ក្រោយពីបញ្ចេញ iPhone 6S និង 6S Plus ធ្វើឱ្យក្រុមហ៊ុន Apple ទទួលបានប្រាក់ចំណេញខ្ពស់កប់ពពកពីការបញ្ជាទិញពីអតិថិជនរបស់ខ្លួនយ៉ាងគគ្រឹកគគ្រេង។ ទន្ទឹមគ្នានេះដែរមានព័ត៌មានចចាមអារ៉ាមជាច្រើនពាក់ព័ន្ធនឹង iPhone ជំនាន់ក្រោយគឺ iPhone 7 ។
គេហទំព័របរទេស GSMArena ឱ្យដឹងថា iPhone 7 អាចនឹងមានទំហំ RAM ដល់ទៅ ៣ជី និងមានប្រព័ន្ធការពារមិនជ្រាបទឹក ។ ក្រៅពីនេះប្រភពដដែលបានអះអាងថា ក្រុមហ៊ុននេះបញ្ចេញម៉ូដែល 7S គឺiPhone 7 Plus ស្របជាមួយនឹង iPhone 7 ។ ផលិតផលជំនាន់ក្រោយនោះនឹងបង្ហាញវត្តមាននៅពាក់កណ្តាលត្រីមាសទី២ ឆ្នាំ២០១៦ ។
ចំណែកគេហទំព័រ TrendForce ប៉ាន់ប្រមាណថា ក្រុមហ៊ុន Apple និងលក់ iPhone 7 ចំនួន២៦០លានគ្រឿង ឬក៏ច្រើនជាងនេះ ។ តាមរយៈតួលេខនេះនឹងកើនឡើងចំនួន ១២,៥ ភាគរយបើធៀបនឹងការនាំចេញក្នុងឆ្នាំ២០១៥ ។ ទោះជាយ៉ាងនេះក្តីក្រុមហុ៊ន Apple នៅតែមិនអាចផ្តួលក្រុមហ៊ុនសាំស៊ុងដែលបច្ចុប្បន្នកាន់កាន់ទីផ្សារជាក្រុមហ៊ុនដែលនាំចេញស្មាតហ្វូនច្រើនជាងគេបំផុត ។ ក្រុមហ៊ុនកូរ៉េមួយនេះរំពឹងថានឹងនាំចេញស្មាតហ្វូនចំនួន៣១០លានគ្រឿងនៅឆ្នាំ២០១៦ផងដែរ ៕
ចែករំលែកព័តមាននេះ