានឆេះខូចខាតផ្ទះជាន់ផ្ទាល់ដីអស់ទាំងស្រុង និងមានផ្សែងហុយរោលខ្មៅទៅដល់ជាន់ទីមួយនិងទី២ ចំណែកបុគ្គលិកដែលសម្រាកនៅជាន់ខាងលើនោះរត់ផ្លោះទៅផ្ទះអ្នកជិតខាង ដោយមានអ្នករងរបួសស្រាលខ្លះផងដែរ។ ចំពោះការខូចខាតទ្រព្យសម្បត្តិរួមមានរថយន្តចំនួន២គ្រឿង និងម៉ូតូចំនួន៦គ្រឿង ព្រមទាំងសម្ភារៈក្នុងផ្ទះនៅជាន់ ផ្ទាល់ដីត្រូវអគ្គិភ័យឆាបឆេះខូចខាតអស់ទាំងស្រុង ដោយអគ្គិភ័យពុំបានឆេះឆ្លងរាលដាលដលផ្ទះអ្នកជិតខាងណាម្នាក់ឡើយ ។ ដោយឡែកមូលហេតុនៃការឆាបឆេះខាងលើនេះ សមត្ថកិច្ចកំពុងធ្វើការស្រាវជ្រាវ ។
ក្នុងហេតុការណ៍ខាងលើ បានប្រើប្រាស់រថយន្តពន្លត់អគ្គិភ័យអស់ចំនួន38គ្រឿង ទើបភ្លើងបានទាំងស្រុងនៅវេលាម៉ោង6ព្រឹក ថ្ងៃដដែល ។ ព័ត៌មានលម្អិតនឹងមានផ្សាយជូននៅលើទំព័រកាសែតកោះសន្តិភាព ៕
ចែករំលែកព័តមាននេះ