រាជធានីភ្នំពេញ ៖ អ្នករត់ម៉ូតូឌុបម្នាក់ដឹកប៉ះចំខ្ទើ.យលួចកាបូបលុយអស់១០ម៉ឺនរៀលទុកបង់ថ្លៃឈ្នួលផ្ទះបង្កឲ្យមានការភ្ញាក់ផ្អើលកាលពីវេលាម៉ោង៨និង៣០នាទីយប់ថ្ងៃទី២៤ វិច្ឆិកា ២០១៥
រាជធានីភ្នំពេញ ៖ អ្នករត់ម៉ូតូឌុបម្នាក់ដឹកប៉ះចំខ្ទើយលួចកាបូបលុយអស់១០ម៉ឺនរៀលទុកបង់ថ្លៃឈ្នួលផ្ទះបង្កឲ្យមានការភ្ញាក់ផ្អើលកាលពីវេលាម៉ោង៨និង៣០នាទីយប់ថ្ងៃទី២៤ វិច្ឆិកា ២០១៥ ត្រង់ចំណុចមុខសាកលវិទ្យាល័យជាតិគ្រប់គ្រង ស្ថិតក្នុងសង្កាត់ស្រះចក ខណ្ឌដូនពេញ ។
ម្ចាស់កាបូបឈ្មោះ ទេព សុវណ្ណរិទ្ធ ភេទប្រុស អាយុ៤៥ឆ្នាំ ជាអ្នករត់ម៉ូតូឌុប ស្នាក់នៅផ្ទះជួល ស្ថិតក្នុងសង្កាត់ស្ទឹងមានជ័យ ខណ្ឌមានជ័យ បាននិយាយថា មុនពេលកើតហេតុរូបគាត់ជិះម៉ូតូមើលគេមើលឯងនៅវត្តភ្នំលេងហើយក៍បានបន្តដំណើរតាមផ្លូវព្រះមុនីវង្សទៅយកកូនគាត់ចេញពីធ្វើការ លុះមកដល់ចំណុចកើតហេតុក៍មាននារីភេទទីបីម្នាក់ហៅឱ្យឌុប គាត់គិតថាមិនទាន់ដល់ម៉ោងទៅយកកូនគាត់ក៍ឌុបនារីភេទទីបីនោះទៅមុខពេទ្យកាល់ម៉ែត ខណៈពេលកំពុងជិះតាមផ្លូវជនសង្ស័យបានធ្វើសកម្មភាពលូកយកកាបូបលុយពីហោប៉ៅក្រោយគាត់ លុះដល់មុខមន្ទីរពេទ្យកាល់ម៉ែត ជនសង្ស័យចុះហើយហុចប្រាក់ឱ្យគាត់ចំនួន២.០០០រៀល ដោយសារតែពេលឌុបជនសង្ស័យទៅដល់កន្លែងហើយចំពេលដែលដល់ម៉ោងទៅយកកូនផងនោះ គាត់ក៍មិនបានចាប់អារម្មណ៍ថាបាត់កាបូបទេ ព្រោះប្រញាប់ទៅយកកូន លុះពេលគាត់ជិះតាមផ្លូវក៍លូកហោប៉ៅបម្រុងយកលុយដាក់ចូលក្នុងកាបូបស្រាប់តែបាត់កាបូប ភ្លាមៗនោះជនគាត់ជិះម៉ូតូទៅរកជនសង្ស័យដែលនៅចំណុចគាត់ត្រូវបានគេហៅឱ្យឌុបពេលគាត់ទៅដល់ ស្រាប់តែឃើញជនសង្ស័យកំពុងដេកនៅលើកៅអីនៅសួនមុខសាកលវិទ្យាល័យគ្រប់គ្រងនោះ ហើយគាត់ក៍បានចាប់សួរនាំរកកាបូបគាត់នៅឯណា ជនសង្ស័យក៍បានចង្អុលប្រាប់គាត់ឱ្យបែរមុខចេញ ស្រាប់តែមានបក្ខពួកជនសង្ស័យជិះម៉ូតូមក ជនសង្ស័យក៏ឡើងជិះម៉ូតូចេញបាត់ទៅដោយសុវត្ថិភាព ៕
ក្រោយពេលកើតហេតុ ម្ចាស់កាបូបបានទៅដាក់ពាក្យបណ្ដឹងនៅប៉ុស្ដិ៍នគរបាលរដ្ឋបាលស្រះចក ដើម្បីតាមរកមុខសញ្ញាជនសង្ស័យយកមកដោះស្រាយតាមនីតិវិធី ៕
ចែករំលែកព័តមាននេះ