បើតាមប្រភពពីសមត្ថកិច្ចបានរាយការណ៍ឱ្យដឹងថា បុរសអនុសេនីយ៍ឯកម្នាក់បានស្លា.ប់បាត់បង់ជីវិតនៅក្នុងបន្ទប់ទឹក នៃអធិការដ្ឋានគរបាលស្រុកសូទ្រនិគម ដែលជាកន្លែងធ្វើចត្តាឡីស័ក ដោយសារតែ
ខេត្តសៀមរាប ៖ បើតាមប្រភពពីសមត្ថកិច្ចបានរាយការណ៍ឱ្យដឹងថា បុរសអនុសេនីយ៍ឯកម្នាក់បានស្លា.ប់បាត់បង់ជីវិតនៅក្នុងបន្ទប់ទឹក នៃអធិការដ្ឋានគរបាលស្រុកសូទ្រនិគម ដែលជាកន្លែងធ្វើចត្តាឡីស័ក ដោយសារតែជំងឺគាំងបេះដូង និងលើសឈាម ។ ហេតុការណ៍បង្កឱ្យមានការភ្ញាក់ផ្អើលថ្ងៃទី១៨ ខែមិថុនា ឆ្នាំ២០២១នេះ ស្ថិតនៅចំណុចក្នុងបន្ទប់ទឹក នៅកន្លែងធ្វើចត្តាឡីស័ក នៃអធិការដ្ឋានគរបាល ស្រុកសូទ្រនិគម ខេត្តសៀមរាប។
ប្រភពព័ត៌មានបានឱ្យដឹងទៀតថា ជនរងគ្រោះខាងលើមានឈ្មោះ ណី វរះ អាយុ៤៣ឆ្នាំ ឋានៈអនុ សេនីយ៍ឯក នាយផ្នែកបច្ចេកទេសវិទ្យាសាស្ត្រ នៃអធិការដ្ឋាន នគរបាលស្រុកសូទ្រនិគម។
សមត្ថកិច្ចខាងលើបានបញ្ជាក់ទៀតថា មុនពេលកើតហេតុ ជនរងគ្រោះបានក្រោកពីដេកពេលព្រឹក ហើយក៏បានស្លៀកកន្សែងចូលបន្ទប់ទឹក។ លុះដល់ម៉ោង១១ព្រឹក យើងក៏បានរកគាត់មកហូបបាយ តែរកមិនឃើញសោះ លុះយើងក៏ទៅមើលនៅក្នុងបន្ទប់ទឹក ក៏ឃើញបន្ទប់ទឹកបិទទ្វារពីក្នុង ហើយយើងហៅមិនឮ ទើបក៏កម្លាំងរបស់យើងក៏បានអើតមើលតាមប្រហោងជញ្ជាំងបន្ទប់ទឹក ស្រាប់តែឃើញគាត់នៅក្នុងបន្ទប់ទឹក ក៏នាំគ្នាធាក់ទ្វារបន្ទប់ទឹកចូលទៅមើល ក៏ឃើញថាគាត់ស្លា.ប់នៅក្នុងបន្ទប់ទឹកបាត់ទៅហើយ។
លោកបានបញ្ជាក់ទៀតថា ក្រោយពេលឃើញហេតុការណ៍នេះហើយ កម្លាំងយើងក៏បានរាយការណ៍ឱ្យគ្រូពេទ្យមកយកសំណាក ដើម្បីរកមេរោគកូវីដ១៩ ខណៈពេលនោះ ក្រុមគ្រូពេទ្យបានសន្និដ្ឋានថា លទ្ធផលគឺអវិជ្ជមាន។ ចំពោះមូលហេតុ គឺជនរងគ្រោះស្លា.ប់ដោយសារគាំងបេះដូង និងលើសឈាម។ បច្ចុប្បន្នជនរងគ្រោះ ត្រូវបានកម្លាំងជំនាញប្រគល់ស.ពឱ្យទៅក្រុមគ្រួសារ ដើម្បីយកទៅធ្វើបុណ្យតាមប្រពៃណី៕
ចែករំលែកព័តមាននេះ