OMEGA ដែលជាម៉ាកនាឡិកាស្វីដ៏ល្បីល្បាញលំដាប់ពិភពលោក និង THAKRAL ដែលជាភ្នាក់ងារពេញសិទ្ធិលក់នាឡិកា OMEGA នៅក្នុងប្រទេសកម្ពុជា បានធ្វើការចាក់បញ្ចាំងភាពយន្តពិសេសរឿង SPECTRE និងរៀបចំពិធីជប់លៀងពិសារស្រា
OMEGA ដែលជាម៉ាកនាឡិកាស្វីដ៏ល្បីល្បាញលំដាប់ពិភពលោក និង THAKRAL ដែលជាភ្នាក់ងារពេញសិទ្ធិលក់នាឡិកា OMEGA នៅក្នុងប្រទេសកម្ពុជា បានធ្វើការចាក់បញ្ចាំងភាពយន្តពិសេសរឿង SPECTRE និងរៀបចំពិធីជប់លៀងពិសារស្រាក្រឡុកនៅថ្ងៃទី១៨ ខែវិច្ឆិកា ឆ្នាំ២០១៥ នៅរោងភាពយន្ត Major Cineplex នៅផ្សារទំនើប អ៊ីអន ម៉ល ដើម្បីអបអរសាទរដល់ការចេញផ្សាយខ្សែភាពយន្តលើកទី២៤ របស់ James Bond នៅក្នុងប្រទេសកម្ពុជា។
លោក Rikhi Thakral នាយកប្រតិបត្តិរបស់ក្រុមហ៊ុន Thakral Group បានអញ្ជើញចូលរួមនៅក្នុងកម្មវិធីនេះ ជាមួយភ្ញៀវកិត្តិយសជាច្រើននាក់ផ្សេងទៀត ដូចជាមន្ត្រីជាន់ខ្ពស់ ពាណិជ្ជករ និងអ្នកសារព័ត៌មានជាដើម។ ឯកឧត្ដម Naveen Srivastava ឯកអគ្គរដ្ឋទូតឥណ្ឌាប្រចាំព្រះរាជាណាចក្រកម្ពុជា និងឯកឧត្ដម បណ្ឌិត កៅ គីម ហួន រដ្ឋមន្ត្រីប្រតិភូអមសម្ដេចនាយករដ្ឋមន្ត្រីនៃព្រះរាជាណាចក្រកម្ពុជា ក៏បានផ្ដល់កិត្តិយសអញ្ជើញចូលរួមនៅក្នុងកម្មវិធីនេះផងដែរ។
OMEGA ពិតជាមានភាពកក់ក្ដៅយ៉ាងខ្លាំងដែល ០០៧ បានពាក់នាឡិកានេះអស់រយៈពេលជិតពីរទសវត្សរ៍មកហើយចាប់តាំងពីថតភាពយន្ត GoldenEye កាលពីឆ្នាំ១៩៩៥ មកម្ល៉េះ។ ភ្នាក់ងារសម្ងាត់ដ៏មានប្រជាប្រិយភាពរបស់ពិភពលោករូបនេះ មិនត្រឹមតែមានភាពល្បីល្បាញតាមរយៈការថតឈុតឆាកផ្សងព្រេងរបស់លោកប៉ុណ្ណោះទេ ថែមទាំងតាមរយៈការដើរតួជានិមិត្តរូបដែលមានស្ទីលដ៏អស្ចារ្យពោលគឺជាការរួមបញ្ចូលគ្នាមួយដែលធ្វើឲ្យ OMEGA និង ០០៧ ក្លាយជាដៃគូដ៏ល្អបំផុត។
ជាលើកដំបូងនៅក្នុងប្រវត្តិរបស់លោក Bond នាឡិកាជាក់ស្ដែងដែលបានពាក់ដោយចារបុរសដ៏មានប្រជាប្រិយភាពរបស់ពិភពលោករូបនេះ ត្រូវបានដាក់លក់ជាម៉ូដែលមានចំនួនកំណត់។ នាឡិកា Seamaster ដ៏វិសេសនេះ ត្រូវបានដាក់តាំងបង្ហាញនៅទីតាំងដាក់បង្ហាញដ៏អស្ចារ្យលើសគេនៅខាងក្រៅសាល។ ភ្ញៀវកិត្តិយសទាំងអស់បានបណ្ដាក់គ្នាមើលនាឡិកានេះ។
នាឡិកា Seamaster ដ៏វិសេសនេះ មានចំនួនកំណត់ត្រឹមតែ ៧.០០៧ គ្រឿងប៉ុណ្ណោះ និងមានបង្កប់លេខស៊េរីពិសេសតែមួយគត់សម្រាប់នាឡិកាមួយគ្រឿងៗ ព្រមទាំងមានស្លាកសញ្ញា SPECTRE ផងដែរ។
នាឡិកាដែលមានតួទំហំ ៤១មីលីមែត្រ។ នាឡិកានេះគែមបញ្ឆិតៗនៃមុខនាឡិកាធ្វើពីសេរ៉ាមិចពណ៌ខ្មៅរលោងស្រិលដោយមានទ្រនិចដើរពីរទិស មានលើខ្សែប្រភេទ NATO ពណ៌ខ្មៅ និងប្រផេះ។ នៅលើបន្ទះមុខពណ៌ខ្មៅនៃនាឡិកាមានបង្ហាញទ្រនិចម៉ោង និងទ្រនិចនាទី ព្រមទាំងមានទ្រនិចវិនាទីនៅចំកណ្ដាលតាមបែប lollipop។
នាឡិកានេះដំណើរការដោយចលនា Omega MasterCo-Axial Calibre 8400 និងមានថាមពលបម្រុងចំនួន ៦០ម៉ោង។ ហើយដោយសារតែនាឡិកានេះ ចាំបាច់ត្រូវបង្កើតឡើងឲ្យត្រូវនឹង របៀបរស់នៅជួបប្រទះនឹងឧបសគ្គច្រើនរបស់លោក Bond ទើបវាមានភាពធន់នឹងដែនម៉ាញ៉េទិចរហូតដល់ ១៥.០០០ ហ្គូស និងធន់នឹងទឹករហូតដល់ជម្រៅ ៣០០ម៉ែត្រ (១.០០០ហ្វីត ឬ ៣០បា)។
“Thakral” គឺជាភ្នាក់ងារពេញសិទ្ធិរបស់ Omega នៅក្នុងប្រទេស “កម្ពុជា ឡាវ និងមីយ៉ាន់ម៉ា”។ នាឡិកា Omega នៅក្នុងប្រទេសកម្ពុជា មានលក់នៅ Omega Boutique ក្នុងសណ្ឋាគារណាហ្គាវើល និង C.K. International ទីក្រុងភ្នំពេញ។
ចែករំលែកព័តមាននេះ