ក្រុងព្រះសីហនុ ៖ បើតាមសេចក្តីរាយការណ៍បានឱ្យដឹងថា បុរសជាជនជាតិចិនម្នាក់ត្រូវបានគេប្រទះឃើញសាកស.ពដេកស្លា.ប់យ៉ាអាណោចអាធ័មនៅក្នុងដីឡូតិ៍មួយកន្លែងក្បែរអគារខ្ពស់មួយ ម្តុំឆ្នេរអូរត្រេះ ស្ថិតក្នុងភូមិ៦ សង្កាត់៤ ក្រុង/ខេត្តព្រះសីហនុ ដោយពុំទាន់មូលហេតុច្បាស់លាស់ ។ ករណីនេះ បានបង្កឲ្យមានការភ្ញាក់ផ្អើលនៅវេលាម៉ោង២រសៀល ថ្ងៃទី២១ ខែមិថុនា ឆ្នាំ២០២១នេះ ។
យោងតាមប្រភពនៅកន្លែងកើតហេតុបានអោយដឹងថា ដោយមានសេចក្តីរាយការណ៍ពីប្រជាពលរដ្ឋ បានប្រាប់សមត្ថកិច្ចមូលដ្ឋានថា ប្រទះឃើញស.ពមនុស្សប្រុសម្នាក់ដេកស្លា.ប់ក្នុងព្រៃ ។ ភ្លាមៗនោះ សមត្ថកិច្ចក៏បានចុះទៅការពារទីតាំងកន្លែងដែលប្រទះឃើញស.ពបុរសជនជាតិចិនខាងលើនេះ និង ធ្វើការពិនិត្យកោសល្យវិច្ច័យ ហើយនៅពុំទាន់បញ្ជាក់ពីមូលហេតុនៅឡើយទេ។
ជុំវិញករណីខាងលើនេះផងដែរ លោក សារ៉ាត់ វិទ្យា ប្រធានការិយាល័យពិនិត្យសាកស.ព បានបញ្ជាក់នាល្ងាចថ្ងៃទី២១ ខែមិថុនានេះថា ចំពោះអត្តសញ្ញាណសាកស.ពសមត្ថកិច្ចនៅពុំទាន់ដឹងនៅឡើយទេ ប៉ុន្តែឆ្លងតាមការធ្វើកោសល្យវិច្ច័យ សមត្ថកិច្ចសន្និដ្ឋានជាបឋមបានថា ជនរងគ្រោះអាចស្លា.ប់ដោយសារឧបទ្ទវហេតុ ធ្លាក់ពីទីខ្ពស់ (អគារខ្ពស់) ព្រោះនៅលើខ្លួនសាកស.ពមានស្លាកស្នាមបាក់ក.ជើង និងគ្រាំផ្នែកខាងក្នុងខ្លួនផងដែរ។
ក្រោយពេលធ្វើការពិនិត្យរួចរាល់ សាកស.ពជនរងគ្រោះត្រូវបានបញ្ជូនមកតម្កល់ទុកមន្ទីរពេទ្យបង្អែកចំការចេក ខេត្តព្រះសីហនុ ដើម្បីរង់ចាំសាច់ញាតិមកទទួល៕
ចែករំលែកព័តមាននេះ