ខេត្តកណ្ដាល ៖ កាលពីថ្ងៃទី២៨ វិច្ឆិកា ២០១៥ ក្រុមការងារគណៈពង្រឹងមូលដ្ឋានគណបក្សប្រជាជនកម្ពុជា និងអនុសាខាកាកបាទក្រហមស្រុក បាននាំអំណោយសង្គ្រោះទៅចែកជូនដល់ប្រជាពលរដ្ឋរងគ្រោះ…
ខេត្តកណ្ដាល ៖ កាលពីថ្ងៃទី២៨ វិច្ឆិកា ២០១៥ ក្រុមការងារគណៈពង្រឹងមូលដ្ឋានគណបក្សប្រជាជនកម្ពុជា និងអនុសាខាកាកបាទក្រហមស្រុក បាននាំអំណោយសង្គ្រោះទៅចែកជូនដល់ប្រជាពលរដ្ឋរងគ្រោះដោយភ្លើងឆេះផ្ទះចំនួន៣គ្រួសារនៅក្នុងភូមិរាំងដេក និងភូមិកោះតេជោ ឃុំគគីរធំ ស្រុកកៀនស្វាយ ខេត្តកណ្ដាល ។
ការចុះចែកអំណោយដល់ផ្ទះគ្រួសាររងគ្រោះដោយសារភ្លើងឆេះផ្ទះទាំង៣គ្រួសារនាថ្ងៃនោះ ចែកជាពីរវេន គឺនៅពេលព្រឹក លោកស្រី សុខ វីឡា ដឹកនាំក្រុមការងារគណៈពង្រឹងឃុំគគីរធំ តំណាងឲ្យលោក ង៉ោ សុវណ្ណ អនុប្រធានគណៈពង្រឹងមូលដ្ឋានស្រុកកៀនស្វាយ និងជាប្រធានគណៈពង្រឹងឃុំសំរោងធម និងឃុំគគីរធំ នាំយកអំណោយទៅចែកជូនប្រជាពលរដ្ឋទាំង៣គ្រួសារ ដោយក្នុង១គ្រួសារទទួលបាន អង្ករ២៥គីឡូក្រាម, ស័ង្កសី៣០សន្លឹក, ចានបាយ១០, ឆ្នាំងបាយ២, ខ្ទះ១, កាធុនធំ១, ជ្រុញ១, វែកឆា១, វែកសម្ល១, វែកបាយ១, កន្ទេល១, មុង១, ភួយ-ខ្នើយ២, សាប៊ូដុសខ្លួន៤ដុំ, សាប៊ូម្ស៉ៅ១កញ្ចប់ធំ, ខោអាវ១ថង់ និងថវិកា២០ម៉ឺនរៀល ។
លុះដល់រសៀលថ្ងៃដដែល លោក អ៊ួ ឈាង អភិបាលស្រុកកៀនស្វាយ និងជាប្រធានកិត្តិយសអនុសាខាកាកបាទក្រហមស្រុក និងព្រះវិជ្ជានុរក្ខញ្ញាណ ខឹម សុផន ព្រះអនុគណស្រុក និងជាចៅអធិការវត្តស្លាកែត និងអាជ្ញាធរស្រុក-ឃុំ មន្ត្រីសង្ឃគ្រប់ជាន់ថ្នាក់ បាននាំអំណោយសង្គ្រោះទៅចែកជូនដល់គ្រួសាររងគ្រោះទាំង៣គ្រួសារបន្ថែមទៀត ដោយក្នុង១គ្រួសារទទួលបាន អង្ករ១០០គីឡូក្រាម, ទឹកត្រី៣យួរ, ទឹកស៊ីអ៊ីវ៣យួរ, ត្រីខ៣យួ, មី៣កេស, ធុងទឹកជ័រធំ១, តង់១, មុង១, ភួយ១, កន្ទេល, ខ្នើយ, កាធុនធំ, ចាន, ឆ្នាំង, ស្លាបព្រា ព្រមទាំងសម្ភារផ្ទះបាយមួយចំនួន និងថវិកា៩៣ម៉ឺនរៀល ក្នុងនោះថវិកាកាកបាទក្រហមស្រុក៤០ម៉ឺរៀល ។
ព័ត៌មានលម្អិតនឹងមានផ្សាយជូននៅលើកាសែតកោះសន្តិភាព
ចែករំលែកព័តមាននេះ