ខេត្តឧត្តរមានជ័យ៖ អ្នកទោសខ្មែរម្នាក់ ត្រូវបានក្រុមអាជ្ញាធរថៃ ដោះលែង និងនាំខ្លួន យកមកប្រគល់ឱ្យក្រុមអាជ្ញាធរកម្ពុជាវិញ តាមច្រកទ្វារអន្តរជាតិជាំ ស្ថិតនៅក្នុងភូមិជាំ ឃុំត្រពាំងប្រីយ៍ ស្រុកអន្លង់វែង…
ខេត្តឧត្តរមានជ័យ៖ អ្នកទោសខ្មែរម្នាក់ ត្រូវបានក្រុមអាជ្ញាធរថៃ ដោះលែង និងនាំខ្លួន យកមកប្រគល់ឱ្យក្រុមអាជ្ញាធរកម្ពុជាវិញ តាមច្រកទ្វារអន្តរជាតិជាំ ស្ថិតនៅក្នុងភូមិជាំ ឃុំត្រពាំងប្រីយ៍ ស្រុកអន្លង់វែង ខេត្តឧត្តរមានជ័យ កាលពីវេលាម៉ោង ១រសៀល ថ្ងៃទី២៣ ខែមិថុនា ឆ្នាំ២០២១ ម្សិលមិញនេះ។
អ្នកទោសខ្មែរ ដែលក្រុមអាជ្ញាធរថៃ ដោះលែងនោះ មានឈ្មោះ ព្រំ ម៉ាណាត់ ភេទប្រុស អាយុ ៣៩ឆ្នាំ ដោយជាប់ចោទពីបទប្រើប្រាស់ និងជួញដូរគ្រឿងញៀនឆ្លងដែន ចូលប្រទេសថៃ ឃាត់ខ្លួន កាលពីថ្ងៃទី២០ ខែសីហា ឆ្នាំ២០១៧ រស់នៅភូមិមាន់ចែ ឃុំមាន់ចែ ស្រុកសំពៅមាស ខេត្តពោធិ៍សាត់។
ក្រុមអាជ្ញាធរកម្ពុជា ដែលបម្រើការងារនៅច្រកទ្វារអន្តរជាតិជាំ បានឱ្យដឹងថា ក្រោយពីបានទទួលអ្នកទោសខ្មែរម្នាក់ ដែលក្រុមអាជ្ញាធរថៃ នាំខ្លួនយកមកប្រគល់ឱ្យនោះ ខាងសមត្ថកិច្ច បានធ្វើការអប់រំ និងធ្វើកិច្ចសន្យាឈប់ឆ្លងដែន និងប្រព្រឹត្តអំពើល្មើសច្បាប់បន្តទៀត។
បន្ទាប់មក សមត្ថកិច្ច បានប្រគល់ទៅឱ្យលោកគ្រូពេទ្យ ប្រចាំការច្រកអន្តរជាតិជាំ បាញ់អាកុល និងវាស់កំដៅ រួចក៏បញ្ជូនបន្តទៅធ្វើចត្តាឡីស័ក នៅសាលាបឋមសិក្សាអន្លង់វែង៕ ឱម សារឿន
ចែករំលែកព័តមាននេះ