ឡុង សំណាង ផ្ដួលគូប្រកួតឱ្យសន្ល.ប់ត្រឹមទឹកទី៣ ខណៈវ៉ាន់ វឿន ជួបនូវរឿងខកចិត្តទៅវិញ
- ភ្នំពេញ
រាជធានីភ្នំពេញ ៖ ការប្រកួតដណ្ដើមប្រាក់លានពីក្រុមហ៊ុនខារ៉ាបាវនៅលើសង្វៀនស៊ីអិនស៊ីកាលពីថ្ងៃសៅរ៍ ទី១៩ មិថុនាកន្លង
រាជធានីភ្នំពេញ ៖ ការប្រកួតដណ្ដើមប្រាក់លានពីក្រុមហ៊ុនខារ៉ាបាវនៅលើសង្វៀនស៊ីអិនស៊ីកាលពីថ្ងៃសៅរ៍ ទី១៩ មិថុនាកន្លង
រាជធានីភ្នំពេញ ៖ ការប្រកួតដណ្ដើមប្រាក់លានពីក្រុមហ៊ុនខារ៉ាបាវនៅលើសង្វៀនស៊ីអិនស៊ីកាលពីថ្ងៃសៅរ៍ ទី១៩ មិថុនាកន្លងមកនេះ កីឡាករឡុង សំណាង វា.យផ្ដួលកីឡាករគង់ សំបូរ មកពីក្លិបគោព្រៃមានរិទ្ធឱ្យសន្លប់ត្រឹមទឹកទី៣ប៉ុណ្ណោះ ខណៈកីឡាករវ៉ាន់ វឿន ក្លិបឃ្លាំងមឿងកីឡាជួបនូវខកចិត្តយ៉ាងខ្លាំងនៅពេលដែលគណៈកម្មការប្រកួតប្រកាសឱ្យចាញ់ពិន្ទុអេលីត ចំរើនក្លិបកីឡាប្រដាល់នាយកដ្ឋានអង្គរក្សដោយឯកច្ឆ័ន្ទ។
នេះមិនមែនជាលើកទី១នោះទេដែលឡុង សំណាង ប៉ះជាមួយគង់ សំបូរ ។ ឡុង សំណាងបានប្រាប់ឱ្យដឹងថាសម្រាប់ការប្រកួតលើកមុនៗគឺលេងម៉ាអស់ដៃដូចជាពេលនេះអញ្ចឹងដែរ គឺស្វិតស្វាញខ្លាំងណាស់។ប៉ុន្តែរាល់លើកដែលប៉ះគ្នាម្ដងៗគង់ សំបូរ ដូចជាចាញ់ប្រៀបឡុង សំណាង ដាច់តែម្ដងគឺមិនសូវហ៊ានសម្រុកចូលវាយនោះទេ។ រីឯឡុង សំណាងវិញវាយមិនញញើតដៃទាល់តែសោះគេដឹងតែពីដើរម៉ាត់ចូលមុខនិងពោះទឹកពេញៗតែម្ដង ទោះបីគង់ សំបូរ ពូកែទ្រាំយ៉ាងណាក៏ដោយ គឺមិនអាចទប់រួចជាមួយកម្លាំងដៃឡុង សំណាងបាននោះទេ។ហើយការប្រកួតលើកនេះទៀត ស្នៀតកណ្ដាប់ដៃដែកឡុង សំណាង បានធ្វើឱ្យ គង់ សំបូរ បោះបង់ការប្រកួតត្រឹមទឹកទី៣យ៉ាងអស់ចិត្តបំផុត។
ដោយឡែកសម្រាប់ការប៉ះគ្នារវាងកីឡាករអេលីត ចំរើន និងកីឡាករវ៉ាន់ វឿនវិញក៏ស្វិតស្វាញណាស់ដែរ។ទោះបីជាការប្រកួតកាលពីលើកមុនវ៉ាន វឿន ធ្លាប់ចាញ់ក្រោមថ្វីដៃអេលីត ចំរើននរួចម្ដងមកហើយក្ដី ប៉ុន្តែការជួបគ្នាលើកនេះវ៉ាន់ វឿនហាក់បីដូជាមានជំនឿចិត្តយ៉ាងខ្លាំងតាំងពីបើកឆាកប្រកួតត្រឹមទឹកទី១មកម្លេះ ។ គេដកថយបណ្ដើមវាយបណ្ដើ ខណៈអេលីត ចំរើន សម្រុកចូលវាយដូចខ្លាត្រូវរបួស ។ និយាយរួមគូនេះប្រកួតគ្នា៥ទឹកពេញ រីឯកម្លាំងស៊ុហ្វវិញនោះក៏នៅរឹកមាំដូចគ្នាទៀត ។ ប៉ុន្តែរាល់ការវាយចេញរបស់វ៉ាន់ វឿន មិនសូវបានល្អទាល់តែសោះ ។ ក្រោយចប់ការប្រកួតគណៈកម្មការប្រកួតបានប្រកាសឱ្យវ៉ាន់ វឿន ចាញ់៥.០ ធ្វើឱ្យវ៉ាន់ វឿន បង្ហាញនូវការខកចិត្តយ៉ាងខ្លាំងគឺខុសទៅនឹងអ្វីដែលគេបានរំពឹងទុក ។ ប៉ុន្តែទន្ទឹមជាមួយការរបូតបាត់ប្រាក់លាននាពេលនេះ គេមិនបាននិយាយអ្វីទាល់តែសោះបានត្រឹមតែអង្គុយធ្វើមុខស្ងួតប៉ុណ្ណោះ ៕
ចែករំលែកព័តមាននេះ