រាជធានីភ្នំពេញ ៖ រថយន្តមួយគ្រឿងបានបើកឡើងស្ពានជ្រោយចង្វារ ភ្លេចបត់ក៏បានជ្រុលទៅបុក បង្កាន់ដៃស្ពានពេញទំហឹង បណ្តាលឲ្យរងការខូចខាត ហើយរថយន្តក្រពឹតជាប់ទៅមុខលែងរួច។ គ្រោះថ្នាក់ចរាចរណ៍នេះបានកើតឡើងកាលពីវេលាម៉ោងប្រមាណ២ និង៣០នាទីរសៀល ថ្ងៃទី១៦…
រាជធានីភ្នំពេញ ៖ រថយន្តមួយគ្រឿងបានបើកឡើងស្ពានជ្រោយចង្វារ ភ្លេចបត់ក៏បានជ្រុលទៅបុក បង្កាន់ដៃស្ពានពេញទំហឹង បណ្តាលឲ្យរងការខូចខាត ហើយរថយន្តក្រពឹតជាប់ទៅមុខលែងរួច។ គ្រោះថ្នាក់ចរាចរណ៍នេះបានកើតឡើងកាលពីវេលាម៉ោងប្រមាណ២ និង៣០នាទីរសៀល ថ្ងៃទី១៦ ខែមិថុនា ឆ្នាំ ២០២១ នៅចំណុចរង្វង់មូលព្រហ្មមុខបួន ស្ថិតនៅគល់ស្ពានជ្រោយចង្វារ ក្នុងភូមិទី៣ សង្កាត់ជ្រោយចង្វារ ខណ្ឌជ្រោយចង្វារ រាជធានីភ្នំពេញ។
រថយន្តដែលបុកបង្កាន់ដៃស្ពានម៉ាកម៉ាស្តា ពណ៌ស ពាក់ស្លាកលេខ ភ្នំពេញ 2BH-4287 បើកបរដោយបុរសម្នាក់ត្រូវបាននគរបាលឃាត់ខ្លួន។ តាមសាក្សីបានឲ្យដឹងថា មុនពេលកើតហេតុគេឃើញរថយន្តស៊េរីទំនើបមួយគ្រឿងខាងលើ បើកបរដោយបុរសម្នាក់តាមបណ្តោយផ្លូវជាតិលេខ៦ក្នុងទិសដៅចូលរាជធានីភ្នំពេញ។ នៅពេលបើកឡើងស្ពានមិនដឹងមូលហេតុអ្វី ស្រាប់តែរថយន្តបើកទៅត្រង់ ជ្រុលទៅបុកបង្កាន់ដៃស្ពានមិត្តភាពកម្ពុជាចិនផ្នែកខាងឆ្វេង បណ្តាលឲ្យរងការខូចខាត ហើយរថយន្តជាប់ទៅមុខលែងរួច។ ភ្លាមៗនគរបាលមូលដ្ឋានក៏បានចុះទៅកន្លែងកើតហេតុរួចទាក់ទងទៅនគរបាលចរាចរណ៍ចុះវាស់វែងរួចបញ្ជូនទាំងរថយន្ត និងអ្នកបើកបរទៅកាន់ការិយាល័យចរាចរណ៍ផ្លូវគោក ដើម្បីដោះស្រាយសងការខូចខាត៕ ដោយ ៖ ម៉េង ធា
ចែករំលែកព័តមាននេះ