តារាសម្តែងយ៉ាយ៉ា ឃ្វីន បានវិលមករកសិល្បៈឡើងវិញហើយ ក្រោយពេលផ្អាក ចេញទៅកស៊ីលក់ដូរសង់ផ្ទះល្វែងលក់។ នាងមកអុកឡុកលើកនេះ ឃើញថា នៅតែទាញបានភាពទាក់ទាញដូចពីមុន ជាពិសេសក្រៅពីសម្ញែងភាពសិចស៊ី នៅពេលដែលនាងខំរំលេចរូបភាព
រាជធានីភ្នំពេញ ៖ តារាសម្តែងយ៉ាយ៉ា ឃ្វីន បានវិលមករកសិល្បៈឡើងវិញហើយ ក្រោយពេលផ្អាក ចេញទៅកស៊ីលក់ដូរសង់ផ្ទះល្វែងលក់។ នាងមកអុកឡុកលើកនេះ ឃើញថា នៅតែទាញបានភាពទាក់ទាញដូចពីមុន ជាពិសេសក្រៅពីសម្ញែងភាពសិចស៊ី នៅពេលដែលនាងខំរំលេចរូបភាពឈុតបុរាណ ក៏ឃើញថានៅតែទទួលបានកម្រិតទាក់ចិត្តមិនតិចឡើយ ដោយប្រុសៗតាមចោមមេត្រីគន់មើលមិនដាក់ភ្នែកឡើយ។
កញ្ញា យ៉ាយ៉ា បានលើកឡើងថា អំឡុកពេលបាត់មុខ នាងមិនដែលគិតថា ចង់បោះបង់សិល្បៈចោលឡើយ។ ជាពិសេសក៏មិននឹកថា បងៗសារព័ត៌មានភ្លេចរូបនាង តែផ្ទុយទៅវិញនៅតែស្រឡាញ់រាប់អានតាមសួរនាំ។ មកវិញលើកនេះ ចេះតែរកទំនុក អ្វីដែលប្លែកតាមតែអាចច្នៃបាន។ ក្នុងនោះរូបថតតុបតែងបែបឈុតបុរាណជាច្រើននាងបានបង្ហាញឡើងដោយនឹកថា ចង់អោយប្លែកខ្លះ ដោយមើលទៅកុំអោយអសកម្មភាព។ នាងនឹងរកនូវយុទ្ធវិធីប្លែកថ្មី ដើម្បីទាញការតាមដាន ក្រៅពីថតសម្តែងភាពយន្ត។
គួរបញ្ជាក់ថា យ៉ាយ៉ា ឃ្វីន បានក្លាយជាថៅកែផ្ទះល្វែងផ្ទាល់ខ្លួនដោយនាងបានតស៊ូយ៉ាងខ្លាំងទំរាំមានដូចពេលនេះ។ យ៉ា យ៉ាថា នាងស៊ូអត់ទ្រាំមិនចង់ហ៊ឺហារនឹងរបស់របរពេកឡើយ សុខចិត្តបានលុយទិញដីផ្ទះទុក។ នាងបានមកដល់ពេលនេះ ដោយសារលក់ផ្ទះចំណេញយកទៅទិញ ផ្ទះដីបន្តកន្ទុយគ្នាជាយក្រុងយូរទៅបានសេសសល់ផ្ទះ ប៉ុន្មានល្វែងមិនច្រើនទេ សាងសង់លក់។ មិនដឹងយ៉ាងមិច ក្នុងចិត្តចង់តែទិញដីផ្ទះ បើកាលណាមានលុយ ហើយមិននឹកថា គោលបំណងនាងបានដើរដល់ចំណុចនេះទេ។
ចែករំលែកព័តមាននេះ