បើតាមសេចក្តីរាយការណ៍បឋមឲ្យដឹងថា កាលពីវេលាម៉ោង៦និង៤០នាទីល្ងាច ថ្ងៃទី១៩ ខែមិថុនា ឆ្នាំ២០២១ មានអំពើប៉ុនប៉ងឃាត.កម្មមួយបានកើតឡើងនៅភូមិ២ សង្កាត់៤ ក្រុង. ខេត្តព្រះសីហនុ ដែលបង្កដោយជនសង្ស័យជា
ខេត្តព្រះសីហនុ ៖ បើតាមសេចក្តីរាយការណ៍បឋមឲ្យដឹងថា កាលពីវេលាម៉ោង៦និង៤០នាទីល្ងាច ថ្ងៃទី១៩ ខែមិថុនា ឆ្នាំ២០២១ មានអំពើប៉ុនប៉ងឃាត.កម្មមួយបានកើតឡើងនៅភូមិ២ សង្កាត់៤ ក្រុង. ខេត្តព្រះសីហនុ ដែលបង្កដោយជនសង្ស័យជាប្តី បានបាញ់ប្រហារទៅលើអតីតប្រពន្ធ បណ្តាលឲ្យរងរបួសយ៉ាងធ្ងន់ធ្ងរ នឹងត្រូវបានដឹកទៅសង្គ្រោះបន្ទាន់នៅមន្ទីរពេទ្យរាជធានីភ្នំពេញ លុះរហូតមកដល់ម៉ោង១១ ថ្ងៃទី២០ ខែមិថុនានេះ ជនបង្កជាប្តី ក៏ត្រូវសមត្ថកិច្ចចាប់ខ្លួនបានហើយ។
សេចក្តីរាយការណ៍បន្តថា ជនសង្ស័យខាងលើមានឈ្មោះ ជា សុវណ្ណារ៉ា ភេទប្រុស អាយុ៣១ឆ្នាំ មុខរបរមិនពិតប្រាកដ ចំណែកជនរងគ្រោះឈ្មោះ ផង់ សុភាព ពួកគាត់ទាំងពីរនាក់ជាអតីតជាប្តីប្រពន្ធដែលបានលែងលះបាន១ខែមកហើយ ។
សេចក្តីរាយការណ៍បន្តទៀតថា នៅវេលាម៉ោងកើតហេតុខាងលើ ជនសង្ស័យបានប្រើកាំភ្លើងខ្លីមិនស្គាល់ម៉ាក បានបាញ់ប្រហារទៅលើអតីតជាភរិយា១គ្រាប់ បណ្តាលឱ្យចំលើស្លាបប្រចៀវខាងឆ្វេងរងរបួសធ្ងន់ ហើយត្រូវបានដឹកទៅសង្គ្រោះជាបន្ទាន់ភ្លាមៗ ។ ក្រោយពេលបាញ់ប្រហារអតីតប្រពន្ធរួច ជនសង្ស័យក៏បានរត់គេចខ្លួនបាត់ ប៉ុន្តែទោះបីជាយ៉ាងណា ចំពោះករណីនេះសមត្ថកិច្ចនគរបាលជំនាញបាននិងកំពុងបន្តការស្រាវជ្រាវ ដើម្បីស្វែងរកចាប់ខ្លួនជនសង្ស័យនាំយកមកផ្តន្ទាទោសតាមច្បាប់ ។
លុះមកទល់នឹងព្រឹកថ្ងៃទី២០ ខែមិថុនា ឆ្នាំ២០២១នេះ សមត្ថកិច្ចនូវតែបន្តសកម្មភាពរុករកជនល្មើសដែលផ្ទុះអាវុធនោះដដែល តែពុំទាន់ឃើញនៅឡើយទេ ដោយសារតែជនល្មើសរូបនេះបានរត់គេចខ្លួនចូលក្នុងព្រៃដែលភាពស្មុគស្មាញក្នុងការរុករក។
ប៉ុន្តែដោយមានការយ៉ាងយកចិត្តទុកដាក់ក្រោមការដឹកនាំផ្ទាល់ពីលោកវរសេនីយ៍ឯក លី សុខហ៊ី នាយការិយាល័យព្រហ្មទណ្ឌកំរិតស្រាល នៃស្នងការនគរបាលខេត្តព្រះសីហនុនោះ បានថ្លែងប្រាប់នៅថ្ងៃទី២០ ខែមិថុនានេះថា ចាប់បានបុរសជាជនសង្ស័យបា.ញ់មកលើស្ត្រីម្នាក់(អតីតប្រពន្ធ) បណ្តាលឲ្យរងរបួសធ្ងន់កាលពីយប់មិញបានហើយ ។
លោកបានបន្តថា ក្រោយពីទទួលបានដំណឹងនេះភ្លាម លោកក៏បានដឹកនាំកម្លាំងចុះប្រតិបត្តិការនេះផ្ទាល់តាំងតែពីម៉ោងកើតហេតុនៅវេលាម៉ោងជាង៦ល្ងាចថ្ងៃទី១៩ ខែមិថុនា ឆ្នាំ២០២១ភ្លាមៗ រហូតមកទល់នឹងវេលាម៉ោង១១ថ្ងៃត្រង់ ថ្ងៃទី២០ ខែមិថុនានេះ ទើបកម្លាំងសមត្ថកិច្ចសម្រុកចូលពូនស្ទាក់ចាប់បានជនដៃដល់នោះបានតែម្តង ។
បច្ចុប្បន្នជនសង្ស័យដែលផ្ទុះអាវុធបាញ់មកលើស្ត្រីម្នាក់ដែលជាអតីតប្រពន្ធខ្លួនទើបតែលែងលះគ្នាបាន១ខែនោះ ត្រូវបានសមត្ថកិច្ចឃាត់ខ្លួនបានហើយ និងយកទៅកាន់ស្នងការនគរបាលខេត្ត ដើម្បីសួរចម្លើយ និងបន្តបញ្ជូនទៅតុលាការ ដើម្បីអនុវត្តន៍តាមនីតិវិធីច្បាប់ ។
ទាក់ទិននឹងករណីខាងលើនេះដែរ គេនៅមិនទាន់ដឹងច្បាស់ថា រឿងរ៉ាវផ្តើមចេញពីអ្វីនៅឡើយទេ ដោយខ្លះថា ជាការទំនាស់ពាក្យសម្តីគ្នា ហើយខ្លះទៀតថា ជារឿងប្រចណ្ឌ ព្រោះជនបង្ក និងជនរងគ្រោះជាអតីតជាប្តីប្រពន្ធនឹងគ្នា ៕
ចែករំលែកព័តមាននេះ