ពិតជាចំឡែកខ្លាំងណាស់ដែលអ្នកនិពន្ធ រឿងឆ្មា និងកណ្ដុរ បានសរសេររឿងដោយឱ្យ តួអង្គសត្វឆ្មា ដែលជាសត្វរហ័សរហួនឆ្លាត វាងវៃ និងមានអំណាចបំផុត បើប្រៀបធៀប ទៅនឹងសត្វកណ្ដុរ បែរជាទទួលរងគ្រោះស្ទើរ ស្លា.ប់ស្ទើររស់ ដោយល្បិចល្បងកំប៉ិចកំប៉ុក របស់សត្វកណ្ដុរដ៏តូចនោះទៅវិញ ។ តើធម្មជាតិពិតរបស់សត្វទាំងពីរអាចទេ! ដែលកណ្ដុរហ៊ានលលេងនឹងឆ្មា? ដាច់ខាតគឺមិនហ៊ានឡើយ បើដូច្នេះតើហេតុអ្វីបានជាអ្នកនិពន្ធ
លោកឌួង សុភាព ការិយាល័យរដ្ឋបាលខុទ្ទកាល័យអគ្គបញ្ជាការ
ពិតជាចំឡែកខ្លាំងណាស់ដែលអ្នកនិពន្ធ រឿងឆ្មា និងកណ្ដុរ បានសរសេររឿងដោយឱ្យ តួអង្គសត្វឆ្មា ដែលជាសត្វរហ័សរហួនឆ្លាត វាងវៃ និងមានអំណាចបំផុត បើប្រៀបធៀប ទៅនឹងសត្វកណ្ដុរ បែរជាទទួលរងគ្រោះស្ទើរ ស្លាប់ស្ទើររស់ ដោយល្បិចល្បងកំប៉ិចកំប៉ុក របស់សត្វកណ្ដុរដ៏តូចនោះទៅវិញ ។ តើធម្មជាតិពិតរបស់សត្វទាំងពីរអាចទេ! ដែលកណ្ដុរហ៊ានលលេងនឹងឆ្មា? ដាច់ខាតគឺមិនហ៊ានឡើយ បើដូច្នេះតើហេតុអ្វីបានជាអ្នកនិពន្ធសរសេររឿងក្រឡាប់ចាក់បែបនេះ? ហ្នឹងហើយដែលហៅថា លទ្ធិប្រជាធិបតេយ្យ បែបសត្វកណ្ដុរនោះ ។ គណបក្សប្រជាជនកម្ពុជាជាបក្សដ៏ធំបំផុត ដែលមានក្បាលម៉ាស៊ីនដឹកនាំដ៏រឹងមាំ មានគោលមាគ៌ានយោបាយយ៉ាងល្អវិសេសវិសាលឥតខ្ចោះ មានគុណសម្បត្ដិយ៉ាងធំធេង ដែលមិនអាចកាត់ថ្លៃបាន បាននាំប្រទេសឱ្យរួចផុតពីភ្នក់ភ្លើងសង្គ្រាមរវាងខ្មែរ និងខ្មែរ ហើយផ្ដល់នូវសុខសន្ដិភាពឯកភាពជាតិលើទូទាំងប្រទេស ។
មិនតែប៉ុណ្ណោះបក្សនេះបាន នឹងកំពុងសស្រាក់សស្រាំកសាងហេដ្ឋារចនាសម្ព័ន្ធសង្គមលើគ្រប់វិស័យ ឱ្យមានភាពរីកចំរើនគួរជាទីមោទនៈ ។ សំណង់អគារ ស្ពាន ថ្នល់ សាលារៀន វត្ដអារាម មន្ទីរពេទ្យ ។ល។ និង។ល។ បានប្រតិស្ឋានឡើងដូចគេ ជប់បង្អូតរៀងយ៉ាងសង្ហារគ្រប់ខេត្ដ-ក្រុង ទាំងអស់នៃព្រះរាជាណាចក្រកម្ពុជាដ៏ស្រស់បំព្រងនៃយើង ។ ប៉ុន្ដែជនអគតិមួយក្ដាប់តូច ក្ដឹបគណបក្សមួយចំនួនដែលអួតខ្លួនជាអ្នក ស្នេហាជាតិ ហើយមានចរិតលក្ខណៈឡេមឡឺម លឹបល មានសារជាតិប្រវត្ដិស្អុយគគ្រុក ដូចសត្វកណ្ដុរចូលចិត្ដតែបោលទៅជ្រកកោន នៅបរទេសនោះ បែរជានិយាយច្រំដែលៗថា “ប្រទេសជាតិកាន់តែហិនហោចទៅៗ ប្រទេសជាតិគ្មានលទ្ធិប្រជាធិបតេយ្យ ផ្ដាច់ការ គាបសង្កត់រាស្ដ្រកាន់តែក្រទៅៗជាដើម” ។
ពួកនេះកំពូលប្រើល្បិចឥតទាស់ ដោយគេយល់យ៉ាងច្បាស់ថា សហគមន៍អន្ដរជាតិពិត ជាជឿពួកគេ ក្នុងខណៈដែលខ្លួនធ្វើពុតជាដួល បន្ទាប់ពីបានហក់ទៅសំពងក្បាលអ្នកដទៃ ហើយចោទថា គេបានច្រានខ្លួនឱ្យដួល ដោយអយុត្ដិធម៌ ។ ដ្បិតគេជឿបានយ៉ាងងាយបើថា “ឆ្មាខាំកណ្ដុរ” ។ ក្នុងបរិបទនេះ ជនអគតិតែងតែប្រមាថកាតទានបន្ដុះបង្អាប់ ដោយផ្កាវោហាសាស្ដ្រ ពុតត្បុត ពិសពុលទៅ លើគណបក្សប្រជាជនកម្ពុជា ដើម្បីទាញយកប្រយោជន៍សំរាប់មហិច្ឆតាខ្លួន។ គេធ្វើបែបនេះបានទៅលើគណបក្សប្រជាជនកម្ពុជា ព្រោះគណបក្សប្រជាជនមានព្រហ្មវិហារធម៌ និងការបង្រួបបង្រួមជាតិជាគោលការណ៍គ្រឹះរបស់បក្ស ។ តែគេមិនអាចធ្វើអ្វីដែលនាំឱ្យប៉ះពាល់ដល់កិត្យានុភាពជាតិ ផលប្រយោជន៍ជាតិ ដូចជាការបំផ្លាញទ្រព្យសម្បត្ដិរដ្ឋ ការញុះញង់ឱ្យមានការបែកបាក់ចំណងមេត្រីភាព កិច្ចសហប្រតិបត្ដិការល្អរវាងប្រទេសជិតខាងបានឡើយ ព្រោះប្រទេសមានច្បាប់ សេរីភាព មានដែនកំណត់ ។ បើសឿងកុំរត់ចោលច្បាប់ ត្រាប់តាមសត្វកណ្ដុរទៀត ទើបហៅអ្នកក្លាហាន ។
ចែករំលែកព័តមាននេះ