ខេត្តកំពង់ឆ្នាំង ៖ រដ្ឋបាលសាលាខេត្តកំពង់ឆ្នាំងនៅថ្ងៃទី១៨ ខែមិថុនា ឆ្នាំ២០២១ បានចេញសេចក្តីប្រកាសព័ត៌មានស្តីពីការរកឃើញអ្នកវិជ្ជមានកូវីដ-១៩ ចំនួន១១នាក់ថ្មីបន្ថែមទៀត។ ក្នុងសេចក្តីប្រកាសព័ត៌មានស្តីពីការរកឃើញអ្នកមានវិជ្ជមានកូវីដ-១៩ (សហគមន៍ ២០កុម្ភៈ)…
ខេត្តកំពង់ឆ្នាំង ៖ រដ្ឋបាលសាលាខេត្តកំពង់ឆ្នាំងនៅថ្ងៃទី១៨ ខែមិថុនា ឆ្នាំ២០២១ បានចេញសេចក្តីប្រកាសព័ត៌មានស្តីពីការរកឃើញអ្នកវិជ្ជមានកូវីដ-១៩ ចំនួន១១នាក់ថ្មីបន្ថែមទៀត។ ក្នុងសេចក្តីប្រកាសព័ត៌មានស្តីពីការរកឃើញអ្នកមានវិជ្ជមានកូវីដ-១៩ (សហគមន៍ ២០កុម្ភៈ) របស់រដ្ឋបាលសាលាខេត្តកំពង់ឆ្នាំងនោះដែរ ក៏បានបញ្ជាក់ អ្នកវិជ្ជមានទាំង១១នាក់ (ស្រី៨នាក់) ដែលមានជាកម្មករ ពលករ មេផ្ទះ និងអនុប្រធានភូមិ។
អ្នកឆ្លងកូវីដទាំង១១នាក់ មានស្រុកកំពង់ត្រឡាច ១នាក់, ក្រុងកំពង់ឆ្នាំង១នាក់, ស្រុករលាប្អៀរ២នាក់, ស្រុកសាមគ្គីមានជ័យ ២នាក់ និងស្រុកទឹកផុស៣នាក់។ អ្នកវិជ្ជមានទាំង ៩នាក់បានដាក់ឲ្យសម្រាកព្យាបាលនៅមន្ទីរពេទ្យបង្អែកខេត្តកំពង់ឆ្នាំង, មណ្ឌលសុខភាពព្យាបាលកូវីដស្រុកកំពង់ត្រឡាច និងឃុំទឹកហូត ស្រុករលាប្អៀរ។ រដ្ឋបាលសាលាខេត្តកំពង់ឆ្នាំង ក៏បានអំពាវនាវដល់អាជ្ញាធរមូលដ្ឋានដែលមានកម្មករ កម្មការិនី ស្នាក់នៅទាំងអស់ត្រូវយកចិត្តទុកដាក់គ្រប់គ្រង គ្រួសារអ្នកទាំងនោះឲ្យធ្វើចត្តាឡីស័កនៅលំនៅដ្ឋាន នៅទីសំណាក់រៀងខ្លួនឲ្យបានត្រឹមត្រូវ តាមវិធានការសុខាភិបាល។
បន្តតាមដានសុខភាពរបស់ពួកគាត់ និងជួយដោះស្រាយការលំបាកនានាតាមគ្រួសារនីមួយៗតាមការជាក់ស្ដែង។ រដ្ឋបាលសាលាខេត្តបានអំពាវនាវដល់បងប្អូនប្រជាពលរដ្ឋដែលពាក់ព័ន្ធដោយផ្ទាល់ និងប្រយោលអ្នកមានវិជ្ជមានកូវីដ-១៩ ខាងលើក្នុងរយៈពេល ១៤ថ្ងៃមុនត្រូវពិនិត្យសំណាក នៅមន្ទីរពេទ្យខេត្តកំពង់ឆ្នាំង ឬមន្ទីរពេទ្យបង្អែកកំពង់ត្រឡាច ឬមណ្ឌលសុខភាពដែលនៅជិតបំផុត ដើម្បីទប់ស្កាត់ការរីករាលដាលការចម្លងជំងឺកូវីដ-១៩។ សូមបញ្ជាក់ថា សរុបអ្នកមានវិជ្ជមានកូវីដ-១៩ ក្នុងព្រឹត្តិការណ៍សហគមន៍ ២០កុម្ភៈ ខេត្តកំពង់ឆ្នាំងមានចំនួន៣៦២នាក់ ស្រី២៦៨នាក់ជាសះស្បើយ ២១៧ នាក់ ស្រី២១០នាក់ ជាសះស្បើយថ្មីគ្មាន។ មានអ្នកស្លាប់៦នាក់ ស្រី៤នាក់ និងងកំពុងសម្រាកព្យាបាល ៦៩ នាក់៕ ដោយ ៖ ពៅ សុខហ៊ាន
ចែករំលែកព័តមាននេះ