រាជធានីភ្នំពេញ ៖ ក្រុមហ៊ុនអិន ស៊ី អិច ហុងដា បានរៀបចំកម្មវិធីថ្លែងអំណរគុណដល់អតិថិជនកាលពីល្ងាចថ្ងៃទី១៩ វិច្ឆិកា ២០១៦ នៅសាលមហោស្រពកោះពេជ្រ ព្រមជាមួយនឹងការបើកសម្ពោធម៉ូតូហុងដាឌ្រីម ស៊េរីឆ្នាំ២០១៦ នៅលើទីផ្សារប្រទេសកម្ពុជាជាផ្លូវការ ។
ដូចដែលលោកអ្នកបានជ្រាបរួចមកហើយថា ហុងដា គឺជាម៉ាកផលិតផលម៉ូតូដ៏មានប្រជាប្រិយភាពនៅក្នុងប្រទេសកម្ពុជា និងនៅលើពិភពលោកទាំងមូល ដោយបានផ្តល់ជូនតែផលិតផលមានគុណភាពល្អជាមួយការរចនាដ៏ទំនើបទាន់សម័យ បច្ចេកវិទ្យាខ្ពស់ និងមានតម្លៃសមរម្យសម្រាប់គ្រប់ស្រទាប់វណ្ណៈ។ ការពេញនិយមទាំងនេះ បានមកពីការគាំទ្រយ៉ាងពេញទំហឹងពីសំណាក់ប្រជាជនពាសពេញពិភពលោក។ ដូច្នេះហើយបានជាក្រុមហ៊ុន អិន ស៊ី អិច ហុងដា ប្រារព្ធពិធីជប់លៀងនេះឡើងសម្រាប់លោកអ្នក ដើម្បីជាការថ្លែងអំណរគុណយ៉ាងជ្រាលជ្រៅចំពោះការគាំទ្រដ៏លើសលប់នេះ ។ នៅក្នុងចំណោមផលិតផលទាំងអស់ហុងដាឌ្រីម គឺជាម៉ូដែល ដែលមានការពេញនិយមខ្ពស់បំផុត ដោយមានការអភិវឌ្ឍន៍ និងផ្លាស់ប្តូរដ៏ល្អឥតខ្ចោះ ហើយត្រូវបានទទួលស្គាល់យ៉ាងពេញទំហឹងពីសំណាក់អតិថិជន ។
ស្របតាមការអភិវឌ្ឍន៍របស់យើង ហុងដា បាននាំមកនូវគ្រាប់ពេជ្រដ៏អស្ចារ្យបំផុតសម្រាប់លោកអ្នក នោះ គឺហុងដាឌ្រីមស៊េរីថ្មីឆ្នាំ២០១៦ ក្រោមគោលគំនិត Beyond New Dream…a Shining Diamond ។ ដើម្បីឆ្លើយតបទៅនឹងតម្រូវការរបស់អតិថិជន និងសម្រាប់អ្នកដែលទន្ទឹងរង់ចាំជាយូរមកហើយ ហុងដាឌ្រីម ស៊េរីថ្មីឆ្នាំ២០១៦ នឹងនាំមកជូនលោកអ្នកនូវលក្ខណៈពិសេសៗជាច្រើនដូចជា ចង្ក្រៀងមុខបញ្ចេញពន្លឺចិញ្ចែងចិញ្ចាច ជាមួយភ្លើងឌឺមីស្តាយ LED-Alpha , ចង្ក្រៀងក្រោយ រចនាម៉ូដល្អឥតខ្ចោះ ស្តាយដូចម៉ូតូស៊េរីទំនើប, ផ្លាក-ក ល្អ ស័ក្តិសមនឹងការរចនាតួម៉ូតូថ្មី រាងត្រីកោណដូចគ្រាប់ពេជ្រដ៏ល្អឥតខ្ចោះ , កុងទ័រទំនើប ពណ៌ខៀវរលោងដូចគ្រាប់ពេជ្រ ភ្លឺច្បាស់គ្រប់ស្ថានភាព, ស្លាកសញ្ញា អិន ស៊ី អិច ថ្មី អស្ចារ្យ និងរឹងមាំ ស័ក្តិសមជាមួយនឹងក្តីសុបិនថ្មី, ទាន់សម័យជាមួយស្ទីកឺ 3D ថ្មី រចនាជារាងគ្រាប់ពេជ្រ ភ្លឺរលោងគ្រប់ទិដ្ឋភាព ។
ក្រៅពីលក្ខណៈពិសេសថ្មីៗខាងលើនេះ នៅមានអត្ថប្រយោជន៍ជាច្រើនទៀតដែលផ្តល់នូវភាពងាយស្រួល និងតែងតែធ្វើឱ្យម៉ូតូហុងដាឌ្រីមមានភាពលេចធ្លោជាងគេនៅលើទីផ្សារម៉ូតូ ដូចជា កម្លាំងម៉ាស៊ីនខ្លាំងប្រើប្រាស់ធន់ទៅនឹងគ្រប់ស្ថានភាពផ្លូវ និងសន្សំសំចៃប្រេងសាំង(ស៊ីសាំងតិច)។ លក្ខណៈពិសេសៗទាំងអស់ដែលបានបំពាក់នៅលើហុងដាឌ្រីមនេះ គឺជាសមាសភាពដែលបានធ្វើឲ្យម៉ូដែលនេះនៅតែបន្តកេរ្តិ៍ឈ្មោះដ៏ល្បីរបស់ខ្លួនរហូតមកដល់ពេលបច្ចុប្បន្ន និងតទៅមុខ។
លោក Ben Kiasrithanakorn ប្រធានក្រុមហ៊ុន អិន ស៊ី អិច បានមានប្រសាសន៍ថា ហុងដាជឿជាក់ថា ម៉ូតូហុងដាឌ្រីមស៊េរីថ្មីឆ្នាំ២០១៦ ដែលជាគ្រាប់ពេជ្រមានពន្លឺចែងចាំងអាចបំពេញតម្រូវការរបស់អតិថិជន និងធ្វើឱ្យពួកគេមានមោទនភាពក្នុងការក្លាយជាម្ចាស់ម៉ូតូហុងដាឌ្រីមថ្មី និងចងចាំម៉ាកផលិតផលរបស់យើងជានិរន្តរ៍ ៕
ចែករំលែកព័តមាននេះ