រាជធានីភ្នំពេញ ៖ រាល់ពេលមានកម្មវិធីបុណ្យធំៗ ទាំងបុណ្យជាតិ បុណ្យសាកល និងបុណ្យប្រពៃណីរបស់បស្ចិមប្រទេស ផ្សារទំនើបអីុអនម៉ល តែងតែរៀបចំតុបតែងសម្រាប់ស្វាគមន៍ និងលម្អ ដើម្បីជាការទាក់ទាញភ្នែកភ្ញៀវដែលចូលមកទស្សនា និងទិញទំនិញក្នុងផ្សារទំនើបធំជាងគេនៅក្នុងប្រទេសកម្ពុជា ។ កាលពីល្ងាចថ្ងៃទី២៩ វិចិ្ឆកា ២០១៥ ផ្សារទំនើបអីុអនបានរៀបចំសម្ពោធដើមណូអែល និងវិថីភ្លើង មានពណ៌ស្រស់ស្អាតសម្រាប់ស្វាគមន៍បុណ្យណូអែល និងបុណ្យចូលឆ្នាំសាកល ២០១៦ ខាងមុខនេះ ។
នៅក្នុងពិធីបើកសម្ពោធដើមណូអែល និងវិថីភ្លើង នៅក្នុងផ្សារទំនើបអីុអន ឃើញមានវត្តមានរបស់លោក សេនុ ប្រធានផ្នែកទីផ្សាររបស់ផ្សារទំនើបអីុអនម៉លភ្នំពេញ និងកញ្ញា ឱក សុគន្ធកញ្ញា តារាចម្រៀងល្បីឈ្មោះនៃព្រះរាជាណាចក្រកម្ពុជាផងដែរ ។
ផ្សារអីុអនម៉លភ្នំពេញ តែងតែផ្តល់នៅអី្វដែលថ្មីៗ ហើយក៏ដើម្បីអតិថិជនចូលរួមមានការសប្បាយរីករីយ។ កម្មវិធីនេះ បានរៀបចំជាលើកដំបូងកាលពីឆ្នាំ២០១៤ វិចិ្ឆកា ម្តងរួចមកហើយ ប៉ុន្តែសម្រាប់ឆ្នាំនេះការប្រារព្ធពិធីមានលក្ខណៈធំជាងឆ្នាំមុន ដោយដើមណូអែល មានកម្ពស់ប្រវែង៨ម៉ែត្រ ហើយសម្រាប់ភ្លើងតាមដងវិថីខាងក្រៅមានកម្ពស់ប្រវែង១១ម៉ែត្រ និងបណ្តោយប្រវែង៧២ម៉ែត្រ លំអរទៅដោយភ្លើងគ្រប់ពណ៌ចម្រុះ ។ ដូច្នេះសូមចូលរួមនឹងទទួលយកនៅការសប្បាយរីករាយជាមួយផ្សារទំនើបអីុអនម៉លទាំងអស់គ្នា ។
គួរបញ្ជាក់ថា ត្រឹមរយៈពេលមួយឆ្នាំនៃការបើកឱ្យដំណើរការផ្សារទំនើបអីុអនម៉លភ្នំពេញ ចាប់ពីខែកក្កដា ២០១៤ ដល់ខែកក្កដា ២០១៥ អតិថិជនចូលផ្សារទំនើបអីុអនម៉លចំនួន១៥លាននាក់លើសការគ្រោងទុក ដោយគម្រោងថា ក្នុងរយៈពេលមួយឆ្នាំរំពឹងមានអតិថិជនចូលផ្សារទំនើបត្រឹមតែ១០លាននាក់ប៉ុណ្ណោះ៕
ចែករំលែកព័តមាននេះ