រាជធានីភ្នំពេញ ៖ «Go To School Together» គឺជាកម្មវិធីសេវាកម្មផ្សព្វផ្សាយថ្មីសន្លាងមួយទៀតរបស់បណ្ដាញទូរស័ព្ទធំបំផុតក្នុងព្រះរាជាណាចក្រកម្ពុជា មិត្ដហ្វូនសម្រាប់ផ្ដល់ជូនដល់សិស្សានុសិស្សនូវជម្រើសលេខពិសេសតាមចំណូលចិត្ដដោយឥតគិតថ្លៃ ជាមួយនឹងការចាប់ឆ្នោតផ្សងសំណាងរហូតដល់ពីរដងផងដែរ។
តាំងពីដាក់ដំណើរការគម្រោងថ្មីនេះកាលពីចុងខែតុលាកន្លងទៅ សិស្ស-និស្សិតនៅតាមគ្រឹស្ថានសិក្សានានាមានការចាប់អារម្មណ៍ចំពោះការប្រើប្រាស់ប្រព័ន្ធមិត្ដហ្វូន ជាពិសេស ចំណោមសិស្ស-និស្សិតដែលពុំធ្លាប់ប្រើបណ្ដាញទូរស័ព្ទឈានមុខគេនេះពីមុនមក។
យោងតាមរបាយការណ៍ពីក្រុមហ៊ុនមិត្ដហ្វូន បានឲ្យដឹងថា បុគ្គលិកផ្នែកលក់បានរៀបចំលក់ផលិតផលរបស់មិត្ដហ្វូននៅតាមទីតាំងសាលានីមួយៗដែលក្រុមហ៊ុនបានជ្រើសរើសរួចជាស្រេច។
ក្រុមហ៊ុនបានបន្ដថា៖ «គ្រាន់តែទីតាំងដំបូងរបស់យើងដែលស្ថិតនៅក្នុងវិទ្យាល័យជាស៊ីមបឹងកេងកង ក្រុមការងារផ្នែកលក់ពិតជាមានកិច្ចការយ៉ាងសស្រាក់សស្រាំក្នុងការផ្ដល់ជូននូវសេវាកម្មដល់សិស្សានុសិស្សដែលចាប់អារម្មណ៍ចំពោះស៊ីមកាតលេខពិសេសរបស់មិត្ដហ្វូន»។ នាឱកាសឈរជើងនៅទីតាំងវិទ្យាល័យជាស៊ីមបឹងកេងកងនេះ សិស្សានុសិស្សបាននាំគ្នាមកប្រមូលផ្ដុំដើម្បីជ្រើសរើសលេខពិសេស ស្អាតៗ ទូរស័ព្ទដៃស៊ីមពីរ និងម៉ូឌឹម USB ជាច្រើន។
របាយការណ៍បានបន្ថែមថា៖ «ក្រៅពីបានជ្រើសរើសលេខស្អាតៗដោយឥតគិតថ្លៃហើយ សិស្សានុសិស្សទាំងអស់ក៏មានឱកាសផ្សងសំណាងឈ្នះរង្វាន់ភ្លាមៗ ដូចជា កាតបញ្ចូលទូរស័ព្ទ សម្ភារសិក្សា រួមមាន សៀវភៅ ប៊ិក បន្ទាត់ និងការចាប់ឆ្នោតយករង្វាន់ធំកង់មួយគ្រឿងផងដែរ»។ ស្ថិតក្នុងទឹកមុខញញឹមញញែមដែលដៃកាន់ជាប់ស៊ីមលេខពិសេសមួយ កញ្ញា រស់ ស្រីនាង ជាសិស្សវិទ្យាល័យជាស៊ីមបឹងកេងកង បានពោលពីអារម្មណ៍រីករាយថា៖ «ខ្ញុំពេញចិត្ដនឹងសេវាកម្មមិត្ដហ្វូននៅថ្ងៃនេះ ពីព្រោះក្រុមហ៊ុនបានចែកជូននូវស៊ីមលេខពិសេសស្អាតៗជាច្រើនសម្រាប់ជ្រើសរើស ព្រមទាំងមានកម្មវិធីចាប់រង្វាន់បានភ្លាមៗទៀតផង»។ យុវសិស្សរូបនេះបានបង្ហាញពីសុទិដ្ឋិនិយមថា៖ «ខ្ញុំនឹងបន្ដប្រើប្រាស់សេវាក្រុមហ៊ុនមិត្ដហ្វូនរៀងទៅ ពីព្រោះមិត្ដហ្វូនផ្ដល់សេវាកម្មល្អៗជាច្រើន»។
យុវសិស្ស ឆាយលាង ដែលមិនធ្លាប់ប្រើបណ្ដាញទូរស័ព្ទមិត្ដហ្វូន បានលើកឡើងថា៖ «ខ្ញុំសាកល្បងប្រើប្រាស់សេវាកម្មមិត្ដហ្វូនម្ដង ព្រោះឮគេថា អ៊ីនធឺណិតដើរលឿន ហើយកម្មវិធីប្ដូរលុយក៏ច្រើនសន្ធឹកសន្ធាប់សម្រាប់ប្រើក្នុងប្រព័ន្ធទៀត។ សំខាន់បំផុត គឺការចាប់ឆ្នោតយករង្វាន់ទៀត ពិតជាឡូយមែនទែន»។ជាបុគ្គលិកផ្នែកលក់ដ៏មមាញឹករបស់មិត្ដហ្វូន កញ្ញា ចេងអ៊ី ក៏បានបញ្ចេញមតិថា៖ «ថ្ងៃនេះ យើងលក់ដាច់ច្រើនជាងកម្មវិធីមុនៗ ហើយសិស្សានុសិស្សក៏ចាប់អារម្មណ៍សេវាកម្មមិត្ដហ្វូនផងដែរ ពីព្រោះវាបានផ្ដល់អត្ថប្រយោជន៍ជាច្រើនដល់ពួកគេ»។
ថ្លែងក្នុងសភាពស្ទាក់ស្ទើរចំពោះមតិរិះគន់ស្ថាបនារបស់សិស្សានុសិស្ស កញ្ញា ចេងអ៊ី បានបង្ហើបប្រាប់ថា៖ «ការរៀបចំកម្មវិធីនេះពិតជាល្អហើយ ប៉ុន្ដែក្រុមហ៊ុនគួរតែមានឈុតសម្លៀកបំពាក់សម្រាប់បុគ្គលិកផ្នែកលក់ឲ្យបានគ្រប់ៗគ្នា។ ចំណែកឯសម្ភារសិក្សាវិញ គួរតែរៀបចំជាឈុតសម្រាប់សិស្សវិទ្យាល័យ ដូចជា សៀវភៅសរសេររាងក្រាសៗបន្ដិច និងបន្ទាត់ល្អៗជាងនេះផងដែរ»។
យ៉ាងណាមិញ កម្មវិធីលក់ស៊ីមជូនសិស្សានុសិស្ស «Go To School Together» ពិតជាទទួលបានការគាំទ្រយ៉ាងខ្លាំងពីយុវសិស្សនៅតាមគ្រឹស្ថានសិក្សានានា ដោយពួកគេមានឱកាសអាចជ្រើសរើសស៊ីមលេខពិសេស និងបានស្គាល់អំពីគុណភាពរបស់បណ្ដាញមិត្ដហ្វូនផងដែរ៕
ចែករំលែកព័តមាននេះ