រឿងហេតុប្លែកៗកើតឡើងលើពិភពលោក
១-ខ្លាជាប់ក្បាលក្នុងកំសៀវ
ខ្លាមួយក្បាលជាប់ក្បាលក្នុងកំសៀវទឹក នៅភូមិមួយក្នុងរដ្ឋរាជសាថាន ប្រទេសឥណ្ឌា ដោយសារតែវាស្រេកទឹកពេក ក៏មុជក្បាលចូលផឹក។ អាជ្ញាធរព្រៃឈើ បានជួយសង្គ្រោះខ្លានោះ
១-ខ្លាជាប់ក្បាលក្នុងកំសៀវ
ខ្លាមួយក្បាលជាប់ក្បាលក្នុងកំសៀវទឹក នៅភូមិមួយក្នុងរដ្ឋរាជសាថាន ប្រទេសឥណ្ឌា ដោយសារតែវាស្រេកទឹកពេក ក៏មុជក្បាលចូលផឹក។ អាជ្ញាធរព្រៃឈើ បានជួយសង្គ្រោះខ្លានោះ ដោយបាញ់ថ្នាំសណ្តំដើម្បីដកកំសៀវចេញ ។
២-ស្នាមផ្តិតបាតជើង
ស្ត្រីដែលជាប់សង្ស័យថា ភៀសខ្លួនចូលក្រុងស៊ីល្លីវ៉េន ស៊ីទី រដ្ឋតិចសាស់ បានបង្ហាញដានជើងរបស់កូនស្រី ដែលនាងបញ្ជាក់ថា ចាប់កំណើតក្នុងសហរដ្ឋអាមេរិក ប៉ុន្តែអាជ្ញាធរមិនព្រមទទួលស្គាល់ ខណៈពេលមេធាវីបញ្ជាក់ថា នឹងព្យាយាមតស៊ូលើរឿងក្តីនេះបន្តទៀត ។
៣-ប្រឆាំងការបរិភោគព្រុយឆ្លាម
ស្ត្រីម្នាក់ដើរពីក្រោមរូបគំនូរហ្វូងឆ្លាម នៅហាងទំនិញមួយក្នុងក្រុងប៉េកាំង ដើម្បីឱ្យពលរដ្ឋបាននឹកពីការអភិរក្សលើឆ្លាម និងសត្វក្នុងទឹកដទៃទៀត ។
៤-ការពារដំរី
សមាជិកអង្គការសប្បុរសធម៌ «ការពារដំរី» ដើរក្បួនដោយកាន់ផ្ទាំងរូបដំរី ក្នុងក្រុងណៃរ៉ូប៊ី នៃទិវាអំពាវនាវឱ្យជួយគ្រប់គ្រងសត្វព្រៃ ។ បច្ចុប្បន្នកេនយា៉ មានដំរីប្រហែល៣៨.០០០ក្បាល និងក្នុងមួយឆ្នាំមានការសម្លាប់ដំរីជាច្រើនក្បាលដើម្បីយកភ្លុក ។
៥-យកកុមារតែងខ្លួនជាកងទ័ព
ចិនបានយកកុមារតែងខ្លួនក្នុងឯកសណ្ឋានកងទ័ព កាន់កាំភ្លើងជ័រ ចូលរួមដើរព្យុហយាត្រា នៅក្រុងប៉េកាំង កាលពីថ្ងៃទី១ តុលា ២០១៥ ។
៦-បាក់ភ្នំ
ភ្នំមួយបានបាក់ក្នុងទីក្រុងគ្រេមប្រេ ចម្ងាយពីក្រុងក្វាតេម៉ាឡា ភាគខាងកើត១៦គីឡូម៉ែត្រ ក្រោយពេលមានភ្លៀងធ្លាក់ខ្លាំងបាននាំដីល្បាប់ និងថ្មសង្កត់ផ្ទះប្រជាពលរដ្ឋ ប៉ុន្តែគ្មានរបាយការណ៍បញ្ជាក់ថា មានស្លាប់ ឬរបួសទេ ។
៧-ទ្វាររថយន្តដូចស្លាបបក្សី
ប្រធានក្រុមហ៊ុនរថយន្ត «Tesla» បានឃោសនារថយន្តសេ៊រីចាស់ «Tesla» សេ៊រី «X» នៅទីស្នាក់ការរបស់ក្រុមហ៊ុនក្នុងក្រុងហ្វ្រ៊ីម៉ឺន រដ្ឋកាលីហ្វ៊័រនីញ៉ា ។ លក្ខណៈលេចធ្លោរបស់រថយន្តគឺទ្វារខាងក្រោយមានលក្ខណៈដូចស្លាបបក្សី ។
៨-អគារខ្ពស់ជាច្រើនជាន់នៅអេហ្ស៊ីប
ដីធ្លីនៅអេហ្ស៊ីបជាច្រើនកន្លែង ត្រូវអ្នកមានទ្រព្យស្តុកស្តម្ភវិនិយោគទុនសាងសង់អគារខ្ពស់ជាច្រើនជាន់នៅក្រុងគីសា ខាងក្រៅក្រុងគែរ៍។ ប្រសិនបើសំណង់នៅតែមានកំណើនបន្តទៅអនាគត ក្រុងនេះនឹងមានអគារខ្ពស់រីកដូចផ្សិត ៕
ចែករំលែកព័តមាននេះ