Watch Empire Co., Ltd ជាក្រុមហ៊ុននាំចូលនិងចាកចាយផ្តាច់មុខនូវនាឡិកាដៃម៉ាក ice-watchនៅកម្ពុជា កាលពីថ្ងៃទី២១ វិច្ឆិកា កន្លងទៅនេះបានបើកសម្ពោធសាខាថ្មីមួយបន្ថែមទៀតនៅផ្សារទំនើបអ៊ីអន
រាជធានីភ្នំពេញ ៖ Watch Empire Co., Ltd ជាក្រុមហ៊ុននាំចូលនិងចាកចាយផ្តាច់មុខនូវនាឡិកាដៃម៉ាក ice-watchនៅកម្ពុជា កាលពីថ្ងៃទី២១ វិច្ឆិកា កន្លងទៅនេះបានបើកសម្ពោធសាខាថ្មីមួយបន្ថែមទៀតនៅផ្សារទំនើបអ៊ីអន ដោយមានការចូលរួមពី លោក មុត បញ្ញា ប្រធានគ្រប់គ្រងផ្នែកទីផ្សារ និងលក់ Ice watch ប្រចាំកម្ពុជា និង លោកអគ្គនាយក សួង ស៊ីម តំណាងឲ្យក្រុមហ៊ុន Watch Empire។
នាឡិកាដៃម៉ាក ice-watchចាប់ផ្តើមបង្កើតឡើងដំបូងក្នុងឆ្នាំ២០០៦ ដោយលោក Jean-Pierre Lutgen មានដើមកំណើតជាជនជាតិប៊ែលស៊ីកនិងបានចាប់ផ្តើមធ្វើប្រតិបត្តិការលក់នៅលើទីផ្សារក្នុងឆ្នាំ២០០៧ ដោយមានការចនាម៉ូដទាន់សម័យនិងមានច្រើនពណ៌ដើម្បីជាការឆ្លើយតបទៅនិងការពេញនិយមរបស់មនុស្សនៅលើពិភពលោក។នៅក្នុងរយៈពេលដ៏ខ្លី ice-watch បានជំរុញឲ្យការលក់របស់ក្រុមហ៊ុនទទួលបានកំណើនខ្ពស់នៅលើពិភពលោក ព្រមទាំងបាននិងកំពុងធ្វើប្រតិបត្តិការក្នុងចំណោម១១០ប្រទេសដែលមាន១២.០០០ហាងនៅទូទាំងពិភពលោក។
តែដោយឡែក ice-watch នៅកម្ពុជា ក៏មានការរីកចម្រើនណាស់ដែរ នៅក្នុងរយៈពេលមិនដល់១ឆ្នាំផងបានធ្វើឲ្យអតិថិជនជាច្រើនចាប់អារម្មណ៍និងគាំទ្រយ៉ាងខ្លាំងជាពិសេសក្នុងចំណោមយុវវ័យ។ហើយនៅក្នុងឱកាសថ្ងៃបើកសម្ពោធសាខាថ្មីនៅផ្សារទំនើបអ៊ីអន ក្រុមហ៊ុនក៏មានលក់បញ្ចុះតម្លៃ៣០ភាគរយផងដែរជូនអតិថិជន ក្រៅពីការចាប់រង្វាន់ផ្សងសំណាងដល់អ្នកចូលរួម៕
ចែករំលែកព័តមាននេះ