ប្រទេសជបុ៉ន ៖ ទិន្នផលឧស្សាហកម្មជប៉ុនបានកើនឡើង១,៤%ក្នុងខែតុលា បើធៀបនឹងខែមុន បានស្ថិតក្រោមការព្យាករទុក ។ រដ្ឋាភិបាលបានផ្សាយទិន្នន័យកាលពីថ្ងៃចន្ទនេះ ដោយបង្ហាញពីចំណាយលើ
ប្រទេសជប៉ុន ៖ ទិន្នផលឧស្សាហកម្មជប៉ុនបានកើនឡើង១,៤%ក្នុងខែតុលា បើធៀបនឹងខែមុន បានស្ថិតក្រោមការព្យាករទុក ។ រដ្ឋាភិបាលបានផ្សាយទិន្នន័យកាលពីថ្ងៃចន្ទនេះ ដោយបង្ហាញពីចំណាយលើការលក់រាយធ្លាក់ចុះក្នុងខែតុលា បើធៀបនឹងឆ្នាំ២០១៤ ។
ការបង្អន់ល្បឿនក្នុងប្រទេសចិន បានជះឥទ្ធិពលដល់ប្រទេសជប៉ុន ដែលជាអ្នកជាប់ចំណាត់ថ្នាក់សេដ្ឋកិច្ចធំជាងគេបំផុតទី៣ នៅលើពិភពលោក ឱ្យធ្លាក់ចូលក្នុងដំណើរមិនរីកចម្រើនក្នុងអំឡុងរដូវក្តៅរួចខ្លីក្នុងអត្រា០,៨% ក្នុងត្រីមាសទី៣ នេះ ។
លោក Marcel Thieliant សេដ្ឋវិទូរបស់ Capital Economics បានថ្លែងក្នុងរបាយការណ៍ស្រាវជ្រាវមួយថា ៖ «ទិន្នផលឧស្សាហកម្មបានកើនឡើងពីមួយខែទៅមួយខែទាំងក្នុងខែកញ្ញា និងតុលា ដែលញ៉ាំងឲ្យការមិនរីកចម្រើនទៅមុខនៃសេដ្ឋកិច្ចស្ថិតក្នុងរយៈពេលដ៏ខ្លីវិញ ។ ការកើនឡើងរយៈពេល២ខែជាប់ៗគ្នានេះបង្ហាញឲ្យឃើញថា ក្នុងត្រីមាសនេះ សេដ្ឋកិច្ចបានវិលទៅរកការកើនឡើង ដោយផ្អែកតាមការរួញខ្លីនៃទិន្នផល២ខែជាប់ៗគ្នា» ។
រដ្ឋាភិបាលបានលើកឡើងកាលពីសប្តាហ៍មុនថា ខ្លួននឹងធ្វើសេចក្តីព្រាងថវិកាបន្ថែម ព្រមទាំងផ្តល់នូវសាច់ប្រាក់ដល់អ្នកទទួលសោធន ដើម្បីទប់ទល់នឹងតម្រូវការខ្សោយ។
ចំណែកទិន្នផលរោងចក្របានធ្លាក់ចុះ១,៤%ក្នុងខែតុលា បើធៀបនឹងឆ្នាំទៅ ស្របពេលដែលផលិតកម្មជាតិគីមី លោហៈធាតុគ្មានជាតិដែក និងគ្រឿងបន្លាស់ទូរគមនាគមន៍បានធ្លាក់ចុះ ។
ប៉ុន្តែបណ្តាផលិតករទាំងឡាយបានបង្កើនផលិតកម្មរថយន្ត គ្រឿងចក្រ និងសមាសធាតុគ្រឿងអេឡិចត្រូនិក ជាគ្រឿងជំរុញកំណើនដ៏ធំសម្រាប់ប្រទេសជប៉ុន ៕
ចែករំលែកព័តមាននេះ