ក្រុមហ៊ុន Ducati កម្ពុជា ដែលជាក្រុមហ៊ុនផលិតម៉ូតូដ៏ល្បីល្បាញបានប្រកាសម្ពោធជាផ្លូវការនូវការិយាល័យដាក់តាំងផលិតផល និងមជ្ឈមណ្ឌលសេវាកម្មរបស់ Ducati នៅថ្ងៃទី១២ ធ្នូ ២០១៥។
ក្រុមហ៊ុន Ducati កម្ពុជា បានត្រៀមខ្លួនរួចជាស្រេចនូវការផ្តល់ជូននូវបទពិសោធន៍នៃភាពជាម្ចាស់សម្រាប់អ្នក ដែលនិយមចូលចិត្តម៉ូតូធំ រួមទាំងសហគមន៍អ្នកគាំទ្រម៉ាក Ducati និងអ្នកគាំទ្រនៅកម្ពុជា ដែលស្រលាញ់ និង គាំទ្រ «RED» ក្នុងការប្រណាំងម៉ូតូ MotoGP និង WorldSBK និងបណ្តាញអ្នកចែកចាយម៉ូតូ Ducati ។
Ducati សាខាភ្នំពេញ បំពាក់ទៅដោយសម្ភារបរិក្ខារ និងសេវាកម្មទំនើបរបស់ Ducati ជាមួយសម្ភារ និង ឧបករណ៍ពិសេសៗ រួមទាំងគ្រឿងម៉ាស៊ីនដើមរបស់ Ducati ។ បន្ទប់ដាក់តាំងផលិតផលផ្តល់ជូននូវម៉ូឌែលម៉ូតូ ជាច្រើន ដូចជា Diavel, Superbike, Hypermotard និង Monster ព្រមទាំងសម្លៀកបំពាក់ និងគ្រឿង តុបតែងខ្លួនម៉ាក Ducati ដែលលើកកម្ពស់បទពិសោធន៍ជាម្ចាស់របស់ម៉ាក Ducati របស់អ្នកបន្ថែមទៀត។
បុគ្គលិករបស់ក្រុមហ៊ុន Ducati សាខាភ្នំពេញ បានធ្វើការហ្វឹកហាត់ត្រឹមត្រូវ និងបានទទួលស្គាល់ពីក្រុមហ៊ុន Ducati ដោយផ្ទាល់ ព្រមទាំងបម្រើជូននូវភាពស្វាហាប់ក្នុងការផ្តល់ជូននូវបទពិសោធន៍ដ៏ល្បីល្បាញនៃម៉ាក Ducati ។ Ducati សាខាភ្នំពេញ ផ្តល់ជូននូវសេវាកម្ម និងស្តង់ដាខ្ពស់ដូចដែលបានស្គាល់ទូទាំងពិភពលោក។
ភ្ជាប់ជាមួយនឹងការបើកសម្ពោធនៃការិយាល័យដាក់តាំងផលិតផលនៃម៉ាក Ducati សាខាភ្នំពេញ ក្រុមហ៊ុន Ducati កម្ពុជា ក៏បានដាក់សម្ពោធនៃម៉ូតូ Scrambler ម៉ាក Ducati ដ៏ថ្មីស្រឡាងជាមួយនឹង Scrambler Pop-Up-Club ។ ម៉ូតូ Scrambler ICON នឹងដាក់បង្ហាញផ្តាច់មុខសម្រាប់តែអ្នកសារពត៌មាន តារាសិល្បៈ ភ្ញៀវកិត្តិយស VIP ជាដើម។
ម៉ូត Scrambler Ducati គឺជាការសម្ពោធនៃបទពិសោធន៍ដ៏អស្ចារ្យលំដាប់ពិភពលោកដ៏ថ្មីស្រឡាងមួយ។ ជាម៉ូតូដែលផ្តល់នូវភាពងាយស្រួល និងរូបរាងស្ទីលសម័យសតវត្សទី៦០ និង៧០, ម៉ូតូ Scrambler គឺជាម៉ូតូដែលតំណាងនូវជីវិតរីករាយ ការច្នៃប្រឌិត និងសេរីភាពនៃការបញ្ចេញមតិ។ បូកបញ្ចូលនៃការរចនាបែបបុរាណ និងសម័យ Ducati បានបង្ហាញនៃភាពសប្បាយរីករាយនៃការជិះម៉ូតូ ដែលមានកង់ពីរ ចង្កូតមួយ គ្រឿងម៉ាស៊ីនដ៏ សាមញ្ញមួយ និងការកម្សាន្តសប្បាយជាច្រើន ។
ម៉ូតូ Scrambler សម្លៀកបំពាក់ និងគ្រឿងតុបតែងខ្លួនរបស់ Ducati ផ្តល់ជូននូវពាក្យមួយឃ្លាសម្រាប់ការ បង្ហាញពីខ្លួនអ្នក។ ទាំងអស់នេះផ្តល់ជូនអ្នកនូវ «ទឹកដីនៃភាពរីករាយ»។
Ducati សាខាភ្នំពេញ មានទីតាំងនៅផ្លូវលេខ៩៦ ផ្លូវ១១0 មហាវិថី សហព័ន្ធរុស្សី សង្កាត់ទឹកល្អក់១ ខណ្ឌទួលគោក រាជធានីភ្នំពេញ ប្រទេសកម្ពុជា។ សម្រាប់ព័ត៌មានលម្អិតទៅលើម៉ូតូ Scrambler ម៉ាក Ducati ដ៏លឿនរបស់អីុតាលី សូមទំនាក់ទំនងមកកាន់ +៨៥៥ ២៣ ៩៩៣ ៩៣៣ ឬអីុម៉ែល info@ducati.com.kh។
ចែករំលែកព័តមាននេះ