ជនសង្ស័យដែលត្រូវជាឪពុកម្នាក់ ត្រូវបានសមត្ថកិច្ចនគរបាលស្រុកសាមគ្គីមានជ័យ ចាប់ឃាត់ខ្លួននៅវេលាម៉ោង៣និង១៥នាទីរំលងអធ្រាត្រឈានចូលថ្ងៃទី១៧ ខែមិថុនា ឆ្នាំ២០២១ ខណៈពេលព្យាយាមគេចខ្លួន បន្ទាប់ពីចាប់
ខេត្តកំពង់ឆ្នាំង ៖ ជនសង្ស័យដែលត្រូវជាឪពុកម្នាក់ ត្រូវបានសមត្ថកិច្ចនគរបាលស្រុកសាមគ្គីមានជ័យ ចាប់ឃាត់ខ្លួននៅវេលាម៉ោង៣និង១៥នាទីរំលងអធ្រាត្រឈានចូលថ្ងៃទី១៧ ខែមិថុនា ឆ្នាំ២០២១ ខណៈពេលព្យាយាមគេចខ្លួន បន្ទាប់ពីចាប់រំលោ.ភកូនស្រីបង្កើតកាលពីមុនពេលចាប់ខ្លួន២ថ្ងៃ ។
សមត្ថកិច្ចនគរបាលមូលដ្ឋានបានឲ្យដឹងថា ជនសង្ស័យដែលបានរំលោ.ភកូនស្រីបង្កើតអាយុ៨ឆ្នាំខាងលើនេះ មានឈ្មោះ សេង ចាន់ធី អាយុ២៨ឆ្នាំ មានទីលំនៅភូមិខ្នារកណ្ដាល ឃុំខ្នារឆ្មារ ស្រុកសាមគ្គីមានជ័យ ។
ប្រភពដដែលបានបន្តថា កាលពីវេលាម៉ោង៥និង៣០នាទីរសៀល ថ្ងៃទី១៥ ខែមិថុនា ឆ្នាំ២០២១ ជនសង្ស័យឈ្មោះ សេង ចាន់ធី បានចាប់រំលោ.ភកូនស្រីបង្កើតអាយុ៨ឆ្នាំរហូតបានសម្រេច បន្ទាប់មកក៏រត់គេចខ្លួនបាត់។
ក្រោយពេលកើតហេតុ សមត្ថកិច្ចមូលដ្ឋានបានសហការជាមួយសមត្ថកិច្ចនគរបាលខេត្តកំពង់ឆ្នាំង ក៏ធ្វើការស្រាវជ្រាវ និងដាក់កម្លាំងពួនស្ទាក់ឃ្លាំមើលគ្រប់គោលដៅ ហើយក៏បានប្រទះឃើញជនសង្ស័យរូបនេះនៅវេលារំលងអធ្រាត្រឈានចូលថ្ងៃទី១៧ ខែមិថុនា រួចក៏បានចាប់ខ្លួន និងនាំមកកសាងសំណុំរឿងបញ្ជូនទៅស្នងការដ្ឋាននគរបាលខេត្ត ដើម្បីកសាងសំណុំរឿងចាត់ការតាមនីតិវិធីតែម្តង។
នៅចំពោះសុវត្ថិមុខសមត្ថកិច្ច ជនសង្ស័យរូបនេះក៏បានសារភាពថា ពិតជាបានធ្វើសកម្មភាពចាប់រំលោ.ភកូនស្រីបង្កើតខ្លួនឯងពិតប្រាកដមែន ។
គួរបញ្ជាក់ថា ព័ត៌មានចុងក្រោយដែលទទួលបានពីសមត្ថកិច្ចបានឲ្យដឹងថា កូនស្រីរងគ្រោះខាងលើ កំពុងតែមានសភាពធ្ងន់ធ្ងរ ហើយគ្រូពេទ្យកំពុងតែជួយសង្គ្រោះបន្ទាន់ ឬក៏អាចនឹងត្រូវបញ្ជូនក្មេងស្រីរងគ្រោះរូបនេះទៅសង្គ្រោះនៅមន្ទីរពេទ្យរាជធានីភ្នំពេញបន្តទៀត ៕
ចែករំលែកព័តមាននេះ