តើអ្នកដឹងទេថា ការផ្លាស់ប្តូរម្តងបន្តិចៗ វាផ្តល់ផលឱ្យអ្នកច្រើននៅថ្ងៃមុខ ។ យើងអាចកសាងទម្លាប់ល្អតូចៗ ប៉ុន្តែវានឹងផ្តល់ផលធំមកវិញ ។ នៅក្នុងសៀវភៅ The Millionaire…
តើអ្នកដឹងទេថា ការផ្លាស់ប្តូរម្តងបន្តិចៗ វាផ្តល់ផលឱ្យអ្នកច្រើននៅថ្ងៃមុខ ។ យើងអាចកសាងទម្លាប់ល្អតូចៗ ប៉ុន្តែវានឹងផ្តល់ផលធំមកវិញ ។ នៅក្នុងសៀវភៅ The Millionaire Next Door បានចែករំលែកលទ្ធផលនៃការសិក្សារបស់មហាសេដ្ឋី ជាច្រើនដែលមានទ្រព្យសម្បត្តិសុទ្ធ ១០០ លានដុល្លារ ឡើងទៅ ប៉ុន្តែពួកគេសុទ្ធតែចាប់ផ្តើមតាំង ១ ដុល្លារមក ។ ក្នុងករណីជាច្រើនអ្នកមានទាំងនេះ ចេញមកពីគ្រួសារក្រីក្រ និងគ្រួសារវណ្ណៈកណ្តាល ពួកគេបានធ្វើការរកប្រាក់ និងសន្សំ ដើម្បីក្លាយជាមហាសេដ្ឋី ។
ការប្រែក្លាយជាមហាសេដ្ឋីរបស់ពួកគេជាច្រើន ពួកគេមិនបានទទួលមរតក ឬកេរ្តិ៍ពីគ្រួសាររបស់ពួកគេនោះទេ ហើយពួកគេមិនបានឈ្នះឆ្នោតដែរ ។ ផ្ទុយទៅវិញពួកគេបានខិតខំថែរក្សាប្រាក់ដែលពួកគេមាន និងបន្ថែមការសន្សំរបស់ពួកគេ ។ បើទោះបីមិនមែនមនុស្សគ្រប់គ្នាសុទ្ធតែអាចក្លាយជាសេដ្ឋីក៏ដោយ តែការសិក្សាបានបង្ហាញថា ការសន្សំប្រាក់តាមពេលវេលាជាក់លាក់ អាចជួយអ្នកឱ្យសម្រេចគោលដៅហិរញ្ញវត្ថុបាន ។
ខាងក្រោមនេះ គឺជាវិធីមួយចំនួន ដើម្បីជួយអ្នកពិចារណាឡើងវិញ អំពីរបៀបដែលអ្នកសន្សំប្រាក់ ។ ចាប់ផ្តើមជាមួយប្រាក់ដែលមាន មុនអ្នកចង់ទិញរបស់អ្វីមួយ អ្នកត្រូវតែសួរខ្លួនឯងថា «តើខ្ញុំពិតជាត្រូវការចំណាយប្រាក់នេះមែនទេ ?» សូមចាំថា ប្រាក់ដែលអ្នកមិនចំណាយ ប្រាក់នោះអាចធ្វើឱ្យអ្នកខិតជិតទៅដល់គោលដៅរបស់អ្នក ៖
ចាប់ផ្តើមបង្កើតប្រាក់ដោយប្រើគំនិតបីយ៉ាង
១. ដឹងពីអ្វីដែលអ្នករកបានទល់នឹងអ្វីដែលអ្នកចំណាយ
២. ប្រកាន់ភ្ជាប់ថា ប្រាក់សន្សំ គឺជាអាទិភាព
៣. ត្រូវចេះបត់បែន ។
នាពេលបច្ចុប្បន្នការប្រើប្រាស់ កាតឥណទាន អេធីអឹម និងសេវាកម្មតាមអ៊ិនធឺរណែត ការបញ្ជារទិញតាមអនឡាញ ពិតជាមានការពេញនិយម និងឆាប់រហ័ស ប៉ុន្តែអ្នកត្រូវដឹងថា ប្រាក់សន្សំរបស់អ្នកក៏ឆាប់អស់ដែរ ហើយវាក៏ជាឧបសគ្គក្នុងការសន្សំប្រាក់ថែមទៀត ។ ឧទាហរណ៍ថា អ្នកបានឃើញរបស់មួយស្អាតហើយវាបានទាក់ទាញចិត្តអ្នកយ៉ាង ប៉ុន្តែវាថ្លៃ ហើយក៏មានលុយគ្រប់ដែរ (លុយសន្សំ) ប៉ុន្តែសួរថា របស់នោះចាំបាច់ឱ្យអ្នកត្រូវចំណាយប្រាក់លើវាដែរ ឬទេ ក្នុងពេលនេះអ៊ីចឹងដើម្បីចៀសវាងវា យើងអាចថា ចាំពីរបីថ្ងៃទៀតចាំទិញក៏បាន ដូចនេះនៅពេលអ្នកប្រាប់ខ្លួនឯងបែបនេះ នោះក្នុងកំឡុងនឹងអ្នកនឹងគិតសាជាថ្មី ហើយអ្នកនឹងមិនចង់ទិញវានោះទេ ។ ជាពិសេសនោះ គឺស្មាតហ្វូនថ្មី មនុស្សភាគច្រើន ច្រើនតែចំណាយទៅលើវាច្រើន បើទោះបីទូរស័ព្ទរាល់ថ្ងៃនៅប្រើបានក្តី ។
នេះជាការសន្សំសំចៃជាទម្លាប់ដែលអ្នកតែងតែធ្វើ
ការទស្សនាភាពយន្តនៅក្នុងរោងកុង ៖ កាលពីក្នុងឆ្នាំ ២០១៧ ថ្លៃដើមសំបុត្រកុនទូទាំងប្រទេសមានតម្លៃ ៨,៩៧ ដុល្លារ ។ សម្រាប់គ្រួសារដែលមានសមាជិក ៤ នាក់ការចំណាយគឺ ៣៥,៨៨ ដុល្លារ ប៉ុន្តែបើប្រៀបធៀបនឹងការជាវជាកញ្ចប់ដែលទស្សនាតាមអនឡាញ (ទស្សនាតាមកញ្ចក់ទូរទស្សន៍នៅផ្ទះ) ក្នុងមួយខែអ្នកចំណាយត្រឹមតែ ៧,៩៩ ដុល្លារប៉ុណ្ណោះ ដូចនេះអ្នកគួរប្រើប្រាស់ការបង់ថ្លៃដែលបានមើលគ្រប់គ្នាហើយចំណាយតិចថែមទៀតផង នេះមិនទាន់គិតថ្លៃអ្នកទៅដល់រោងកុន ត្រូវទិញរបស់ញុំាថែមទៀតផង (ពោតលីង ឬខុក) ។
ចំណាយលុយទិញសៀវភៅ ៖ អ្នកខ្លះបានចំណាយលុយជាច្រើនទៅលើសៀវភៅ បច្ចុប្បន្នអ្នកអាចរកមើលអានសៀវតាមបណ្តាល័យ ឬតាមអីនធើណែតរួចដោនឡូតបាន មានកន្លែងខ្លះគេលក់សៀវភៅមួយទឹកថែមទៀតផង ហើយប្រសិនបើអ្នកវ៉ក់នឹងអានខ្លាំង ហើយសៀវភៅក្នុងផ្ទះអាចចប់អស់ហើយ អ្នកអាចរកមើលជួលសៀវភៅគេអានក៏បាន ។ កន្លែងខ្លះ គេមានកម្មវិធីដូរសៀវភៅគ្នាអានទៀត ។
ការផឹកកាហ្វេ ៖ ប្រសិនបើអ្នកជាអ្នកញុំាកាហ្វេច្រើនក្នុងមួយថ្ងៃៗ អ្នកគួរទិញម៉ាស៊ីន ឬធ្វើកាហ្វេឆុងញុំានៅផ្ទះ ព្រោះថាបើអ្នកទៅទិញកាហ្វេនៅក្រៅ តំលៃមួយកែវមិនក្រោម ២ ដុល្លារនោះទេ ចុះបើថ្ងៃខ្លះអ្នកញុំា ២ កែវ ឬ ៣ កែវក្នុងមួយថ្ងៃ ហើយប្រាកដណាស់ថា អ្នកនឹងញុំារាល់ថ្ងៃ ដូចនេះជំរើសល្អគឺព្យាយាមទិញម៉ាស៊ីន និងគ្រាប់កាហ្វេមកធ្វើខ្លួឯងនៅផ្ទះ ។ បើទោះបីអ្នកចំណាយត្រឹមតែ ៣ ដងក្នុងមួយសប្តាហ៍សម្រាប់ការញុំាក្រៅក៏មើលទៅ ស្មើឹនឹងអ្នកមានទិញកាហ្វេមកឆុងញុំានៅផ្ទះមួយខែដែរ ៕ ប្រភព ៖ Discover
ចែករំលែកព័តមាននេះ