អភិបាលខណ្ឌដូនពេញសន្យាថា មិនឱ្យមានឡានគួកជេចតតាំងលក់លើផ្លូវក្នុងភូមិសាស្ត្ររបស់ខ្លួនទៀតឡើយ
- ភ្នំពេញ
រាជធានីភ្នំពេញ ៖ លោក សុខ ពេញវុធ អភិបាលខណ្ឌដូនពេញ បានឱ្យកោះសន្តិភាពដឹងតាមរយៈទូរស័ព្ទនៅមុននេះបន្តិចថា
រាជធានីភ្នំពេញ ៖ លោក សុខ ពេញវុធ អភិបាលខណ្ឌដូនពេញ បានឱ្យកោះសន្តិភាពដឹងតាមរយៈទូរស័ព្ទនៅមុននេះបន្តិចថា
រាជធានីភ្នំពេញ ៖ លោក សុខ ពេញវុធ អភិបាលខណ្ឌដូនពេញ បានឱ្យកោះសន្តិភាពដឹងតាមរយៈទូរស័ព្ទនាថ្ងៃទី១៥ មិថុនា នេះថា ផែនការចុះរៀបចំសណ្តាប់ធ្នាប់ចំពោះរថយន្តគួកជេ និងរថយន្តដែលចតយ៉ាងអនាធិបតេយ្យនៅតាមចិញ្ចើម និងដងផ្លូវក្នុងភូមិសាស្ត្រខណ្ឌដូនពេញ ក្នុងរយៈពេលប៉ុន្មានថ្ងៃកន្លងមកនេះ ក្រុមការងារបានចុះអនុវត្តន៏ទទួលបានជោគជ័យ១០០%ហើយ គឺមិនមានការចតតាំង លក់រថយន្តនៅលើដងផ្លូវទៀតទេ ។
លោក សុខ ពេញវុធ បានបញ្ជាក់ថា ចាប់ពីពេលនេះតទៅ ក្នុងភូមិសាស្ត្រខណ្ឌដូនពេញ មិនឱ្យមានការចតរថយន្ត ឬតាំងលក់រថយន្តអនាធិបតេយ្យនៅលើដងផ្លូវក្នុងភូមិសាស្ត្រខណ្ឌដូនពេញទៀតទេ។ លោកបន្តថា ការងារនេះ លោកនឹងបន្តអនុវត្តន៏ដោយមិនដកថយឡើយ និងប្រើវិធានការកាន់តែក្តៅប្រសិនបើម្ចាស់រថយន្តទាំងនោះ មិនចូលរួមអនុវត្តឬនៅតែល្មើសទៀតនោះ។
គួររំលឹកថា កាលពីថ្ងៃទី៨ ខែមិថុនា លោក សុខ ពេញវុធ អភិបាលខណ្ឌដូនពេញបានដាក់បទបញ្ជាឱ្យបញ្ឈប់ការដាក់តាំងលក់ និងចតរថយន្តគ្រប់ប្រភេទនៅលើទ្រូងផ្លូវ និងចិញ្ចើមផ្លូវសាធារណៈ ក្នុងមូលដ្ឋានខណ្ឌដូនពេញជាដាច់ខាត រហូតដល់ថ្ងៃទី ១២ មិថុនានេះ។ លោកបន្តថា ការដករថយន្តតាំងលក់ឱ្យអស់នេះ គឺទុក រយៈពេល ០៣ថ្ងៃ គិតចាប់ពីថ្ងៃជូនដំណឹងនេះ រហូតដល់ថ្ងៃទី ១២ ខែមិថុនា ឆ្នាំ២០២១ ដើម្បីឱ្យលោក-លោកស្រីយករថយន្តចេញពីទីតាំងខាងលើនេះជាកំហិត ក្នុងករណី លោក-លោកស្រី នៅតែមិនអនុវត្តតាមសេចក្តីជូនដំណឹង ក៏ដូចជាការណែនាំរបស់រដ្ឋបាល ខណ្ឌដូនពេញទេនោះរដ្ឋបាលខណ្ឌដូនពេញនឹងចុះអនុវត្តវិធានការរដ្ឋបាល ដោយមិន ទទួលខុសត្រូវរាល់ការខូចខាត បាត់បង់ទ្រព្យសម្បត្តិលោក-លោកស្រីឡើយ។
ជាក់ស្ដែង ក្នុងរយៈពេលប៉ុន្មានថ្ងៃកន្លងមកនេះ អាជ្ញាធរខណ្ឌដូនពេញបានឱ្យដឹងថា ដឹកនាំដោយ លោក សុខ ពេញវុធ អភិបាល នៃគណៈអភិបាលខណ្ឌដូនពេញ សហការជាមួយកម្លាំងស្នងការដ្ឋាននគរបាលរាជធានីភ្នំពេញ ដឹកនាំដោយ ឯកឧត្តម ឧត្តមសេនីយ៍ទោ ចេវ ហាក់ ស្នងការរងនគរបាលរាជធានីភ្នំពេញ និងកម្លាំងពាក់ពន្ធ័មួយចំនួនទៀត បានចុះរៀបចំសណ្តាប់ធ្នាប់ របៀបរៀបរយសាធារណៈរថយន្តគួកជេ និងរថយន្តដែលបានមកចតចោលនៅលើទ្រូងផ្លូវ និងចិញ្ចើមផ្លូវ និងទ្រូងផ្លូវសាធរណៈបណ្តាលអោយបាត់បង់សណ្តាប់ធ្នាប់ របៀបរៀបរយសាធារណ: បង្ករការកកស្ទះចរាចរណ៍និងសោភណ្ឌភាពរាជធានីភ្នំពេញ។
ជាលទ្ធផល រថយន្តចំនួន៤២គ្រឿង ត្រូវបានស្ទូច និងដកហូតយកមករក្សាទុកនៅរដ្ឋបាលខណ្ឌដូនពេញ ដើម្បីពិន័យ និងព្រមានឱ្យរាងចាលតែម្តង ។
សូមបញ្ជាក់ថា បន្ទាប់ពី អាជ្ញាធរខណ្ឌដូនពេញ បានចុះអនុវត្តន៏វិធានការចុះដេញរថយន្តគួកជេក្នុងរយៈពេលប៉ុន្មានថ្ងៃកន្លងមកនេះ គេបានសង្កេតឃើញថា នៅតំបន់មួយចំនួននៅតែមានរថយន្តគួកជេដាក់តាំងលក់ក្រោមរូបភាពបន្លំជាមួយរថយន្តមន្តីរាជការឬរថយន្តភ្ញៀវ និងបុគ្គលិកចូលក្នុងក្រសួង មន្ទីរឬហាងនានានៅតំបន់នោះ ដែលបញ្ហានេះអាជ្ញាធរខណ្ឌដូនពេញគួរតែពិនិត្យមើលបញ្ហានេះផង បើមិនដូច្នេះទេ ការអនុវត្តន៏ផែនការឬការសន្យា របស់ លោក សុខ ពេញវុធ អភិបាលខណ្ឌដូនពេញ នឹងទទួលបរាជ័យ ដែលមិនខុសពីវែកចកនោះឡើយ៕
ចែករំលែកព័តមាននេះ