ខេត្តបាត់ដំបង៖ អ្នកលក់បន្លែម្នាក់ត្រូវបាត់បង់ជីវិតត្រឹមមួយប៉ប្រិចភ្នែក ដោយសារត្រូវរ៉ឺម៉កដឹកបន្លែរបស់ខ្លួនក្រឡាប់សង្កត់ពីលើ ក្រោយពីគាត់ជិះគេចសត្វឆ្កែដែលដេញខាំគ្នានៅលើដងផ្លូវ កាលពីវេលាម៉ោង៤ទៀបភ្លឺ ថ្ងៃទី២០ មិថុនា នៅចំណុចភូមិចុងសំណាយ ឃុំជ្រៃ ស្រុកមោងឫស្សី។
ជនរងគ្រោះឈ្មោះញឹម សុភឿន ភេទស្រី អាយុ៣៨ឆ្នាំ មានមុខរបរលក់ម្ហូបអាហារតាមរ៉ឺម៉កមូតូ រស់នៅភូមិស្ទឹងថ្មី ឃុំតាលាស់ ស្រុកមោងឫស្សី។ សមត្ថកិច្ចបានរាយការណ៍ថា ស្ត្រីរងគ្រោះ បានជិះម៉ូតូសណ្ដោងរឺម៉កដែលមានដឹកបន្លែយ៉ាងរយីងរយោងផង ចេញពីឃុំតាលាស់ឆ្ពោះទៅកាន់ផ្សារមោងប្ញស្សី។
សេចក្ដីរាយការណ៍បានឱ្យដឹងទៀតថា ពេលគាត់ដឹកបន្លែងទៅដល់កន្លែងក់តហេតុ ស្រាប់តែវាក់អឺនឹងសត្វឆ្កែដែលកំពុងដេញខាំគ្នារត់កាត់ពីមុខម៉ូតូ ធ្វើឱ្យគាត់ជាន់ហ្វ្រាំងទាំងបង្ខំ ទើបបណ្តាលក្រឡាប់រឺម៉កម៉ូតូសង្កត់ពីលើគាត់ធ្វើឱ្យរបួសធ្ងន់ តែអកុសល្យគាត់បានស្លាប់ ពេលបញ្ជូនដល់មន្ទីរពេទ្យ។ សមត្ថកិច្ចនិយាយថា នេះជាឧប្បតិហេតុដែលកើតឡើងដោយចៃដន្យប៉ុណ្ណោះ ហើយក៏ជារឿងដែលស្មានមិនដល់ដែរ។ យ៉ាងណាក្ដី ក្រុមគ្រួសារបានដឹកសាកសពជនរងគ្រោះទៅតាមប្រពៃណីហើយ៕
ចែករំលែកព័តមាននេះ