People’s Daily កាលពីពេល ថ្មីៗកន្លងមក ផ្សាយថា លោកឈើន លៀនឈ័រ ជាងមា៉ស៊ីនអាយុ៥០ឆ្នាំ នៅខេត្តគាន់ស៊ូ ប្រទេសចិន បានផលិតយន្តហោះផ្ទាល់ខ្លួន ដោយសារធុញទ្រាន់នឹងការកកស្ទះចរាចរណ៍ ។ លោកឈើន លៀនឈ័រ ចង់ប្រើទីធ្លាលើលំហអាកាសដើម្បីសម្រួលភាពណែនណាន់តាន់តាប់ផ្នែកចរាចរណ៍ផ្លូវគោក ។
ចាប់តាំងពីឆ្នាំ២០១០មក លោកឈើន លៀនឈ័រ ដែលរៀនចប់ថ្នាក់វិទ្យាល័យ ចាប់ផ្តើមមានគោលគំនិតផលិតយន្តហោះដោយខ្លួនឯង តាមរយៈការឈ្វេងយល់តាមសៀវភៅ និងអីុនធើរណេត រួមទាំងការសិក្សាស្រាវជ្រាវនៅផ្ទះ។ បុរសនេះបានចំណាយប្រាក់២,៨ម៉ឺនយាន់ ឬប្រហែល៤៣០០ដុល្លារ ទិញម៉ាស៊ីន គ្រឿងអាលុយមីញ៉ូម និងសម្ភារ ផ្សេងៗ រៀបដំឡើងជាយន្តហោះ ។ ជាងម៉ាស៊ីនរូបនោះនិយាយថា «ប្រសិនបើការសាកល្បងហោះហើរជោគជ័យ ខ្ញុំសង្ឃឹមថា យន្តហោះនេះនឹងប្រើប្រាស់ក្នុងការធ្វើដំណើរ រួមទាំងអាចប្រើសម្រាប់បាចជី ឬពន្លត់អគ្គិភ័យក៏បាន» ៕
ចែករំលែកព័តមាននេះ