ប្រើល្បិចធ្វើជាចូលទិញអីវ៉ាន់ចាប់ហួយ ឆ្លៀតឱកាសស្ងាត់ ធ្វើសកម្មភាពលើស្ត្រីអ្នកលក់
- កំពត
ខេត្តកំពត ៖ តាមប្រភពពីស្នងការដ្ឋាននគរបាលខេត្តកំពតបានឲ្យដឹងថា មានករណីលួចបានកើតឡើងកាលពីវេលាម៉ោង៦និង
ខេត្តកំពត ៖ តាមប្រភពពីស្នងការដ្ឋាននគរបាលខេត្តកំពតបានឲ្យដឹងថា មានករណីលួចបានកើតឡើងកាលពីវេលាម៉ោង៦និង
ខេត្តកំពត ៖ តាមប្រភពពីស្នងការដ្ឋាននគរបាលខេត្តកំពតបានឲ្យដឹងថា មានករណីលួចបានកើតឡើងកាលពីវេលាម៉ោង៦និង២០នាទីយប់ថ្ងៃទី២១ ខែមិថុនា ឆ្នាំ២០២១ នៅចំណុចភូមិទ្វីខាងជើង សង្កាត់អណ្តូងខ្មែរ ក្រុងកំពត ខេត្តកំពត ដែលបង្កឡើងដោយជនសង្ស័យម្នាក់យកញញួរដែកវា.យក្បាលស្ត្រីចំណាស់ជាអ្នកលក់ចាប់ហួយម្នាក់ បណ្តាលឱ្យសន្ល.ប់ រួចដោះយកខ្សែកប្លាទីនមួយខ្សែទម្ងន់៥ជី បំរុងរត់គេចខ្លួនដែរ ប៉ុន្តែដោយសារស្ត្រីរងគ្រោះសន្លប់តែមួយភ្លែត រួចក៏ដឹងខ្លួនវិញ ហើយស្រែកឆោឡោ បង្កការភ្ញាក់ផ្អើលដល់ប្រជាពលរដ្ឋ និងសាច់ញាតិចាប់បានជនសង្ស័យ រួចរាយការណ៍ជូនកំលាំងសមត្ថកិច្ច និងប្រគល់ឲ្យសមត្ថកិច្ចភ្លាមៗដើម្បីយកទៅសួរនាំ ។
លោកវរៈសេនីយឯក លក ញ៉ាវ ស្នងការរងទទួលផែនព្រហ្មទណ្ឌបានឲ្យដឹងថា ជនរងគ្រោះឈ្មោះសុខ អ៊ឹង ភេទស្រី អាយុ៦៧ឆ្នាំ មានទីលំនៅភូមិឃុំកើតហេតុខាងលើ បានរងរបួសក្បាល និងបាត់ខ្សែកប្លាទីនទម្ងន់៥ជីមួយខ្សែ។ ចំណែកជនសង្ស័យឈ្មោះង៉ែត យឿន ភេទប្រុស អាយុ២៨ឆ្នាំ មុខរបរជាងផ្សារដែក មានទីលំនៅភូមិមានរិទ្ធ ឃុំកណ្តោល ស្រុកទឹកឈូ ខេត្តកំពត។
លោកបានបន្តថា មុនពេលកើតហេតុ ស្ត្រីជនរងគ្រោះនៅផ្ទះតែម្នាក់ឯង និងលក់អីវ៉ាន់ចាប់ហួយផង ពេលនោះជនសង្ស័យប្រើល្បិចធ្វើជាចូលទិញអីវ៉ាន់ដូចជា ប្រេងឆា អំពិលទុំ ប្រេងខ្យង និងប្រេងកូឡា ដោយឃើញឱកាសស្ងាត់ ហើយស្ត្រីរងគ្រោះនៅផ្ទះតែម្នាក់ឯង ក៏យកញញួរដែកដែលកាន់នៅនឹងដៃវា.យក្បាលស្ត្រីរងគ្រោះមួយញញួរ បណ្តាលឱ្យស្ត្រីរងគ្រោះដួលអុកគូទសន្ល.ប់ រួចជនសង្ស័យដោះយកខ្សែកប្លាទីនរបស់ស្ត្រីរងគ្រោះបំរុងរត់ចេញខ្លួនដែរ ប៉ុន្តែដោយស្ត្រីរងគ្រោះដឹងខ្លួនទាន់ក៏ស្រែកឆោឡោ បង្កការភ្ញាក់ផ្អើ.លដល់អ្នកជិតខាង និងបងប្អូនសាច់ញាតិក៏ដេញចាប់ជនសង្ស័យបានរួចហើយប្រគល់ឲ្យសមត្ថកិច្ច នាំមកកាន់ស្នងការខេត្តដើម្បីសួរនាំ។
នៅចំពោះមុខសមត្ថកិច្ច ជនសង្ស័យបានសារភាពថា ខ្លួនពិតជាបានធ្វើវា.យស្ត្រីរងគ្រោះ បណ្តាលឱ្យរងរបួស ហើយដោះយកខ្សែកប្រាកដមែន។
ក្រោយពីសាកសួររួច នៅរសៀលថ្ងៃទី២២ ខែមិថុនា ឆ្នាំ២០២១នេះ សមត្ថកិច្ចបានកសាងសំណុំរឿងបញ្ជូនជនសង្ស័យទៅសាលាដំបូងខេត្ត ដើម្បីចាត់ការតាមនីតិវិធី៕
ចែករំលែកព័តមាននេះ