ឆ្នាំ១៩០៥
ក្នុងអំឡុងមានសង្គ្រាមរវាងប្រទេសរុស្ស៊ីនិង ប្រទេសជប៉ុនការប្រយុទ្ធគ្នាដោយនាវានៅច្រកសមុទ្រសឺស៊ីម៉ា បានចាប់ផ្ដើមដោយខាងប្រទេសជប៉ុនមាននាវាចំបាំង៤គ្រឿងនាវាពិឃាត២១គ្រឿង ចំណែកប្រទេសរុស្ស៊ី មាននាវាចំបាំង៨គ្រឿងនាវាពិឃាត៩គ្រឿង ។
ឆ្នាំ១៩៤១
-ក្នុងពេលមានសង្គ្រាមលោកលើកទី២ លោកប្រធានាធិបតីអាមេរិកហ្វ្រេងគ្លីន រ៉ូស្វែល បានប្រកាសដាក់ប្រទេសស្ថិតក្នុង ភាពអាសន្នដោយគ្មានដែនកំណត់។
-នាវាចំបាំងរបស់ប្រទេសអាល្លឺម៉ង់ ឈ្មោះប៊ីសម៉ាកបានលិចនៅក្នុងសមុទ្រ អាត្លង់ទិកខាងជើងក្រោមការវាយប្រហារ របស់កងទ័ពអាកាសអង់គ្លេសដែលនៅលើនាវា HMS Ark Royal ក្នុងពេលព្យាយាមគេចទៅរកទីកន្លែងសុវត្ថិភាព បណ្ដាលឱ្យស្លាប់កងទ័ពអាល្លឺម៉ង់ជិត២.១០០នាក់ ។
ឆ្នាំ១៩៤២
ប្រតិបត្ដិការសំងាត់ឈ្មោះអានត្រូប៉ូតដើម្បីធ្វើឃាតមេដឹកនាំកងទ័ពណាហ្ស៊ី Reinhard Heydrich របស់អាល្លឺម៉ង់នៅ ទីក្រុងប្រាគ ប្រទេសឆេកូស្លូវ៉ាគី មិនបានទទួលជោគជ័យទេ ក្នុងពេលដែលគាត់ចេញដំណើរពីផ្ទះទៅកន្លែងធ្វើការនៅម៉ោង១០ និង៣០នាទី ។ Gabcik និង Kubis បានឈរចាំរថយន្ដលោកជិតផ្លូវរថភ្លើងហើយពួកគេក៏បានបើកការបាញ់ប្រហារលើរថយន្ដរបស់លោក ។ ពេលនោះលោកបានបញ្ជាឱ្យអ្នកបើកបរឈប់ហើយក្រោកឈរឡើងបាញ់លើពួកអ្នកធ្វើឃាតលោកតែមានគេបោះគ្រាប់បែកប្រឆាំងរថក្រោះទៅកាន់រថយន្ដលោកវិញធ្វើឱ្យលោករងរបួសនឹងត្រូវ Gabcik បាញ់ត្រូវពីរគ្រាប់ ។ បន្ទាប់ពីលើកហេតុការណ៍នោះលោកបានត្រូវនាំទៅមន្ទីរពេទ្យដែលមានចំងាយ២,៥គីឡូម៉ែត្រពីកន្លែងកើតហេតុនិងធ្វើការវះកាត់ជាង១ម៉ោង ។
ឆ្នាំ១៩៥៧
CHUM-AM បានក្លាយជាស្ថានីយវិទ្យុ ទីមួយក្នុងប្រទេសកាណាដា តាមរយៈរលក ធាតុអាកាស1050KHz ។
ឆ្នាំ១៩៥៨
យន្ដហោះចំបាំង F-4 Phantom II បានធ្វើការហោះហើរជាលើកទីមួយរបស់ខ្លួន។ វាជាប្រភេទយន្ដហោះមានល្បឿនលឿនជាងសម្លេងរបស់អាមេរិកមានតម្លៃ២,៤លានដុល្លារ និងផលិតបានចំនួន៥.១៩៥គ្រឿង ។ បច្ចុប្បន្នប្រទេសដែលប្រើយន្ដហោះប្រភេទ នេះមានអេហ្ស៊ីប អូស្ដ្រាលី អាល្លឺម៉ង់ ក្រិច អ៊ីរ៉ង់ ជប៉ុន កូរ៉េខាងត្បូង អេស្ប៉ាញ ទួរគី និងអង់គ្លេស ។
ឆ្នាំ១៩៦០
រដ្ឋប្រហារយោធាកើតឡើងនៅប្រទេសទួរគី ដើម្បីទំលាក់ប្រធានាធិបតីទី៣ លោកសែឡាល បាយ៉ារ និងមន្ដ្រីទាំងអស់របស់រដ្ឋាភិបាល ។ លោកប្រធានាធិបតីបានឡើងកាន់តំំណែងពីឆ្នាំ១៩៥០ ហើយបានក្លាយជាប្រមុខរដ្ឋដែលរស់បានយូរបំផុត និងស្លាប់ ក្នុងអាយុ១០៣ឆ្នាំ ។
ឆ្នាំ១៩៦៥
កងនាវារបស់សហរដ្ឋអាមេរិកបានបើកការវាយប្រហារតាមផ្លូវអាកាសដោយទំលាក់គ្រាប់បែកជាលើកទីមួយលើរណសិរ្ស សង្គ្រោះជាតិដែលមានគោលដៅដណ្ដើមដែនដីវៀតណាមខាងត្បូង ។
ឆ្នាំ១៩៧១
-មានគ្រោះថ្នាក់រថភ្លើងបុកគ្នានៅទីក្រុងដាឡេរ៉ូភាគខាងលិចប្រទេសអាល្លឺម៉ង់បណ្ដាលឱ្យស្លាប់មនុស្ស៤៦នាក់របួស២៥ នាក់ ហើយនេះគឺជាគ្រោះថ្នាក់ដ៏អាក្រក់បំផុត ។
ឆ្នាំ១៩៨០
នៅទីក្រុងក្វាងជូ មានការបះបោរប្រឆាំងការគ្រប់គ្រងរបស់រដ្ឋាភិបាលកូរ៉េខាងត្បូងតែត្រូវកងទ័ពកូរ៉េខាងត្បូងគ្រប់គ្រងបាន តែក្នុងរយៈពេល៣ម៉ោង ។ ហេតុការណ៍នេះគេឱ្យឈ្មោះថា ៥១៨ គឺសំដៅទៅលើ ថ្ងៃចាប់ផ្ដើមនៃព្រឹត្ដិការណ៍។ ក្រោយពី បញ្ចប់ការបង្ក្រាបមានរបាយការណ៍របស់រដ្ឋាភិបាលថាមានមនុស្សស្លាប់១៩១នាក់ ក្នុងនោះជនស៊ីវិល១៦៤នាក់ ទាហាន២៣នាក់ របួស៨៥២នាក់ ក្នុងនោះរបួសធ្ងន់១២២នាក់ តែរបាយការណ៍ផ្សេងទៀតថាមានមនុស្សស្លាប់១.០០០នាក់ ចាប់ខ្លួន២.៥២២នាក់ ។ ភ្លាមៗនោះដែរ ទឹកប្រាក់២លានដុល្លារ ត្រូវចំណាយលើជំនួយស្បៀងអាហារនិងប្រាក់ ១៦.០០០ដុល្លារត្រូវប្រគល់ដល់គ្រួសារ ដែលបាត់បង់ជីវិតទាំងអស់ ។
ឆ្នាំ១៩៩៦
ប្រធានាធិបតីរុស្ស៊ី លោកបូរីសយ៉ែលស៊ីន បានជួបប្រជុំជាមួយពួកឧទ្ទាមឆេកឆេនី ជាលើកទីមួយដើម្បីចរចាពីបទឈប់បាញ់ ។
ឆ្នាំ២០០៤
អង្គការណាសាបានប្រកាសថា ឧបករណ៍រុករករយៈចំងាយឆ្ងាយក្នុងទីអវកាសទីមួយបានរកឃើញថា មានភពដែលទើបតែមានអាយុតិចជាង១លានឆ្នាំ ។
ឆ្នាំ២០០៥
នាងឆាបប៉ែល គ័រប៊ី ជនជាតិអូស្ដ្រាលី ត្រូវបានតុលាការប្រទេសឥណ្ឌូណេស៊ីកាត់ទោសឱ្យជាប់ពន្ធនាគារ២០ឆ្នាំ ពីបទជួញដូរ ថ្នាំញៀននៅកោះបាលី ។
ឆ្នាំ២០០៦
-មានគ្រោះរញ្ជួយដីនាម៉ោង៥និង៥៣នាទី ៥៨វិនាទីម៉ោងក្នុងប្រទេសឥណ្ឌូណេស៊ីបានសំលាប់មនុស្សជាង៦.៦០០នាក់។
-ប្រទេសភូមាបានប្រកាសបន្ដរយៈពេល ឃុំខ្លួនអ្នកស្រីអ៊ួងសានស៊ូជី នៅក្នុងផ្ទះរយៈពេលមួយឆ្នាំទៀត ។
ឆ្នាំ២០០៩
ប្រទេសកូរ៉េខាងជើងបានបាញ់សាកល្បង អាវុធមីស៊ីលទី៥របស់ខ្លួន ៕
ចែករំលែកព័តមាននេះ