កំណាត់ផ្លូវមួយខ្សែ ស្ថិតនៅជាប់ផ្សារទួលសង្កែ ផ្នែកខាងត្បូង ជាប់ព្រំប្រទល់សង្កាត់ ចំនួន២ គឺសង្កាត់ស្រះចក ខណ្ឌដូនពេញ និងសង្កាត់ទួលសង្កែ ខណ្ឌឫស្សីកែវ ត្រូវបានប្រជាពលរដ្ឋដាក់តាំង អីវ៉ាន់លក់ដូរណែនណាន់តាន់តាប់លើទ្រូងផ្លូវ ធ្វើឱ្យប៉ះពាល់ដល់ការធ្វើដំណើរឆ្លងកាត់ របស់ប្រជាពលរដ្ឋ យ៉ាងខ្លាំង ហើយនិយាយឱ្យច្បាស់តែម្ដងនោះ គឺបើករថយន្ដ និងម៉ូតូ លែងរួចទៅហើយនាពេលបច្ចុប្បន្ននេះ
កំណាត់ផ្លូវមួយខ្សែ ស្ថិតនៅជាប់ផ្សារទួលសង្កែ ផ្នែកខាងត្បូង ជាប់ព្រំប្រទល់សង្កាត់ ចំនួន២ គឺសង្កាត់ស្រះចក ខណ្ឌដូនពេញ និងសង្កាត់ទួលសង្កែ ខណ្ឌឫស្សីកែវ ត្រូវបានប្រជាពលរដ្ឋដាក់តាំង អីវ៉ាន់លក់ដូរណែនណាន់តាន់តាប់លើទ្រូងផ្លូវ ធ្វើឱ្យប៉ះពាល់ដល់ការធ្វើដំណើរឆ្លងកាត់ របស់ប្រជាពលរដ្ឋ យ៉ាងខ្លាំង ហើយនិយាយឱ្យច្បាស់តែម្ដងនោះ គឺបើករថយន្ដ និងម៉ូតូ លែងរួចទៅហើយនាពេលបច្ចុប្បន្ននេះ។
ជាមួយនឹងបាតុភាពអាក្រក់ដែលប៉ះពាល់ដល់សណ្ដាប់ធ្នាប់ នៃការធ្វើអាជីវកម្មលើផ្លូវបណ្ដាលឱ្យប្រជាពលរដ្ឋ ដែលរស់នៅអមសងខាងផ្លូវនោះ ក៏ដូចជាអ្នកធ្វើដំណើរឆ្លងកាត់ផ្លូវខាងលើនេះ បានទាមទារសូមឱ្យអាជ្ញាធរ នៃខណ្ឌទាំង២ រួមជាមួយសាលារាជធានីភ្នំពេញ មេត្ដាមានវិធានការបញ្ឈប់សកម្មភាពលក់ដូរ នៅលើ ទ្រូងផ្លូវ ហើយរៀបរយសណ្ដាប់ធ្នាប់ឱ្យបានល្អប្រសើរឡើងវិញមុន ឆ្នាំ២០១០ ខាងមុខនេះផង។
ប្រជាពលរដ្ឋរស់នៅក្នុងភូមិសាស្ដ្រខាងលើនេះ ពិសេសមន្ដ្រីរាជការដែលមានរថយន្ដ ជិះចេញចូលលំនៅ ឋានបានបង្ខំចិត្ដ ត្រូវបើកវាងផ្លូវទើបអាចចូលលំនៅឋានរបស់ខ្លួនបាន ។ លោកកែប ជុតិមា អភិបាលរាជ ធានីភ្នំពេញ តែងតែបានដាក់វិធានការហាមឃាត់ តាមរយៈអាជ្ញាធរមូលដ្ឋាន ឱ្យលុបបំបាត់ការដាក់តាំង លក់ទំនិញលើទ្រូងផ្លូវ ឬសូម្បីតែព្យួរអីវ៉ាន់រណេងរណោងនៅពីមុខផ្ទះ ដែលមើលទៅមិនសមភ្នែកក៏មិន អនុញាតដែរ។ វិធានការនោះឃើញថា បណ្ដាខណ្ឌមួយចំនួនបានអនុវត្ដរួចមកហើយ ប៉ុន្ដែដោយឡែក អាជ្ញាធរខណ្ឌដូនពេញ និងខណ្ឌឫស្សីកែវ បែរជានាំគ្នាមិន អើពើអំពីបញ្ហាមានផ្សារលើទ្រូងផ្លូវ ដោយបង្ក ផលលំបាកក្នុងការធ្វើដំណើរ របស់សាធារណជននោះទេ ។
ដោយសារតែបញ្ហានេះ ប្រជាពលរដ្ឋបានសំណូមពរទៅលោកអភិបាលរាជធានីភ្នំពេញ សូមមេត្ដាមាន វិធានការទៅលើអាជ្ញាធរខណ្ឌទាំង២ ដែលកំពុងនាំគ្នាឈរទ្រឹងហាក់ដូចជា មិនរវីរវល់ក្នុងការរៀបចំសណ្ដាប់ ធ្នាប់លើផ្លូវខាងលើនោះសោះ ដែលជាហេតុនាំឱ្យបាត់បង់សោភ័ណភាពក្នុងរាជធានីភ្នំពេញ ក៏ដូចជាបាត់បង់ សណ្ដាប់ធ្នាប់សាធារណៈផងដែរ ព្រោះតែគេយកផ្លូវធ្វើផ្សារទៅវិញ។ ទន្ទឹមនឹងការលើកឡើងខាងលើនេះ មន្ដ្រីសាលារាជធានីភ្នំពេញមួយរូប សុំមិនបញ្ចេញឈ្មោះបាននិយាយថា សាលារាជធានីភ្នំពេញ នឹងមាន វិធានការជាបណ្ដើរៗចំពោះបាតុភាព ដែលបងប្អូនប្រជាពលរដ្ឋនាំគ្នាប្រើប្រាស់ទ្រូងផ្លូវ ធ្វើជាកន្លែងលក់ដូរ បែបនេះ។ រីឯអាជីវករលក់ដូរ នៅទីតាំងខាងលើនេះ បាននិយាយថា ពួកគាត់គ្មានកន្លែងលក់ដូរ ទើបនាំ គ្នាមកលក់លើផ្លូវបែបនេះ ។
ក្រុមអាជីវករបានបន្ដថា បើអាជ្ញាធររកកន្លែងលក់ដូរសមរម្យដែលអាចប្រកបរបរ រកស៊ីកំប៉ិកកំប៉ុកចិញ្ចឹម ឆ្នាំងបាន ពួកគាត់មិនលក់ដូរលើទ្រូងផ្លូវតទៅទៀតឡើយ ។
ចែករំលែកព័តមាននេះ