កម្មករនេសាទម្នាក់ធ្វើរឿងមួយស្មានមិនដល់ បន្សល់ទុកកូនតូចៗ២នាក់ឱ្យកំព្រា
- ភ្នំពេញ
រាជធានីភ្នំពេញ ៖ បុរសជាជនជាតិខ្មែរអ៊ិស្លាមម្នាក់បានសម្រចចិត្តបញ្ចប់ជីវីតដោយយកខ្សែចងភ្ជាប់នឹងដើមឈើ បន្ទាប់ពី
រាជធានីភ្នំពេញ ៖ បុរសជាជនជាតិខ្មែរអ៊ិស្លាមម្នាក់បានសម្រចចិត្តបញ្ចប់ជីវីតដោយយកខ្សែចងភ្ជាប់នឹងដើមឈើ បណ្តាលឱ្យបាត់បង់ជីវិត បន្ទាប់ពីប្រពន្ធរត់ចោលប្រមាណ៣ខែមកហើយ បន្សល់ទុកកូនប្រុសតូចៗពីរនាក់ឲ្យនៅកំព្រា។
ហេតុការណ៍ខាងលើនេះបង្កអោយមានការភ្ញាក់ផ្អើ.លកាលពីវេលាម៉ោង៤និង៣០នាទីទៀបភ្លឺថ្ងៃទី១៩ ខែមិថុនា ឆ្នាំ២០២១ នៅចំណុចតំបន់មិនរៀបរយជាប់មាត់ទន្លេក្បាលជ្រោយ ស្ថិតក្នុងភូមិ១ សង្កាត់ជ្រោយចង្វារ ខណ្ឌជ្រោយចង្វារ រាជធានីភ្នំពេញ។
បុរសរងគ្រោះឈ្មោះសុះ អាឡាហ្វីន អាយុ៣២ឆ្នាំ មុខរបរជាកម្មករនេសាទ រស់នៅតំបន់មិនរៀបរយតាមមាត់ទន្លេក្បាលជ្រោយដែលត្រូវអាជ្ញាធរ ត្រូវរុះរើចេញ ។
តាមនគរបាលមូលដ្ឋានបានអោយដឹងថា បុរសរងគ្រោះរូបនោះបានយកខ្សែនីឡុងចងភ្ជាប់ទៅនឹងដើមអូយម៉ូយ បណ្តាលឱ្យបាត់បង់ជីវិត ។
តាមប្រភពព័ត៌មានពីប្រជាពលរដ្ឋនៅកន្លែងកើតហេតុបានឲ្យដឹងថា ជាច្រើនខែមកហើយ បុរសរងគ្រោះខាងលើទំនងជាមានវិបត្តិធ្ងន់ធ្ងន់ មិនស្រូវនិយាយស្តី បន្ទាប់ពីស្ត្រីជាប្រពន្ធបានរត់ចោល បន្សល់ទុកកូនប្រុសតូចៗ២នាក់អោយនៅមើលថែ។ នៅពេលទៀបភ្លឺ មុនពេលកើតហេតុ គេឃើញបុរសរងគ្រោះរូបនោះបានដើរចុះឡើងនៅក្បែរកន្លែងកើតហេតុ ។ លុះក្រោយមកស្រាប់តែមានប្រជាពលរដ្ឋផ្សេងទៀតប្រទះឃើញបុរសរងគ្រោះរូបនោះបញ្ចប់ជីវិតនៅលើដើមអូយម៉ូយបាត់ទៅហើយ ។ ភ្លាមៗនោះ ត្រូវបានបងប្អូនប្រជាពលរដ្ឋជាជនជាតិខ្មែរអ៊ិស្លាមដូចគ្នានាំគ្នាមកកាត់ខ្សែទម្លាក់ស.ពយកមកដាក់នៅរោងនេសាទ ។
ក្រោយពេលភ្ញាក់ផ្អើល សមត្ថកិច្ច បានចុះទៅកន្លែងកើតហេតុហៅគ្រូពេទ្យមកធ្វើតេស្តកូវីដ លទ្ធផលអវិជ្ជមាន ក៍បានប្រគល់ស.ពទៅអោយក្រុមគ្រូសារសាច់ញាតិយកទៅធ្វើបុណ្យតាមប្រពៃណី ៕
ចែករំលែកព័តមាននេះ