មូលនិធិបរិស្ថានសកលអនុម័តថវិកាជាង៤៦,៦ លានដុល្លារ ដើម្បីគាំទ្រដល់គម្រោងអង្គការ FAO មានទាំងកម្ពុជាផង
បរទេស ៖ មូលនិធិបរិស្ថានសកល (GEF) បានអនុម័តថវិកាជាង ៤៦,៦ លានដុល្លារអាមេរិកដើម្បីគាំទ្រដល់គម្រោងដែលដឹកនាំ
បរទេស ៖ មូលនិធិបរិស្ថានសកល (GEF) បានអនុម័តថវិកាជាង ៤៦,៦ លានដុល្លារអាមេរិកដើម្បីគាំទ្រដល់គម្រោងដែលដឹកនាំ
បរទេស ៖ មូលនិធិបរិស្ថានសកល (GEF) បានអនុម័តថវិកាជាង ៤៦,៦ លានដុល្លារអាមេរិកដើម្បីគាំទ្រដល់គម្រោងដែលដឹកនាំអនុវត្តដោយអង្គការស្បៀង និងកសិកម្មនៃសហប្រជាជាតិ (FAO) នៅក្នុង ប្រទេសចំនួន ៨ ក្នុងនោះមានប្រទេសកម្ពុជាផងដែរ ។ នេះបើយោងតាមសេចក្តីប្រកាសព័ត៌មានរបស់អង្គការ FAO ។
ការអនុម័តនេះបានធ្វើឡើងក្នុងអំឡុងកិច្ចប្រជុំក្រុមប្រឹក្សាភិបាលនៃមូលនិធិបរិស្ថានសកល (GEF) លើកទី ៦០ និងកិច្ចប្រជុំក្រុមប្រឹក្សាភិបាលមូលនិធិសម្រាប់ប្រទេសដែលមានការ អភិវឌ្ឍន៍តិចតួចលើកទី ៣០ របស់ GEF ។ ហើយវានឹងទទួលបានផលប្រយោជន៍ពីគម្រាងមួយចំនួនដែលត្រូវបានរៀបចំដើម្បីគាំទ្រ និងលើកកម្ពស់ភាពធន់នឹងអាកាសធាតុនិងជីវចម្រុះ ព្រមទាំងប្រយុទ្ធប្រឆាំងនឹងភាពសឹករិចរិលនៃដី និងទប់ស្កាត់ការនេសាទដែលមិនមាននិរន្តភាព។
គម្រោងចុងក្រោយទាំងនេះ នឹងផ្តោត លើការគាំទ្រ និងការដោះស្រាយបញ្ហាប្រឈមលើវិសយយបរិស្ថានសំខាន់ៗដូចជា ការសឹករិចរិលដី ការបាត់បង់ជីវចម្រុះ ការនេសាទគ្មាន និរន្តរភាព និងការប្រែប្រួលអាកាសធាតុដែលបាននឹងកំពុងគំរាមកំហែងដល់សន្តិសុខស្បៀង និងជីវភាពរស់នៅរបស់ប្រជាជនរាប់រយពាន់នាក់នៅក្នុងតំបន់អាស៊ី និងអាហ្វ្រិក។
គម្រោងទាំងនេះ នឹងត្រូវបានអនុវត្តក្នុងភាពជាដៃគូ និងសហហិរញ្ញប្បទានដោយរដ្ឋាភិបាលនៃប្រទេសជាសមាជិកដូចជា កម្ពុជា កាមេរូន អេរីទ្រា ឡេសូថូ (Lesotho) ម៉ាឡេស៊ី សេណេហ្កាល់ ថៃឡង់ដ៍ និងវៀតណាម។
អគ្គនាយកនៃអង្គការ FAO លោក QU Dongyu បានមានប្រសាសន៍ថា «គម្រោងទាំងនេះត្រូវបានស្វាគមន៍ជាពិសេស បន្ទាប់ពីការសម្ពោធនៃគំនិតផ្តួចផ្តើមស្តីពី ទសវត្សនៃអង្គការសហប្រជាជាតិស្តីពីការស្តារប្រព័ន្ធអេកូឡូស៊ី ។ វាចាំបាច់ណាស់ដែលយើងត្រូវចាត់វិធានការឥឡូវនេះដើម្បីកែរលម្អររប្រព័ន្ធធម្មជាតិនៅលើដីនិងទឹកដែលយើងពឹងផ្អែកដើម្បីសម្រេចបាននូវផលិតកម្ម អាហារូបត្ថម្ភ បរិស្ថាន និងជីវិតដ៏ល្អប្រសើរមួយ»។
គម្រោងដែលត្រូវបានអនុម័តដោយ GEF នឹងជួយគាំទ្រដល់ប្រទេសទាំង ៨ និងសហគមន៍របស់ពួកគេក្នុងការជ្រើសយកការអនុវត្តប្រកបដោយនិរន្តរភាព និងធន់ទៅនឹងអាកាសធាតុ ក៏ដូចជាជំរុញកិច្ចសហប្រតិបត្តិការក្នុងតំបន់ ព្រមទាំងបង្កើតគោលនយោបាយដែលកាន់តែរឹងមាំ ដើម្បីអភិរក្សជីវចម្រុះ និងទប់ស្កាត់ការនេសាទខុសច្បាប់ គ្មានរបាយការណ៌ និងគ្មានការអនុញ្ញាត (IUU) ។
គម្រោងទាំងនេះ នឹងផ្តល់ផលប្រយោជន៍ដោយផ្ទាល់ដល់ប្រជាជនចំនួន ៤៤១,៥០០នាក់ និងស្តារឡើងវិញនូវផែនទេសភាពដែលបានសិករិចរិលប្រមាណជាង ២៧,០០០ ហិកតា។ គម្រោងទាំងនេះ ក៏នឹងបង្កើតនូវតំបន់ការពារថ្មីលើដីនិងសមុទ្រចំនួន ៣០,០០០ ហិកតា និងធ្វើឱ្យប្រសើរឡើងនូវការគ្រប់គ្រងលើផែនទេសភាពប្រមាណជាង ៧៦៥,០០០ ហិកតា និងជម្រកត្រីនិងសត្វសមុទ្រ ៤ លានហិកតាថែមទៀត។
សកម្មភាពដែលត្រូវបានរៀបចំឡើងនៅក្នុងគម្រោង នឹងរួមចំណែកកាត់បន្ថយការបំភាយឧស្ម័នផ្ទះកញ្ចក់ប្រមាណ ៦,៨ លានតោន និងប្រែក្លាយស្តុកត្រីដែលបានកំពុងនេសាទហួសកំរិតចំនួន ៥៤៧,៣៩៣ តោនវិលទៅកាន់កម្រិតមួយដែលមាននិរន្តរភាពឡើងវិញ។
ក្នុងចំណោមគម្រោងដែលដឹកនាំដោយអង្គការ FAOទាំងអស់ មានគម្រោងដែលនឹងត្រូវអនុវត្តនៅក្នុងតំបន់ឈូងសមុទ្រថៃ ដើម្បីជំរុញការគ្រប់គ្រងធនធានជលផលប្រកបដោយនិរន្តរភាពនៅប្រទេសកម្ពុជា ម៉ាឡេស៊ី ថៃ និង វៀតណាម។
តាមរយៈការអនុវត្តវិធីសាស្ត្រប្រព័ន្ធអេកូឡូស៊ីគិតគូរដល់វិស័យជលផល និងពង្រឹងអភិបាលកិច្ចលើវិស័យជលផល គម្រោងទាំងនេះនឹងជួយដល់ការអភិរក្សជីវចម្រុះសមុទ្រ និងកាត់បន្ថយការនេសាទហួសកម្រិត ខណៈជួយទ្រទ្រង់ដល់និរន្តភាពនៃជីវភាពរបស់ប្រជានេសាទ។
គម្រោងចំនួនបួនដែលត្រូវបានអនុម័តសម្រាប់ទ្វីបអាហ្វ្រិក នឹងចូលរួមដោះស្រាយការគំរា.មកំហែងនៃការប្រែប្រួលអាកាសធាតុ និងការសឹករិចរិលដី ដើម្បីបង្កើនភាពធន់ទៅនឹងអាកាសធាតុរបស់សហគមន៍ ការពារធនធានធម្មជាតិ និងពង្រឹងខ្សែច្រវាក់តម្លៃកសិកម្មដើម្បីលើកកម្ពស់ជីវភាពរស់នៅរបស់ប្រជាជននៅតាមជនបទ។
ចាប់តាំងពីខែធ្នូឆ្នាំ ២០១៨ អង្គការ FAO បានកៀរគរថវិកាប្រមាណជាង ៥៥០ លានដុល្លារអាមេរិកពីមូលនិធិ បរិស្ថានសកល (GEF) សម្រាប់ប្រទេសជាសមាជិក បូករួមទាំងគម្រោងចុងក្រោយទាំងនេះ ដែលធ្វើឱ្យអង្គការ FAO ក្លាយជាទីភ្នាក់ងារកំពូលមួយន្នុងចំណាមភ្នាក់ងារកំពូលទាំង ៤ របស់ GEF នៅទូទាំងពិភពលោក ៕
ចែករំលែកព័តមាននេះ