កំពង់ផែស្វយ័តក្រុងព្រះសីហនុ រកចំណូលបានប៉ុន្មាន និងថយចុះប៉ុន្មាន ?
- ភ្នំពេញ
រាជធានីភ្នំពេញ ៖ យោងតាមក្រសួងសាធារណការ និងដឹកជញ្ជូន នៅថ្ងៃទី ២២ ខែមិថុនា ឆ្នាំ ២០២១ នេះបានកត់សម្គាល់ឃើញថា…
រាជធានីភ្នំពេញ ៖ យោងតាមក្រសួងសាធារណការ និងដឹកជញ្ជូន នៅថ្ងៃទី ២២ ខែមិថុនា ឆ្នាំ ២០២១ នេះបានកត់សម្គាល់ឃើញថា…
រាជធានីភ្នំពេញ ៖ យោងតាមក្រសួងសាធារណការ និងដឹកជញ្ជូន នៅថ្ងៃទី ២២ ខែមិថុនា ឆ្នាំ ២០២១ នេះបានកត់សម្គាល់ឃើញថា ៖ កំពង់ផែស្វយ័តក្រុងព្រះសីហនុ បានចូលទីផ្សារមូលបត្រកម្ពុជា បោះផ្សាយ លក់ភាគហ៊ុន បានបញ្ចុះតម្លៃ ១០% នៃតម្លៃសេវាលើកដាក់កុងតឺន័រ និងបានអភិវឌ្ឍចំណតកំពង់ផែពហុបំណង ដោយឡែកទាក់ទងការងារអាជីវកម្ម និងហិរញ្ញវត្ថុ ឆ្នាំ ២០២០ ធៀបនិងឆ្នាំ ២០១៩ វិញ កំពង់ផែស្វយ័តក្រុងព្រះសីហនុមានទំនិញឆ្លងកាត់ចំនួន ៦ ៦០១ ៨០៤តោន កើនឡើង 0,៨៣% បរិមាណនាវាឆ្លងកាត់មានចំនួន ១៥៨២គ្រឿង ថយចុះ ៤,៨១% បរិមាណកុងតឺន័រឆ្លងកាត់មានចំនួន៦៤១ ៨៤២ TEUs កើនឡើង ០,៤១% និងចំណូលសរុបមានចំនួន ៣១១ ៨១៣ ៧៦៩ ០០០ រៀល ថយចុះចំនួន ៧% ។
ក្នុងដំណើរទស្សនកិច្ច របស់ឯកឧត្ដមទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន ដឹកនាំគណៈប្រតិភូចម្រុះចុះពិនិត្យកំពង់ផែស្វយ័តក្រុងព្រះសីហនុ ក្នុងគោលបំណងដើម្បីស្វែងយល់ពីសកម្មភាពការងារជាក់ស្តែងក្នុងការដឹកជញ្ជូន ការលើកដាក់ទំនិញនៅកំពង់ផែស្វយ័តក្រុងព្រះសីហនុ និងសកម្មភាពអភិវឌ្ឍន៍នានា ផងដែរ ។
ជាមួយគ្នានេះផងដែរ កំពង់ផែស្វយ័តក្រុងព្រះសីហនុ បានដាក់ចេញផែនការអភិវឌ្ឍរយៈពេលវែងក្រោយឆ្នាំ ២០៣០ ដើម្បីពង្រឹង និងពង្រីកសមត្ថភាពនៃការផ្តល់សេវាជូនអតិថិជន ក្នុងនោះរួមមាន ៖ គម្រោងកសាងចំណតកុងតឺន័រទី ៤ ប្រវែង ១៣០០ម៉ែត្រ x ៥៥០ម៉ែត្រ ចំណតកុងតឺន័រទី ៣ ប្រវែង ១០៥០ម៉ែត្រ x ៥៥០ម៉ែត្រ ចំណតកុងតឺន័រថភ្លើងប្រវែង ២៥០ម៉ែត្រ x ១៧០០ម៉ែត្រ អភិវឌ្ឍតំបន់រដ្ឋបាល និងសេដ្ឋកិច្ច ៥៤ ហិកតា និងតំបន់គយត្រួតពិនិត្យទំនិញប្រវែង ៦៥០ម៉ែត្រ x ២០០ម៉ែត្រ ។
ដោយឡែក ផែនការអភិវឌ្ឍរយៈពេលខ្លីឆ្នាំ ២០១៧-២០២៥ កំពង់ផែស្វយ័តក្រុងព្រះសីហនុ មានផែនការអភិវឌ្ឍកំពង់ផែទឹកជ្រៅចំណតកុងតឺន័រជម្រៅ១៤,៥ម៉ែត្រ ក្នុងនោះ ៖ គម្រោងកសាងកំពង់ផែ ទឹកជ្រៅចំណតកុងតឺន័រជំហានទីមួយ ប្រវែង ៣៥០ម៉ែត្រ ជំហានទីពីរប្រវែង ៣០០ម៉ែត្រ និងជំហានទីបី ប្រវែង ៣០០ម៉ែត្រផងដែរ ៕
ចែករំលែកព័តមាននេះ