រាជធានីភ្នំពេញ ៖ បើតាមសេចក្តីរាយការណ៍បានឱ្យដឹងថា ស្ត្រីជនជាតិចិនម្នាក់ពាក់អាវខ្មៅដៃខ្លី ស្លៀកខោពណ៌ផ្កាឈូក ហើយមិនដឹងថា តើស្ត្រីរូបនេះមកពីណានោះទេ? បានទៅដេកក្នុងទូ ATM បង្កអោយមានការភ្ញាក់ផ្អើលទាំងសមត្ថកិច្ច និងសន្តិសុខ នាំគ្នាហាមឃាត់ បែរជាស្ត្រីរូបនេះដើរស្រែកឡូឡា និងស្រា.តខោអាវ បង្កឱ្យមានការភ្ញាក់ផ្អើលកាលពីវេលាម៉ោង១២រំលងអធ្រាត្រថ្ងៃទី១៤ ខែមិថុនា ឆ្នាំ២០២១ តាមបណ្តោយផ្លូវ១០០៣ នៅចំណុចម្តុំក្បែរនឹងផ្សារអ៊ីអន២ ស្ថិតនៅក្នុងសង្កាត់ភ្នំពេញថ្មី ខណ្ឌសែនសុខ។
តាមប្រភពព័ត៌មានពីសន្តិសុខបានអោយដឹងថា មុនពេលកើតហេតុខាងលើនេះ គឺបានឃើញស្ត្រីម្នាក់មិនស្គាល់អត្តសញ្ញាណនោះទេ ជាជនជាតិចិន ហើយក៏មិនដឹងថាដើរមកពីណានោះទេ? បានជាមកដេកក្នុងទូ ATM នៅលើផ្លូវ១០០៣ រួចហើយអុកឡុកគេឯងពេញនៅម្តុំនោះផ្អើលសន្តិសុខ នាំគ្នាហាមឃាត់កុំអោយធ្វើបែបនេះទៀត។
សន្តិសុខរូបនេះបន្តថា ក្រោយមកស្ត្រីរូបនោះក៏បានដើរចេញទៅដល់ម្តុំផ្សារអ៊ីអន២ ក៏ស្រាប់តែចូលទៅអុកឡុកកន្លែងសន្តិសុខកំពុងតែដេក ថែមទាំងស្រែកឡូឡា នឹងដោះអាវស្រា.តខោចេញ តែត្រូវបានគេហាមឃាត់ទាន់ ទើបស្ត្រីជនជាតិចិនរូបនេះដើរទៅដើរមក និងនិយាយតែឯងស្រែកពេញផ្លូវ ហើយរត់ចូលឡាន និងម៉ូតូដែលកំពុងតែបើកលឿនៗអស់រយៈពេលជាងមួយម៉ោង ទើបសមត្ថកិច្ចមកដល់ធ្វើហាមគាត់កុំអោយអុកឡុកគេឯងបន្តទៀត ។
បើតាមសមត្ថកិច្ចបានបញ្ជាក់ថា ស្ត្រីខាងលើនេះ គឺមិនដឹងថាប្រើប្រាស់ថ្នាំលើសកំរិតដល់ណានោះទេទើបបានជាមានសភាពបែបនេះ ។ ក្រោយពេលកើតហេតុខាងលើនេះ សមត្ថកិច្ចក៏បានហៅម៉ូតូកង់បីដឹកយកស្ត្រីរងគ្រោះទៅកាន់ស្ថានទូតចិន ដើម្បីប្រគល់ឱ្យស្ថានទូតចាត់ការទៅតាមនីតិវិធី ៕
ចែករំលែកព័តមាននេះ