មកស្គាល់ស្ត្រីខ្មែរ១រូប ដែលជួយក្រុមជម្រើសជាតិទោចក្រយានកម្ពុជា ទៅហ្វឹកហាត់នៅបារាំង
- ភ្នំពេញ
រាជធានីភ្នំពេញ ៖ ក្រោមការយកចិត្តទុកដាក់របស់ស្ត្រីខ្មែរមួយរូបនៅលើទឹកដីបារាំង ពេលនេះក្រុមជម្រើសជាតិកីឡា
រាជធានីភ្នំពេញ ៖ ក្រោមការយកចិត្តទុកដាក់របស់ស្ត្រីខ្មែរមួយរូបនៅលើទឹកដីបារាំង ពេលនេះក្រុមជម្រើសជាតិកីឡា
រាជធានីភ្នំពេញ ៖ ក្រោមការយកចិត្តទុកដាក់របស់ស្ត្រីខ្មែរមួយរូបនៅលើទឹកដីបារាំង ពេលនេះក្រុមជម្រើសជាតិកីឡាទោចក្រយានចំនួន៣នាក់ អមដោយគ្រូម្នាក់ ក្នុងនោះរួមមាន ១-កីឡាករ គឹម ចាន់ធូ ២-កីឡាករសាន ណាម៉ា និង៣-កីឡាករ សាន ណាម៉ាវ រីឯគ្រូបង្វឹកម្នាក់ គឺលោក ខ្លូត ករណី បានចាកចេញពីមាតុភូមិកំណើតទៅដល់ប្រទេសបារាំងហើយ បន្ទាប់ពីអ្នកទាំង៤បានចាកចេញពីកម្ពុជា កាលពីល្ងាចថ្ងៃសៅរ៍ ទី១២ ខែមិថុនា ឆ្នាំ២០២១ ។ អ្នកទាំង៤ត្រូវបានស្ត្រីខ្មែររូបនោះចំណាយទាំងស្រុងលើការផ្គង់ផ្គង់ ដើម្បីអោយអ្នកទាំង៤មានលទ្ធភាពស្នាក់នៅហ្វឹកហាត់ក្រេបយកបច្ចេកទេសពីអ្នកជំនាញផ្នែកកីឡាកង់រហូតដល់៣ខែនៅក្នុងប្រទេសនោះ។
លោក នូ ចំរើន អគ្គលេខាធិការសហព័ន្ធខ្មែរកីឡាទោចក្រយានបានបញ្ជាក់ថា ក្រុមកីឡាករជម្រើសជាតិកម្ពុជា និងគ្រូបង្វឹកម្នាក់សរុប៤នាក់បានធ្វើដំណើរទៅដល់ប្រទេសបានបារាំងប្រកបដោយសុវត្ថិភាពហើយ ដោយពួកគាត់បានទៅដល់កាលពីល្ងាចថ្ងៃទី១៣ ខែមិថុនា ឆ្នាំ២០២១ ហើយមានការស្វាគមន៍យ៉ាងកក់ក្ដៅពីស្ត្រីខ្មែរ ដែលជួយធានាទៅ។ នេះជាឱកាសជាលើកដំបូង ដែលក្រុមជម្រើសជាតិកង់កម្ពុជាបានទៅហ្វឹកហាត់បង្កើនបច្ចេកទេសនៅតំបន់អឺរ៉ុប ដែលជាឱកាសជួយអោយកីឡាករកម្ពុជាកាន់តែយល់ដឹងខ្លាំងពីការវិវឌ្ឍន៍ខ្លួនក្នុងការប្រកួតប្រជែង។ ស្ត្រីខ្មែរដែលផជួយជ្រោមជ្រែង កីឡាករកម្ពុជា និង គ្រូបង្វឹកពេញរយៈពេល៣ខែនោះ គឺលោកស្រី ប៉ែន ស្រីមុំ ប្រធានសមាគមកីឡាប្រណាំងកង់កម្ពុជា (Cambodia Cycling Accademy-CCA) ដែលមានទីស្នាក់ការនៅប្រទេសបារាំង និងកម្ពុជា ដោយសមាគមរបស់លោកស្រីក៏ជាអ្នកសម្របសម្រួលជួយអោយកីឡាករកម្ពុជា បានហ្វឹកហាត់ដោយជាមួយអ្នកជំនាញនៅក្នុងប្រទេសបារាំង។ លោកស្រីនឹងជួយដល់ការស្នាក់នៅ ហូបចុក និងការធ្វើដំណើរទៅមកក្នុងការហ្វឹកហាត់ និងការប្រកួតដកស្រង់ងបច្ចេកទេសជាមួយក្រុមជំនាញកម្រិតខ្ពស់នៅបារាំង។
អគ្គលេខាធិការរូបនេះអះអាងទៀតថា ការហ្វឹកហាត់នៅក្រៅប្រទេសនេះ ត្រូវបានធ្វើឡើងក្រោមការជួយជ្រោមជ្រែងលើកទឹកចិត្តយ៉ាងខ្លាំងក្លាពីឯកឧត្តម ប៉ាន សូរស័ក្តិ រដ្ឋមន្ត្រីក្រសួងពាណិជ្ជកម្ម និងជាប្រធានសហព័ន្ធខ្មែរកីឡាទោចក្រយាន ដោយធ្វើយ៉ាងណាប្រឹងប្រែងជំរុញឲ្យគុណភាពបច្ចេកទេសរបស់កីឡាករ កីឡាការិនីប្រណាំងកង់ ទទួលបានលទ្ធផលកាន់តែល្អប្រសើរបន្ថែមទៀត សម្រាប់ការប្រកួតអន្តរជាតិ ជាពិសេសគឺការទទួលធ្វើម្ចាស់ផ្ទះ ស៊ីហ្គេម ឆ្នាំ ២០២៣។ តាមការគ្រោងទុក នាពេលខាងមុខសហព័ន្ធនឹងបញ្ជូនកីឡាការិនី១ក្រុមទៀតចេញទៅហ្វឹកហាត់នៅក្រៅប្រទេសដែរ។
មុនពេលចេញដំណើរ លោក ខ្លូត ករណី គ្រូបង្វឹកកីឡាទោចក្រយានជម្រើសជាតិកម្ពុជា ដែលត្រូវដឹកនាំកីឡាករទាំង៣នាក់ទៅហ្វឹកហាត់នៅប្រទេសបានបារាំងជឿជាក់ថា ការហ្វឹកហាត់នៅប្រទេសអឺរ៉ុបជាលើកដំបូងរបស់កម្ពុជានេះ នឹងជួយបង្កើនគុណភាពបច្ចេកទេសកីឡាករយើងកាន់តែល្អប្រសើរបន្ថែមទៀត ពីព្រោះថា យើងនឹងមានការប្រកួតធំៗជាច្រើនទៀត ជាពិសេសគឺគោលដៅស៊ីហ្គេម នៅប្រទេសវៀតណាម ចុងឆ្នាំ២០២១ ឬអាចឆ្នាំ២០២២ និងស៊ីហ្គេម ឆ្នាំ២០២៣នៅកម្ពុជា។
ជម្រើសជាតិប្រណាំងកង់គក់ទាំង៣នាក់នេះ គឺកីឡាករ គឹម ចាន់ធូ, កីឡាករសាន ណាម៉ា និងកីឡាករ សាន ណាម៉ាវ ក៏បានប្តេជ្ញាចិត្តខ្ពស់ ក្នុងការខិតខំបន្តការហ្វឹកហាត់នៅប្រទេសបារាំង ដើម្បីបង្កើនគុណភាពបច្ចេកទេសជាមួយក្រុមកីឡាករអាជីពនៅប្រទេសបារាំង និងនាំយកនូវសិទ្ធផលពីការហ្វឹកហាត់នោះ មកបម្រើដល់ការប្រកួតនានា សម្រាប់ជាតិកម្ពុជា នាពេលខាងមុខជាបន្ទាបន្ទាប់ ជាពិសេស គឺគោលដៅការទទួលធ្វើម្ចាស់ផ្ទះ ស៊ីហ្គេម លើកទី៣២ ឆ្នាំ២០២៣ តែម្តង៕
ចែករំលែកព័តមាននេះ