រាជធានីភ្នំពេញ ៖ ក្រុមហ៊ុន IMER ORU ដែលជាក្រុមហ៊ុនចែកចាយផលិតផលសម្ភារសំណង់ម៉ាក IMERបានរៀបចំពិធីជួបជុំដៃគូចែកចាយរបស់ខ្លួន ដើម្បីបង្កើតទំនាក់ទំនងកាន់តែមានភាពស្និទ្ធស្នាលរវាងអ្នកចែកចាយក្នុងស្រុក
រាជធានីភ្នំពេញ ៖ ក្រុមហ៊ុន IMER ORU ដែលជាក្រុមហ៊ុនចែកចាយផលិតផលសម្ភារសំណង់ម៉ាក IMERបានរៀបចំពិធីជួបជុំដៃគូចែកចាយរបស់ខ្លួន ដើម្បីបង្កើតទំនាក់ទំនងកាន់តែមានភាពស្និទ្ធស្នាលរវាងអ្នកចែកចាយក្នុងស្រុក និងក្រៅស្រុក ។ ពិធីនេះ បានធ្វើឡើងកាលពីថ្ងៃទី១៩ វិច្ឆិកា ២០១៥ កន្លងទៅនេះ នៅសណ្ឋាគារសុខាភ្នំពេញ ។
លោក Nelson Yeo អ្នកគ្រប់គ្រងទូទៅនៃក្រុមហ៊ុន IMER ORU បានលើកឡើងថា ការជួបជុំអ្នកចែកចាយទាំងឡាយនាពេលនេះ ពិតជាមានសារសំខាន់ណាស់ក្នុងការកសាងទំនាក់ទំនងរវាងបណ្ដាអ្នកចែកចាយពីប្រទេសផ្សេងៗ ផ្លាស់ប្តូរ និងចែករំលែកបទពិសោធន៍រវាងគ្នាទៅវិញទៅមក និងជាពិសេសការជួបជុំនេះ គឺជាឱកាសមួយដែលអនុញ្ញាតឱ្យអ្នកចែកចាយអាចលើកឡើងដោយផ្ទាល់នូវបញ្ហា និងអនុសាសន៍នានាជាមួយម្ចាស់ក្រុមហ៊ុន IMER ប្រទេសអ៊ីតាលី ដើម្បីពិនិត្យ និងដោះស្រាយជូនផងដែរ ។
លោក Giuseppe DE ANGELIS អ្នកជំនាញមកពីក្រុមហ៊ុន IMER អ៊ីតាលីបានឱ្យដឹងដែរថា ផលិតផល IMER គឺជាឧបករណ៍ជួយពន្លឿនក្នុងការសាងសង់សំណង់ និងគុណភាពក្នុងការធ្វើសំណង់ទាំងនោះផងដែរ ដែលឧបករណ៍នេះផលិតឡើងនៅប្រទេសអ៊ីតាលីប្រកបដោយស្តង់ដារអឺរ៉ុប ដោយគេបានសាកល្បង និងប្រើប្រាស់នៅតាមបណ្តាប្រទេសអឺរ៉ុបអស់រយៈពេលជាច្រើនឆ្នាំមកហើយ។
គួរបញ្ជាក់ថា ឧបករណ៍សម្ភារជំនួយការសាងសង់ម៉ាក IMER រួមមានម៉ាស៊ីនបូកជញ្ជាំង ម៉ាស៊ីនលាយបេតុង ម៉ាស៊ីនលាយ និងបូកបាយអរម៉ាស៊ីនកាត់ការ៉ូ និងម៉ូទ័ររ៉កគ្រប់ប្រភេទដែលផលិតនៅប្រទេសអ៊ីតាលី ហើយនាំចូល និងចែកចាយផ្ដាច់មុខនៅក្នុងប្រទេសកម្ពុជា ដោយក្រុមហ៊ុន CBMS Trading Co.,Ltd ៕
ចែករំលែកព័តមាននេះ