ខេត្តបន្ទាយមានជ័យ ៖ នគរបាលជំនាញការិយាល័យព្រហ្មទណ្ឌកំរិតស្រាលនៃស្នងការដ្ឋាននគរបាលខេត្តបន្ទាយមានជ័យបានបញ្ជូនជនសង្ស័យជាកូនបង្កើតយកកាំបិតប៉័ងតោកា.ប់ទៅលើក្បាលម្តាយរបស់ខ្លួន
ខេត្តបន្ទាយមានជ័យ ៖ នគរបាលជំនាញការិយាល័យព្រហ្មទណ្ឌកំរិតស្រាលនៃស្នងការដ្ឋាននគរបាលខេត្តបន្ទាយមានជ័យបានបញ្ជូនជនសង្ស័យជាកូនបង្កើតយកកាំបិតប៉័ងតោកាប់ទៅលើក្បាលម្តាយរបស់ខ្លួនចំនួន២កាំបិតបណ្តាលឲ្យរងរបួសធ្ងន់ដេរចំនួន១៨ថ្នេរ ទៅសាលាដំបូងខេត្ត នៅព្រឹកថ្ងៃទី៣០ វិច្ឆិកា ២០១៥នេះហើយ។
លោកវរសេនីយ៍ត្រីម៉ុល សុភេទ នាយការិយាល័យនគរបាលព្រហ្មទណ្ឌកំរិតស្រាលនៃស្នងការដ្ឋាននគរបាលខេត្តបន្ទាយមានជ័យបានឲ្យដឹងថា យុវជនឈាមរាវមាន ឈ្មោះ អ៊ុំ អន អាយុ៣២ឆ្នាំ នៅភូមិបាលិលេយ្យ២ សង្កាត់ប៉ោយប៉ែត ក្រុងប៉ោយប៉ែត ។
ជននេះ កាលពីវេលាម៉ោង២រសៀល ថ្ងៃទី២៧ វិច្ឆិកា ២០១៥ កន្លងទៅ បានប្រើអំពើហិង្សាដោយចេតនា ទាញយកកាំបិតប៉័ងតោកាប់ទៅលើម្តាយបង្កើតរបស់ខ្លួនឈ្មោះយ៉ែម ឈន អាយុ៤៧ឆ្នាំ នៅភូមិជាមួយគ្នា។
លោកនាយការិយាល័យក៏បានបញ្ជាក់ថា នៅចំពោះមុខសមត្ថកិច្ចជននេះបានសារភាពថា នៅថ្ងៃកើតហេតុគេស្រាវឹងស្រា រួចមកសុំលុយម្តាយដើម្បីទៅទិញស្រាផឹកបន្ថែមទៀត តែម្តាយគេមិនឲ្យហើយបានយកដំបងវាយគេឲ្យរបួសក្បាល អត់ទ្រាំមិនបានគេក៏យកកាំបិតប៉័ងតោកាប់ទៅលើគាត់ត្រូវចំក្បាលបណ្តាលឲ្យរបួស ហើយត្រូវនគរបាលក្រុងប៉ោយប៉ែតចាប់ឃាត់ខ្លួនតែម្តង៕
ចែករំលែកព័តមាននេះ