រាជធានីភ្នំពេញ ៖ ការបណ្តុះកូនដើមមៀនកោះក្របី មិនមែនជាការងាយស្រួលនោះទេ វាទាមទារបទពិសោធន៍ និងភាពអត់ធ្មត់ ព្រោះការបណ្តុះកូនដើមមៀននេះ ប្រើរយៈពេលជិតមួយឆ្នាំទើបអាចលក់ជូនអតិថិជានបាន និងភាពស្មោះត្រង់ថា នេះពិតជាពូជកូនដើមមៀងកោះក្របី ប្រភេទសូន្យឌុប ឬជូហ៊ុត សាច់ក្រាសស្ងួនគ្រាប់តូច ។ នេះជាលើកឡើងរបស់លោកហ៊ុន ចំណាន អាយុ៣៥ឆ្នាំ ម្ចាស់កសិដ្ឋានបណ្តុះកូនដើមមៀន នៅភូមិកោះក្របី សង្កាត់ព្រែកថ្មី ខណ្ឌច្បារអំពៅ រាជធានីភ្នំពេញ ។
លោកហ៊ុន ចំណាន បានឲ្យដឹងទៀតថា ដើម្បីឲ្យបានគ្រាប់ពូជកូនដើមមៀនប្រភេទសូន្យឌុប ឬជូហ៊ុត គាត់បានដាំមៀនប្រភេទនេះតាំងពីជាង១០ឆ្នាំមុនតពីឪពុកម្តាយរបស់គាត់មកម្ល៉េះ។ ហើយមិនព្រួយបារម្ភថា មិនមែនគ្រាប់ពូជមៀនសាច់ក្រាសស្ងួនគ្រាប់តូចដែលគេហៅថា សូន្យឌុប ឬជូហ៊ុត មៀនកោះក្របី រសជាតិឆ្ងុយឆ្ងាញ់ ។ គាត់មានបទពិសោធន៍បណ្តុះកូនដើមមៀនកោះក្របីបានយ៉ាងជោគជ័យរហូតដល់បច្ចុប្បន្នដោយសារភាពស្មោះត្រង់ គឺអតិថិជនដែលមកទិញដើមមៀនរបស់គាត់ៗតែងតែយកពូជមៀនសាច់ក្រាស់គ្រាប់តូចជូនអតិថិជនយកទៅដាំ ពេលបានផលល្អដូចការសន្យា កេរិ៍ត្តឈ្មោះរបស់ក៏គាត់ល្បីតគ្នាពេញភូមិកោះក្របី ។
លោកហ៊ិន ចំណា បានបញ្ជាក់ថា នៅភូមិកោះក្របីនេះ ក៏មានអ្នកខ្លះលក់ពូជដើមមៀនមិនមានភាពស្មោះត្រង់ផងដែរ យកពូជដើមមៀនសាច់ស្តើងលក់ឲ្យអតិថិជនរួចប្រាប់គេថា ពូជមៀនសាច់ក្រាស់ទៅវិញ ធ្វើបែបនេះបានតែម្តងទេ ។ រីឯគាត់មិនរកស៊ីលក់ឈ្មោះនោះឡើយ ក្នុងមួយឆ្នាំគាត់យកផ្លែមៀនពូជសាច់ក្រាស់គ្រាប់តូច (ពូជសូន្យឌុប ឬជូហ៊ុត) មកប្រលេះយកគ្រាប់បណ្តុះពូជ សាច់ដាក់ប្រអប់យកលក់តាមផ្សារនានា។ ការបណ្តុះពូជកូនដើមមៀនត្រូវប្រើរយៈ៥ខែទៅមួយឆ្នាំអាចលក់ចេញបាន បច្ចុប្បន្ននៅទីតាំងរបស់គាត់មានពូជដើមមៀនកោះក្របីរាប់ពាន់ដើមសម្រាប់លោកផងដែរ ។
លោកបន្តថា ពេលអតិថិជនទិញដើមមៀនរបស់គាត់យកទៅដាំ គាត់តែងតែចង្អុរបង្ហាញពីវិធីដាំដុះឲ្យបានផលល្អពិសេសទៅលើបញ្ហាដី ព្រោះពូជមៀនកោះក្របីដាំនៅភូមិកោះក្របីទទួលផលបានលឿនល្អវាជាប្រភេទដីល្បាប់ររយៈពេលបីឆ្នាំមានផ្លែអាចលក់បានហើយ ។
លោកចំណាន បានឲ្យដឹងទៀតថា ពូជដើមមៀនកោះក្របីប្រភេទសាច់ក្រាស់គ្រាប់តូចដែលហៅថា(ពូជសូន្យឌុប ឬជូហ៊ុត) គាត់មួយដើមដែលកម្ពស់៥ទៅ៧តឹកតម្លៃជាង១ម៉ឺនរៀល រីឯដើមមានកម្ពស់១ម៉ែត្តលក់តម្លៃជាង២ម៉ឺនរៀល ។ ដោយសារខាងយើងយល់ពីតម្រូវការនិងទីផ្សារច្បាស់លាស់ ទើបជម្រុញចិត្តអោយយើងត្រូវតែបង្កើនការដាំដុះបន្ថែមទៀត។
ហើយអ្វីដែលកសិករត្រូវគិតក្នុងការដាំដុះដំណាំ ១-តម្រូវការទីផ្សារ ២-តម្លៃនិងគុណភាព ៣-ពូជ(មើលតាមតម្រូវការទីផ្សារនិងចំណូលចិត្តរបស់អតិថិជនគោលដៅ) (ប្រភេទសាច់ក្រាសឌុបលាយជូហុត) ។ ចឹងហើយទើបកំណើននៃការបណ្ដុះកូនមៀនកោះក្របីកាន់តែច្រើនពីមួយឆ្នាំទៅមួយឆ្នាំ ប៉ុន្ដែនៅតែមិនអាចផ្គត់ផ្គងតាមតម្រូវការជូនអតិថិជន ។ មានកោះក្របី មិនប្រើគីមីនោះទេ គឺផ្លែធម្មជាតិពិតៗ ក្នុងមួយឆ្នាំអាចបេះបានពីរដង មានរសជាតិឆ្ងុយឆ្ងាញ់ខ្លាំងណាស់ សមពិតជាមៀនខ្មែរកោះក្របីយ៉ាងពិតប្រាកដ។
លោកអ៊ុំ យូ សាន អាយុជាង៦០ឆ្នាំរស់ភូមិអន្លង់ចិន ឃុំអន្លង់ចិន ស្រុកស្អាង ខេត្តកណ្តាល ដែលកំពុងតែដើរមើលកូនដើមៀនបានឆ្លៀតនិយាយឲ្យដឹងថា គ្រាប់ពូជមៀន ដែលយកមកបណ្តុះ ទោះជាពូជអ្វីក៏បាន អាចជាពូជក្នុងស្រុក ឬពូជដទៃទៀតក៏បាន ពីព្រោះប្រើត្រឹមតែគល់តប៉ុណ្ណោះ តែគួរជ្រើសរើសគ្រាប់ ដែលមកពីដើម ដែលមានការលូតលាស់ល្អ ថ្លោសរឹងមាំ ហើយមិនមានរោគ គ្មានសត្វល្អិតយាយី គួរប្រើគ្រាប់មៀនដែល ចាស់ល្អ ពីព្រោះផ្ទុកសារធាតុចិញ្ចឹមច្រើនជាធម្មតាគ្រាប់មៀនមិនមានការផ្ញើខ្លួនទេ ដូច្នេះ ផ្លែចាស់ ពេលយកមកបកសាច់ចេញហើយ គួរប្រញាប់ធ្វើការបណ្ដុះជាបន្ទាន់ បើសិនជារក្សា ទុកយូរ នឹងបាត់បង់សារធាតុចិញ្ចឹមនាំអោយដុះមិនល្អ។
ការសិក្សាការទុកដាក់គ្រាប់ពូជបានឱ្យ ឃើញថា គ្រាប់ដែលប្រឡេះចេញពីផ្លែហើយ បើទុកក្នុងបន្ទប់ដែលមានសីតុណ្ហភាពទាបត្រឹម ១០ថ្ងៃ គ្រាប់មៀន នោះដុះតិចបំផុត ឬស្ទើរតែមិនដុះសោះឡើយ វិធីសាស្ត្រ រក្សាទុកគ្រាប់មៀន បានយូរ គួររក្សាទុកទាំងផ្លែដោយត្រាំក្នុងទឹកថ្នាំការពាររោគ ក្រុមបេនណូមីលកំហាប់ ០.០៥ ក្នុង ទឹក១លីត រយៈពេល៥នាទី ក៏អាចរក្សាទុកយូរ ដល់៣០ថ្ងៃ ដែលមានភាគរយដុះ ៨៥% ៕
ចែករំលែកព័តមាននេះ