រាជធានីភ្នំពេញ៖ យ៉ាងហោចណាស់ មានរថយន្ត ៤គ្រឿងទៀត ដែលចតគ្មានសណ្តាប់ធ្នាប់ ត្រូវបានអាជ្ញាធរខណ្ឌដូនពេញ ស្ទូច និងដាក់ខ្នោះ ដើម្បីផាកពិន័យ និងព្រមានឱ្យរាងចាល។…
រាជធានីភ្នំពេញ៖ យ៉ាងហោចណាស់ មានរថយន្ត ៤គ្រឿងទៀត ដែលចតគ្មានសណ្តាប់ធ្នាប់ ត្រូវបានអាជ្ញាធរខណ្ឌដូនពេញ ស្ទូច និងដាក់ខ្នោះ ដើម្បីផាកពិន័យ និងព្រមានឱ្យរាងចាល។ ក្នុងនោះ អាជ្ញាធរ បានស្ទូចរថយន្តចតឥតសណ្តាប់ធ្នាប់ យកទៅរក្សាទុកនៅអធិការដ្ឋាននគរបាលខណ្ឌដូនពេញ ចំនួន ០២គ្រឿង និងចាក់សោកង់រថយន្តទុកនៅនឹងកន្លែង ចំនួន ០២គ្រឿង។
វិធានការនេះ ត្រូវបានធ្វើឡើង កាលពីព្រឹកថ្ងៃសុក្រ ទី១៨ ខែមិថុនានេះ ឆ្នាំ២០២១ ក្នុងពេលលោក ចាប ឌីណា នាយករដ្ឋបាលខណ្ឌ លោក ជូន វិចិត្រ អធិការរងខណ្ឌ លោក នី សាមិត្ត ប្រធានការិយាល័យសាធារណការ ដឹកជញ្ជូន អនាម័យ បរិស្ថាន និងសណ្ដាប់ធ្នាប់សាធារណៈខណ្ឌ និងលោក គីម វុត្ថា ប្រធានផ្នែកប្រជាការពារខណ្ឌ បានចុះអនុវត្តការងារ រៀបចំសណ្តាប់ធ្នាប់។
អាជ្ញាធរខណ្ឌដូនពេញ បានឲ្យដឹងថា ក្រុមការងារចម្រុះខណ្ឌដូនពេញ បានចុះអនុវត្តការងារ ដូចខាងក្រោម៖ ១/.ចុះរៀបចំសន្តិសុខ អនាម័យ បរិស្ថាន និងសណ្តាប់ធ្នាប់ តាមតម្រាយផ្លូវសម្តេចតេជោ និងគណៈប្រតិភូឆ្លងកាត់ ២/.ចុះរៀបចំសណ្តាប់ធ្នាប់តាមដងផ្លូវក្នុងមូលដ្ឋានខណ្ឌដូនពេញមាន មហាវិថីព្រះមុនីវង្ស មហាវិថីព្រះនរោត្តម មហាវិថីព្រះសីហនុ មហាវិថីព្រះស៊ីសុវត្ថិ មហាវិថីព្រះសុរាម្រិត និងផ្លូវមួយចំនួន។
ជាលទ្ធផល អាជ្ញាធរបានស្ទូចរថយន្តចតឥតសណ្តាប់ធ្នាប់យកទៅរក្សាទុកនៅអធិការដ្ឋានគរបាលខណ្ឌដូនពេញចំនួន ០២គ្រឿង និងចាក់សោកង់រថយន្តទុកនៅនឹងកន្លែងចំនួន ០២គ្រឿង។ អាជ្ញាធរបានផ្សព្វផ្សាយណែនាំលុបបំបាត់ផ្សារក្រមួន និងមិនឱ្យមានការលក់ដូរនៅលើចិញ្ចើមផ្លូវសាធារណៈ។ អាជ្ញាធរបានចុះប្រមូលសំរាមចេញខុសម៉ោង និងបាញ់ទឹកលាងសម្អាតតាមដេប៉ូសំរាមបណ្តោះអាសន្ន តាមសួនច្បារមុខព្រះបរមរាជវាំង រហូតដល់ផ្សាររាត្រី សួនលោកតា ក្រម ង៉ុយ។ ចុះរៀបចំបាញ់ថ្នាំសម្លាប់មេរោគ អនាម័យ បរិស្ថាន និងសណ្តាប់ធ្នាប់នៅជុំវិញ និងខាងក្នុងមណ្ឌលចាក់វ៉ាក់សាំងកូវីដ-១៩ នៅសាលាបឋមសិក្សាហាំងង៉ោស្រះចក វិទ្យាល័យ ហ៊ុន សែន ប៊ុន រ៉ានី វត្តភ្នំ អនុវិទ្យាល័យ ចតុមុខ សាលាបឋមសិក្សា ព្រះនរោត្តម វិទ្យាល័យ អនុវត្ត៕
ចែករំលែកព័តមាននេះ