កាតាកំពុងចរចាវ៉ាក់សាំង១លានដូស សម្រាប់ចាក់ជូនអ្នកចូលទស្សនា World Cup 2022
កាតា ៖ នាយករដ្ឋមន្ត្រីកាតាបានបញ្ជាក់ថា កាតានឹងអនុញ្ញាតសម្រាប់តែអ្នកគាំទ្របានចាក់វ៉ាក់សាំងបង្ការកូវីដ១៩ ពេញលេញ
កាតា ៖ នាយករដ្ឋមន្ត្រីកាតាបានបញ្ជាក់ថា កាតានឹងអនុញ្ញាតសម្រាប់តែអ្នកគាំទ្របានចាក់វ៉ាក់សាំងបង្ការកូវីដ១៩ ពេញលេញ
កាតា ៖ នាយករដ្ឋមន្ត្រីកាតាបានបញ្ជាក់ថា កាតានឹងអនុញ្ញាតសម្រាប់តែអ្នកគាំទ្របានចាក់វ៉ាក់សាំងបង្ការកូវីដ១៩ ពេញលេញប៉ុណ្ណោះ។ ដើម្បីចូលរួមក្នុងព្រឹត្តិការណ៍បាល់ទាត់ពិភពលោកនៅឆ្នាំក្រោយ។ ខណៈប្រទេសនេះ កំពុងពិភាក្សាដើម្បីធានាវ៉ាក់សាំងចំនួន១លានដូស សម្រាប់អ្នកចូលរួមទស្សនា ដែលមិនទាន់បានចាក់វ៉ាក់សាំង។
រដ្ឋឈូងសមុទ្រអារ៉ាប់មួយនេះ ទទួលបានសិទ្ធិធ្វើជាម្ចាស់ផ្ទះរៀបចំការប្រកួតបាល់ទាត់ពិភពលោករយៈពេល៤សប្តាហ៍។ ដែលនឹងចាប់ផ្តើមនៅថ្ងៃទី២១ ខែវិច្ឆិកា ឆ្នាំ ២០២២។ ហើយប្រធានសហព័ន្ធបាល់ទាត់ពិភពលោក (FIFA) និងមន្ត្រីរៀបចំរបស់កាតា ចង់ឱ្យព្រឹត្តិការណ៍នេះ ធ្វើឡើងប្រកបដោយសុវត្ថិភាពជាទីបំផុត។
នាយករដ្ឋមន្ត្រី Sheikh Khalid bin Khalifa bin Abdulaziz Al Thani បានប្រាប់អ្នកកាសែតថា ប្រទេសភាគច្រើន នៅមិនទាន់ចាក់វ៉ាក់សាំងដល់ប្រជាជនខ្លួន គ្រប់គ្នានៅឡើយទេ។ ដូច្នេះហើយទើបកាតា កំពុងចរចាជាមួយក្រុមហ៊ុនមួយ ដើម្បីផ្តល់វ៉ាក់សាំងចំនួន១លានដូស សម្រាប់ចាក់វ៉ាក់ជូនអ្នកគាំទ្រ ដែលមកកាន់ប្រទេសកាតា។
គេមិនទាន់ដឹងច្បាស់ថា តើវ៉ាក់សាំងទាំងនោះ ជារបស់ក្រុមហ៊ុនណា នឹងត្រូវផ្តល់ជូនដោយរបៀបណានោះទេ។ ប៉ុន្តែបច្ចុប្បន្ន កាតាកំពុងតែផ្តោតលើការចាក់វ៉ាក់សាំងជូនប្រជាជនរបស់ខ្លួន ជាមួយនឹងវ៉ាក់សាំង Pfizer-BioNTech និង Moderna៕ (ដកស្រង់ចេញពី Reuters)
ចែករំលែកព័តមាននេះ