អណ្ដូងដ៏អាថ៌កំបាំងមួយ ហៅអណ្ដូងនរក ដែលទាក់ទិននឹងខ្មោចព្រាយបិសាច (វីដេអូ)
មានរបស់ធម្មជាតិដ៏អស្ចារ្យមួយ នៅភាគខាងកើតយេម៉ែនដែលនោះជាអណ្ដូងអាថ៌កំបាំងមួយ ដែលមានរឿងនិទានទាក់ទិននឹង
មានរបស់ធម្មជាតិដ៏អស្ចារ្យមួយ នៅភាគខាងកើតយេម៉ែនដែលនោះជាអណ្ដូងអាថ៌កំបាំងមួយ ដែលមានរឿងនិទានទាក់ទិននឹង
ប្រទេសយេម៉ែន ៖ មានរបស់ធម្មជាតិដ៏អស្ចារ្យមួយ នៅភាគខាងកើតយេម៉ែនដែលនោះជាអណ្ដូងអាថ៌កំបាំងមួយ ដែលមានរឿងនិទានទាក់ទិននឹងខ្មោចព្រាយបិសាចនិងអំពើ។
នោះជាអណ្ដូង ហៅអណ្ដូងBARHOUT ដែលគេស្គាល់ក្រោមឈ្មោះថា អណ្ដូងនរក ដែលធ្វើឲ្យបណ្ដាអ្នកភូមិវិទ្យាមានការចាប់អារម្មណ៍។ អណ្ដូងនោះស្ថិតនៅកន្លែងមួយ ចម្ងាយប្រមាណជា១.៣០០គីឡូម៉ែត្រ ខាងកើតរដ្ឋធានីយេម៉ែនក្រុងសាណា ជិតព្រំដែនជាមួយអូម៉ង់។ អណ្ដូងយក្សនោះស្ថិតក្នុងតំបន់វាលខ្សាច់ នៃខេត្តAL-MAHRAដោយវាមានមាត់ដល់៣០ម៉ែត្រ និងជម្រៅពី១០០ទៅ២៥០ម៉ែត្រ។
យោងតាមការនិទានតៗគ្នាមកថា អណ្ដូងនោះត្រូវបានបង្កើតឡើង សម្រាប់ជាគុកដាក់ពួកខ្មោចព្រាយបិសាច ដោយសារអណ្ដូងនោះ មានបញ្ចេញក្លិនស្អុយមកខាងលើ។ បណ្ដាអ្នកទទួលខុសត្រូវយេម៉ែនអះអាងថា មិនបានដឹងថា តើមានអ្វីខ្លះក្នុងអណ្ដូងនោះឡើយ?។ អណ្ដូងនេះជ្រៅខ្លាំងណាស់ ដែលគេមិនអាចចុះទៅដល់បាត ព្រោះពុំមានខ្យល់អុកស៊ីហ្សែនគ្រប់គ្រាន់ និងគ្មានកង្ហារ។
នេះជាការលើកឡើងរបស់លោកSALAH BABHAIR ជាអ្នកទទួលខុសត្រូវមូលដ្ឋានមួយរូប ដែលទទួលបន្ទុកសិក្សាខាងភូគុម្ភសាស្ត្រនិងធនធានរ៉ែ។ លោកថា យើងនឹងទៅកាន់ទីនោះ ហើយសាកល្បងចុះទៅក្នុងអណ្ដូង។ យើងចុះបានត្រឹមតែជម្រៅពី៥០ទៅ៦០ម៉ែត្រ ហើយកំណត់រកឃើញរបស់របរប្លែកៗនៅខាងក្នុង។ យើងក៏ទទួលក្លិនស្អុយពិបាកទ្រាំំផងដែរ។ នោះពិតជាអណ្ដូងដ៏អាថ៌កំបាំង។ ពន្លឺព្រះអាទិត្យអាចជះចូលបានតិច ហើយគេមិនអាចមើលឃើញអ្វីច្រើនឡើយពីមាត់អណ្ដូងទៅ លើកលែងតែពពួកសត្វបក្សីដែលចេញចូល។
តាមលោក SALAH BABHAIR ថា អណ្ដូងនោះ កកើតចាប់តាំងពីច្រើនលានឆ្នាំមកហើយ។ គេត្រូវការនូវការសិក្សាថែមទៀតព្រមទាំងស្រាវជ្រាវនិងស៊ើបអង្កេត។ តាមជំនឿនានាថា អណ្ដូងនេះគឺជាការគំរាមកំហែងមួយសម្រាប់ជីវិតមនុស្សនៅលើផែនដី។ ដោយសារការខ្លាចប្រជាជនជាច្រើននៃតំបន់នោះ មិនហ៊ានមកក្បែរអណ្ដូងនេះ ព្រមទាំងមិនហ៊ានបញ្ចេញឈ្មោះអណ្ដូងនោះទៀតផង។
យេម៉ែនជាប្រទេសកើតសង្គ្រាមស៊ីវិលរ៉ាំរៃ ចាប់តាំងពីឆ្នាំ២០១៤មក និងជួបប្រទះវិបត្តិមនុស្សធម៌ ដ៏អាក្រក់ជាងគេបំផុតនៃពិភពលោក៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ