ផ្ទុះការចាប់អារម្មណ៍កីឡាការិនីតេក្វាន់ដូរ១រូបលេចធ្លោ និងទាក់ទាញខ្លាំងទាំងកេរ្តិ៍ឈ្មោះ និងសម្រស់
- ភ្នំពេញ
រាជធានីភ្នំពេញ ៖ កីឡាការិនីជម្រើសជាតិមួយរូបកំពុងធ្វើឱ្យគ្រប់គ្នាផ្ទុះការចាប់អារម្មណ៍នៅលើសង្វៀនតេក្វាន់ដូ ជម្រុះ
រាជធានីភ្នំពេញ ៖ កីឡាការិនីជម្រើសជាតិមួយរូបកំពុងធ្វើឱ្យគ្រប់គ្នាផ្ទុះការចាប់អារម្មណ៍នៅលើសង្វៀនតេក្វាន់ដូ ជម្រុះ
រាជធានីភ្នំពេញ ៖ កីឡាការិនីជម្រើសជាតិមួយរូបកំពុងធ្វើឱ្យគ្រប់គ្នាផ្ទុះការចាប់អារម្មណ៍នៅលើសង្វៀនតេក្វាន់ដូ ជម្រុះព្រឹត្តិការណ៍អូឡាំពិក នៅប្រទេសហ្ស៊កដានី គឺកីឡាការិនីខ្មែរកូនកាត់អាមេរិកមួយរូប គឺកញ្ញា ថិប កាសាន់ ដ្រេនីកូល ហៅ ខេស៊ី ទទួលបានការចាប់អារម្មណ៍យ៉ាងខ្លាំង ដោយសារតែនាងមានឱកាសបានឡើងវគ្គ១ភាគ៤ ស្របពេលដែលនាងក៏មានរូបសម្រស់មិនចាញ់បវរកញ្ញា។ អ្នកគាំទ្រភាគច្រើនថែមទាំងជំរុញអោយនាងតំណាងអោយកម្ពុជា ចូលប្រកួតបវរកញ្ញា ដើម្បីបង្ហាញថា ក្រៅពីសម្រស់ស្អាតហើយ គឺនាងមានសមត្ថភាពផ្នែកកីឡានៅលើឆាកអន្តរជាតិទៀតផង។
គ្មានអ្នកណាមិនចាប់អារម្មណ៍នោះទេ បន្ទាប់ពីកីឡាការិនី ខេស៊ី បានបង្ហាញវត្តមានក្នុងវគ្គចុងក្រោយ នៅក្នុងការប្រកួតជម្រុះអូឡាំពិក លើវិញ្ញាសាទម្ងន់ក្រោម ៥៧គីឡូក្រាម។ បើទោះជានាងមិនទទួលបានមេដាយមាស ដើម្បីបោះជំហានទៅប្រកួតអូឡាំពិកនៅទីក្រុងតូក្យូប្រទេសជប៉ុនដូចការចង់បាន ប៉ុន្តែកីឡាការិនីខ្មែរ-អាមេរិករូបនេះបានសាងភាពល្បីល្បាញ និង ធ្វើអោយមានការសរសើរពីអ្នកស្នេហាវិស័យតេក្វាន់ដូយ៉ាងខ្លាំង ដោយសារតែសមត្ថភាព និងរូបសម្រស់ស្រស់ស្អាតគួរឱ្យទាក់ទាញ។
នៅលើបណ្តាញសង្គមហ្វេសប៊ុក គេស្ទើរមិនជឿថា នាងគឺជាកីឡាការិនីដែលប្រើកម្លាំងនោះផងដោយសារតែនាងរូបសម្រស់ស្រស់ស្អាត គឺតារាសុំខ្មាស ហើយនាងគឺជាម្ចាស់មេដាយ សំរឹទ្ធ SEA Games 2017 និងជាម្ចាស់មេដាយ ប្រាក់ SEA Games 2019 តែភាពលេចធ្លោរបស់នាង គឺនៅក្នុងឆ្នាំ២០២១នេះ ដោយសារតែនាងបានឡើងទៅវគ្គ១ភាគ៤ នៅក្នុងការប្រកួតដណ្ដើមកៅអីទៅអូឡាំពិកនៅជប៉ុន ដែលឱកាសនេះ គឺធ្វើអោយម្នាក់ៗលាន់មាត់សរសើរ ព្រោះនាបានឆ្លងដំណាក់កាលឈ្នះបណ្ដាប្រទេសជាច្រើន ដែលមានឈ្មោះដណ្ដើមកៅអីនៅក្នុងពេលនោះ។
កីឡាការិនី ខេស៊ី មានអាយុ២២ឆ្នាំ កំពុងរស់នៅរដ្ឋតិចសាស់ លើទឹកដីអាមេរិក មានម្តាយជាជនជាតិខ្មែរ និងឪពុកជាជនជាតិអាមេរិក នាងក៏កំពុងតែសិក្សានៅកម្រិតវិទ្យាល័យនៅឡើយ ហើយនាងស្រលាញ់អាជីពតេក្វាន់ដូនេះ ជាយូរមកហើយ។ នាងត្រូវបានបង្វឹកជាកីឡាការិនីដោយឪពុករបស់នាងផ្ទាល់ ហើយដោយសារតែភាពលេចធ្លោ ទើបត្រូវបានសហព័ន្ធតៃក្វាន់ដូខ្មែរប្រចាំនៅសហរដ្ឋអាមរិក ជ្រើសរើសនាងជាកីឡាការិនី និងក្រោយមកក៏ត្រូវបានសហព័ន្ធតេក្វាន់ដូកម្ពុជា បញ្ចូលនាងជាកីឡាការិនីជម្រើសជាតិ។
អ្វីដែលសំខាន់ គឺកីឡាការិនី ខេស៊ី តែងបង្ហាញទង់ជាតិកម្ពុជាជារឿយៗ ដើម្បីអោយពិភពលោកបានស្គាល់ បើទោះជានាងមិនទាន់មានឱកាសយកបានមេដាយពិភពលោកក្តី។ នាងក៏ត្រូវបានគេចាត់ទុកថាគឺជាកីឡាការិនីជំនាន់ក្រោយផ្នែកកីឡាតៃក្វាន់ដូ ដែលធ្វើអោយមានការចាប់អារម្មណ៍ផងដែរ ៕
ចែករំលែកព័តមាននេះ