វែលស៍ កក់កៅអីវគ្គ១៦ក្រុម ទោះចាញ់អ៊ីតាលី ខណៈស្វីស រង់ចាំអ៊ុតក្រុមលេខ៣ល្អ
អ៊ីតាលី ៖ ការប្រកួតវគ្គសន្សំពិន្ទុក្នុងពូល A នៃព្រឹត្តិការណ៍ Euro 2020 បានបញ្ចប់សព្វគ្រប់កាលពីយប់មិញ។ ដោយក្នុងនោះ អ៊ីតា
អ៊ីតាលី ៖ ការប្រកួតវគ្គសន្សំពិន្ទុក្នុងពូល A នៃព្រឹត្តិការណ៍ Euro 2020 បានបញ្ចប់សព្វគ្រប់កាលពីយប់មិញ។ ដោយក្នុងនោះ អ៊ីតា
អ៊ីតាលី ៖ ការប្រកួតវគ្គសន្សំពិន្ទុក្នុងពូល A នៃព្រឹត្តិការណ៍ Euro 2020 បានបញ្ចប់សព្វគ្រប់កាលពីយប់មិញ។ ដោយក្នុងនោះ អ៊ីតាលី និង វែលស៍ បានកក់កៅអីឡើងទៅវគ្គ១៦ក្រុមចុងក្រោយ។ ខណៈស្វីសបន្តរង់ចាំអ៊ុតក្រុមលេខ៣ល្អ ជាមួយក្រុមក្នុងពូលផ្សេងទៀត។ ចំណែកឯតួកគី អស់ភារកិច្ចសម្រាប់ព្រឹត្តិការណ៍នេះ។
ម្ចាស់ផ្ទះអ៊ីតាលី ធ្វើបានល្អបំផុតក្នុងពូល បន្ទាប់ពី៣ប្រកួតឈ្នះទាំងអស់ និងមិនរបូតគ្រាប់បាល់សូម្បីតែ១គ្រាប់។ ក្រោយកាលពីយប់មិញ ពួកគេបានយកឈ្នះវែលស៍ ដោយលទ្ធផល ១-០។ ហើយ១គ្រាប់នេះ សម្រេចបានដោយខ្សែបម្រើ Matteo Pessina នៅនាទី៣៩។
មួយគូទៀត ស្វីសបានទម្លាក់តួកគីចេញពីព្រឹត្តិការណ៍ Euro 2020 ក្រោយយកឈ្នះដោយលទ្ធផល ៣-១។ ៣គ្រាប់របស់ស្វីស សម្រេចបានដោយខ្សែប្រយុទ្ធ Haris Seferovic នៅនាទី៦ និងខ្សែបម្រើស្លាប Xherdan Shaqiri ២គ្រាប់ម្នាក់ឯង នៅនាទី២៦ និង៦៨។ ខណៈដែល១គ្រាប់របស់តួកគី រកបានដោយខ្សែបម្រើ Irfan Kahveci នៅនាទី៦២។
ក្នុងពូល A អ៊ីតាលីបញ្ចប់ទៅក្នុងតំណែងកំពូលតារាងមាន៩ពិន្ទុពេញ។ វែលស៍ នៅចំណាត់ថ្នាក់លេខ២ មាន៤ពិន្ទុ។ ស្របពេលស្វីស នៅចំណាត់ថ្នាក់លេខ៣ មាន៤ពិន្ទុ (ចាញ់គ្រាប់បាល់ចំណេញវែលស៍) បន្តក្តីសង្ឃឹមរង់ចាំអ៊ុតលទ្ធផលក្រុមលេខ៣ល្អ ជាមួយពូលផ្សេងទៀត។ ខណៈតួកគី បរាជ័យទាំង៣ប្រកួត ត្រូវហាលអាវ៕
ចែករំលែកព័តមាននេះ